Jeremia 14:16 - KITABU KITAKATIFU

¹⁶ Navandu yavo ava va vikanga kuvo ubuprofeti, va la tebwa ku mahasi ga Yerusalemi kigira inzala nekivavi; si va la va nomundu wokuvata yavo, navakali vavo, navana vavo vayai, navakana: kigira nda tsuka ubudamano bwavo kuvo.

Jeremia 14:16 ပူးပေါင်းရင်းမြစ်များ

Tsing'ano 1:31

Kunangwa va la lia makuyu genzira yavo avene, Na va lizula makuva gavo avene.

Isaya 51:20

Avayai vovo va kudza myoyo, va gonanga mu viheri vyamahasi gosi, kuli imboongo mu mutego; vizuye ubutima bwa Yahova, ligondoka lya Nyasaye wowo.

Isaya 9:16

Kigira yavo avemiriri vavandu yava va va kyaminya; navo va vandu yavo vimirira va dividzwa.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 18:21

Kunangwa kigira yaga haana avana yavo va lola inzala, u va haane va ve isi wetsingulu tsyekivavi; navakali vavo, avana va gote kuvo, navo va ve avakunzakali; na avasatsa vavo viitwe nelikudza, na vasoleli vavo vayai viitwe nekivavi mbulwani.

Jeremia 20:6

Na ive, Pashuri, na vosi ava menya mu inyumba yoyo mu la tsia mu butugwa; na u la duka Babuloni, na u la kudzira yo, nokutebwa yo, ive navalina vovo vosi, ava wa profeta kuvo agobubehi.

Jeremia 27:15

Kigira inze si nda va tuma mba, Yahova a vola, navutswa va profeta ububehi ku lieta lyange; nduke kutwulidza mwinye, na mu dive, mwinye, navaprofeti ava mu profetera.

Jeremia 4:18

Inzira yoyo nelikola lilyo vi ku nyoleye inkuva yiyi; henza ubudamano bubwo; kigira bu veye bululu, kigira bu dukanga ku mwoyo gugwo.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Jeremia 7:33

Na mibiri mikudzu gyavandu yava gyi la va vyokulia vyamanyonyi agombwerefu, na tsinyama tsyomu lirova; na si ha la va nomundu wokuvikunga.

Jeremia 8:1

Inyinga yeyo, Yahova a vola, va la twulidza vigumba vyavami va Yuda, na vigumba vyavanene veve, na vigumba vyavasalisi, na vigumba vyavaprofeti, na vigumba vyavamenyi mu Yerusalemi, vi twule mu vilindwa vyavo;

Jeremia 8:2

na va la vi vagala ku mbasu noku bwomweli, noku lihe lyosi iyomigulu, avanyasaye va va li ni va yanza, nokuvatumekira, nokuvalonda, nokuvenya, nokuvasi gamira: vi la vula kuvungidzwa, kandi vi la vula kutebwa, vi la va isina mmoni mwekivala.

Jeremia 9:20

Navutswa mu hulire likuva lya Yahova, Mwinye avakali, amatu genyu ga bugirire likuva lyomunwa gwigwe, mwegidze avakana venyu lisyoma, mukali sa mulala yegidze wakye lisyoma.

Jeremia 9:22

Vola, Yahova a vola ndi, Mibiri mikudzu gyavandu gyi la vunguluka kuli amandu mu malimiru, kandi kuli kikamata kya ng'alika inyima womugesi; si ha la va nomundu wokukivungidza halala.

Ezekieli 39:14

Navo va lahula avandu vemiyinzi gya kazozo, ava li vita hagati hekivala, na halala na yavo avavitira mukyo, va te avatigala habulavu ku kivala yikyo, va ki takase: inyima yekiheri kyemyeli gyitano negyiviri va lenya.

Amosi 7:17

kigira yaga Yahova a vola: Mukali wowo a la va wamalaya mu lidala, navayai vovo navakana vovo va la gwa ku kivavi, nekivala kikyo ki la gavulwa nomugoye; na ive mwene u la kudzira mu kivala kidamano, na Israeli ligali a ladikidzwa a twule mu kivala kikye.

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Likunula 16:1

Kandi nda hulira mwoyo munene gu twula mu litempeli, ni gu volera tsingelosi vatano na vaviri, Mu tsie mwagulule vituva vitano na viviri vyobutima bwa Nyasaye ku lirova.