Jeremia 14:2 - KITABU KITAKATIFU

² Yuda a syomanga, kandi viribwa vi syomanga, vikaye hasi viviki tsingubo tsimwamu; lilira lya Yerusalemi lyanegiye igulu.

Jeremia 14:2 ပူးပေါင်းရင်းမြစ်များ

Ayubu 34:28

Kuduka va kola lilira lyavadaka kuduka kuye, Na ya hulira lilira lya yavo ava dambidzangwa.

Zaburi 144:14

Lwa tsing'ombe tsyetu tsi veye nemisigo milahi; Lwa ha vula kuva nahatiguka, kinga kutwulidza, Kandi ha ta veye lihanzuka ku tsinzira tsyetu:

Kutwula 2:24

Na Nyasaye ya hulira likenya lyavo, na Nyasaye yidzulitsa lilagana lilye lya ya kola na Abrahamu, na Isaka, na Yakobo.

Isaya 15:5

Mwoyo gwange gu kupa tsikwili kigira Moabu; avanene veve virukira Zoaru, na Egilathushelishiya: kigira yavo vanegira nokulilira ku kyanegiru kya Luhithu; kigira ku inzira ya Horonaim va ginga lilira lyobwoneku.

Isaya 24:11

Lilira li veye mu mahasi galyo kigira iwaini; busangali bwosi bu vikeywi kisundi, ubusangali bwosi bwekivala bu goti.

Isaya 24:4

Lirova li syomanga nokuniala, lirova li dengeyanga nokuniala, avenenehidzanga ku lirova va dengeyi.

Isaya 24:7

lwaini impya i syomanga, na muzabibu gu niyalanga, vosi ava sangala va kenyanga.

Isaya 3:26

Na viribwa vivye vi la lira nokusyoma; naye a la va mukali wa lekwa, naye a likala hasi.

Isaya 33:9

Kivala ki syoma nokudengeya; Lebanon ki nyoye tsisoni nokuniala; Sharon ki gwiye kuli migendanyama; na Bashan na Karimeli vi haluluki.

Isaya 5:7

Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 12:11

Va ki koli kuva hatswa; ki liranga ku inze kigira ki veye hatswa; kivala kyosi ki kolwa hatswa, kigira si ha veye nomundu u ganagana likuva yili mu mwoyo gwigwe.

Jeremia 12:4

Kivala ki la syoma ku duka inyinga ki, netsingutsa tsyekivala kyosi tsi niala? Kigira ubudamano bwa yavo ava menyanga mukyo, tsinyama tsi divi, na manyonyi; kigira va vola, Uyu si a la lola kiheri kyetu mba.

Jeremia 18:22

Na lilira li hulirwe li twulanga mu tsinyumba tsyavo, lwa u leta lihe kuvo nonoho: kigira va yavi bogo kung'umira, na va visi mitego kutega virenge vyange.

Jeremia 4:28

Kigira vindu yivi lirova li la syoma neligulu li la va limwamu; kigira mboye yaga, nsaaviye, si nzeganiye, si ndirana inyima ku inkuva yiyi.

Jeremia 46:12

Tsihiri tsi huliye tsisoni tsitsyo, nelirova lizuyi lilira lilyo; kigira muluviriri wikigitaye ku muluviriri wakye, va gwiye vombi halala.

Jeremia 8:21

Inze saliranga kigira lisalira lyomukana wavandu vange: mbeye nelisyoma; ubugenyi bu ng'umiye.

Lisyoma lya Jeremia 2:8

Yahova u saaviye kwononnya lidigi lyomukana wa Zioni; U nyiye mugoye,, na si yegaliye mukono gwigwe gu vule kudividza mba: Kigira yaga ya kola impinga na lidigi kusyoma; vyombi halala vi dengeya.

Lisyoma lya Jeremia 2:9

Viribwa vivye vya sikira hasi; ya dividza nokuvunannya miluguyu gyavyo; Mwami wewe na vanene veve va veye mu tsihiri tsyelilaga li ta veye mutsyo; Yee, avaprofeti veve si va lolanga malola ga twulanga ku Yahova.

Lisyoma lya Jeremia 5:10

Ligodo lyetu li veye limwamu kuli amahiga Kigira uluya lwenzala lu sambanga.

Hosea 4:3

Kigira yaga kivala ki la syoma, na sa mulala u menyanga mukyo a la ng'aha, halala netsinyama tsyombulimu na manyonyi gombwerefu; yee, tsisudzi tsyomu inyanza kandi tsi la twulidzwa.

Joeli 1:10

Mulimi gwoneki, kivala ki syomanga; kigira ubuswage bwoneki, iwaini impya yumi, na maguta ga gehi.

Joeli 1:11

Mu ve netsisoni mwinye avalimi, mu syome, mwinye avalindanga mizabibu, ku ingano noku ishaii; kigira ligesa lyomulimi lyoneki.

Joeli 1:14

Mu takase lihonga lilia, mu lange livugana litakatifu, mu vungidze avasakulu, na vosi avamenya mu kivala, va vunge mu inyumba ya Yahova Nyasaye wenyu, mwanire Yahova.

Joeli 2:6

Avandu va veye mu busaliri imbiri wavo; mumoni mwosi mu galuye nobutii.

Haggai 1:11

Na nda langa kimeyu ki duke ku kivala, noku vigulu, noku ubuswage, noku iwaini impya, noku maguta, noku vyamera, noku vandu, noku mitugu, noku mi yinzi gyosi gyamakono genyu.

Zekaria 7:13

Kandi ga duka, lwa yanira, navo si va bugirira kuhulira mba; ni ndiyo yavo va lanira, na inze si ndi hulira mba, Yahova wa mahe a vola;

1 Samweli 5:12

Navandu va vula kukudza va duywa namihi; nalilira lyelidala lya duka migulu.

1 Samweli 9:16

Mugamba inyinga kuli yiyi nda leta ku ive umundu u twula mkivala kya Benjamini, na u mbake maguta a ve umunene ku avandu vange Israeli; naye a la honnya avandu vange ku makono ga Vafilisiti: kigira mbenzi avandu vange, kigira lilira lyavo li duki ha mbeye.