Jeremia 14:18 - KITABU KITAKATIFU

¹⁸ Ni ntwula kutsia mmulimi, henza, aviitwa nekivavi ni nzingira mu lidala, henza, avalwaye kigira inzala kigira muprofeti nomusalisi vombi va tsia yiyi na yiyi mu kivala kya va ta manya.

Jeremia 14:18 ပူးပေါင်းရင်းမြစ်များ

Isaya 22:2

O ive wizuye liha nzuka, lidala lyeliyoga, lidala lyelisangala: lyavandu vovo viitwa si viitwa nekivavi, kandi si va kudzira mu bulwani.

Isaya 28:7

Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Jeremia 2:8

Avasalisi si va teva, Yahova a veye haliha? Na va tumikiranga lilaga si va manya inze mba: avamehanga ve baala ku inze, navaprofeti va profeta na Baal, na va tsia kulonda vindu vi ta duka.

Jeremia 23:21

Si nda tuma vaprofeti yava, navutswa va nyagula; si nda va volera navutswa va profeta.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 6:25

U ta tsia kyova mu mulimi, u ta genda ku inzira; kigira kivavi kyomusigu ki veye yo, na litihidza tsimbega tsyosi.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Lisyoma lya Jeremia 1:20

Henza, O Yahova; kigira mbeye mu lidambidzwa, mwoyo gwange gu kaliki; Mwoyo gwange gu gwirani mu inze; kigira nzebaaye nobululu: Kyova kivavi kiitanga avana, mu nyumba mu veye kuli likudza.

Lisyoma lya Jeremia 2:19

Vuka, u kupe lwanga mbudiku mu litanga lyobulindi; U tsuke mwoyo gugwo kuli amadzi imbiri womumoni mwa Yahova: Ginga makono gogo kuhenzidza kuye kigira livamwoyo lyavana vovo vadoto, yavo ava kudza myoyo kigira inzala ku kiheri kyelihasi sa lilala.

Lisyoma lya Jeremia 4:9

Yavo aviitangwa nekivavi va veye bulahi kuvita avenzala yiitanga; Kigira va niaye, va tumitwa hagati, kigira lidaka lya makuyu gemilimi.

Ezekieli 7:15

Kivavi ki veye kyova, nobulwaye nenzala vi veye mugati: u veye kyova mu mulimi a la kudza nekivavi; na u veye mu lidala, inzala nobulwaye bu la mu lia.

Amosi 4:6

Inze mmu heye ubusiye bwa amino mu madala genyu gosi, na ligeha lyobukima mu tsingo tsyenyu tsyosi; navutswa si mwirani ku inze, Yahova a vola.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Kwidzulitsa 28:36

Yahova a la ku hila, nomwami wowo wa u li vika igulu ku ive, ku ihiri ya u ta manya, ive kinga vaguga vovo; na u la tumekira vanyasaye vandi, avemisala namagina.

Kwidzulitsa 28:64

Na Yahova a la mu salanya hagati he tsihiri tsyosi, kutwula ku luvega yilu lwelirova kuduka ku luvega yilu lwelirova; na u la tumekira avanya saye vandi ha zana, ava u ta manya, ive kinga avaguga vovo, navo va veye misala namagina.

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.