Jeremia 14:15 - KITABU KITAKATIFU

¹⁵ Kigira yaga Yahova a vola ku makuva ga vaprofeti va profeta ku lieta Ivange, bugira inze kuvatuma, navutswa va vola, Si ki la va ho kivavi kinga inzala mu kivala yiki: avaprofeti yava va la diva ku kivavi nenzala.

Jeremia 14:15 ပူးပေါင်းရင်းမြစ်များ

1 Avami 22:25

Mikaiya ya mu volera, Henza, u la lola ku lidiku lya u lingira mu kegodi kyo mu inyumba yoyo kyomugati kwivisa.

Jeremia 20:6

Na ive, Pashuri, na vosi ava menya mu inyumba yoyo mu la tsia mu butugwa; na u la duka Babuloni, na u la kudzira yo, nokutebwa yo, ive navalina vovo vosi, ava wa profeta kuvo agobubehi.

Jeremia 23:30

Kunangwa kigira yaga henza, mbeye nobusigu ku avaprofeti, Yahova a vola, va nuula makuva gange ku mundu sa mulala nowakye.

Jeremia 27:15

Kigira inze si nda va tuma mba, Yahova a vola, navutswa va profeta ububehi ku lieta lyange; nduke kutwulidza mwinye, na mu dive, mwinye, navaprofeti ava mu profetera.

Jeremia 6:15

Va lola tsisoni lwa va kola kivihiri? Auwa, si va lola tsisoni kali hakuzu, kandi si va nyala kuva isoni; kunangwa kigira yaga va la gwa mu yavo ava gwidzanga; lwa ndi duka kuvo va la tuulwa hasi, Yahova a vola.

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Jeremia 8:13

Inze nda va dividza ligali, Yahova a vola: si ga la va ho mazabibu ku mizabibu, kinga amakuyu ku mikuyu, amatu ga la nila; kandi vindu vya nda va ha vi la gota.

Lisyoma lya Jeremia 1:19

Nda langa avayanze vange, navutswa ngada: Vasalisi vange na vakulundu vange va kudzera mu lidala, Lwa va li ni venyanga vyokulia va duke kwirannya myoyo gyavo ubuhya.

Lisyoma lya Jeremia 2:20

Lola, O Yahova, henza, ni bwaha wa u koleye ndiyo Avakali va lie lwivulo lwavo, avana va va lera mu makono gavo? Musalisi nomuprofeti va liitirwa mu hatakatifu ha Yahova?

Ezekieli 13:14

Ni ndiyo ndi sambula lidigi lya mwa buula ubudohi bwa vula kuduvulwa bulahi, nokulyalira hasi, kuduka imise gyalyo gyi la va milavu; li la gwa, na mwinye mu la dividzwa ligali hagati halyo: na mu la manya inze mbeye Yahova.

Ezekieli 13:15

Ni ndiyo ndi dukidza ubutima bwange ku lidigi, noku yavo va li buula ubudohi bwa vula kuduvulwa bulahi; na nda mu volera, Lidigi si li veye ho kalunu, kinga yava ava li buula;

Ezekieli 13:9

Mukono gwange gu la va ku vaprofeti va lolanga vindu vya vutswa, ava segetiranga ububehi: si va la va mu makuva gavandu vange, kandi si va la ng'odwa mu mang'oda genyumba ya Israeli, kandi si va lingira mu kivala kya Israeli, na mu la manya inze mbeye Mwami Nya saye.

Ezekieli 14:10

Na va la ginga ubudamano bwavo: budamano bwa uyu muprofeti bu la leng'ana nobwa uyu wa tsia kuye kumuteva,

Ezekieli 14:9

Kandi ni i va muprofeti uyu ya gadwa nokuvola likuva ku gosi Ninze, Yahova, wa gada muprofeti uyu, na nda nyira mukono gwange kuye, nokumudividza a twula hagati ha vandu vange Israeli.

Ezekieli 33:6

Navutswa umulindi na a lola kivavi ni kidzanga, La a vula kukupa kisiliva, navandu ni va vula kugerehidzwa, nekivavi ni ki duka kuvo, nokutwulidza mundu ku vosi hagati havo; ya twulidzwa na a veye mu bwoni bwibwe, navutswa masahi gege nda ga vanza ku mukono gwomulindi.

Amosi 7:17

kigira yaga Yahova a vola: Mukali wowo a la va wamalaya mu lidala, navayai vovo navakana vovo va la gwa ku kivavi, nekivala kikyo ki la gavulwa nomugoye; na ive mwene u la kudzira mu kivala kidamano, na Israeli ligali a ladikidzwa a twule mu kivala kikye.

Mika 3:5

Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.

Kwidzulitsa 18:20

Navutswa mprofeti, u vola kindu ku lihindageridza ku lieta lyange, vya nda vula kumulaga kuvola, kinga u vola ku lyeta lya vanyasaye vandi, muprofeti uyu a kudze.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi: