Jeremia 14:14 - KITABU KITAKATIFU

¹⁴ Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 14:14 ပူးပေါင်းရင်းမြစ်များ

Isaya 56:10

Avalindi veve va veye avoboku, vosi va gehi ubugeeri; vosi va veye tsimbwa tsidimbidi, si va nyala kuloka; va lola maloto, va gona hasi, vayanza tsindolo.

Isaya 9:15

Na mukulundu na mundu wolu yali, uyu a veye mutwe; nomuprofeti wegidzanga makuva gobubehi, uyu a veye mukira.

Jeremia 20:6

Na ive, Pashuri, na vosi ava menya mu inyumba yoyo mu la tsia mu butugwa; na u la duka Babuloni, na u la kudzira yo, nokutebwa yo, ive navalina vovo vosi, ava wa profeta kuvo agobubehi.

Jeremia 28:11

Na Hanania ya vola imbiri wetsimoni tsyavandu vosi, na a vola, Yahova a vola ndi: Ni ndiyo ndi vunannya inira ya Nebukadinezaru mwami wa Babuloni mu mihiga gyiviri i twule ku magoti gavetsihiri vosi. Ma muprofeti Jeremia ya tsia.

Jeremia 28:13

Tsia, u volere Hanania likuva yili, Yahova a ku volera: Ive wa vunannya tsinira tsyomusala; navutswa u lombi tsinira tsyekivya mbugono bwatsyo.

Jeremia 28:15

Hene yaho muprofeti Jeremia ya volera Hanania muprofeti, Hulira kalunu, ive Hanania; Yahova si ya tuma ive mba: navutswa ive u suuviridzanga avandu yava va suuvire ububehi.

Jeremia 29:21

Yahova wa mahe, Nyasaye wa Israeli, a vola ndi, ku makuva ga Ahabu mwana wa Kolaia, noku makuva ga Zedekia mwana wa Maaseia, ava profetera mwinye ububehi mu lieta lyange: Henza, nda va vika mmukono gwa Nebukadirezaru mwami wa Babuloni; naye a la viitira imbiri wetsimoni tsyenyu;

Jeremia 29:31

U hile amakuva ku vosi avadikidzwa, kuvola, Yahova a vola ku makuva ga Shemaia Munehelami; kigira Shemaia ya profeta ku mwinye, na inze si nda mu laga mba, na ya mu suuviridza kuduka ni mu suuvira ku bubehi;

Jeremia 37:19

Avaprofeti vovo va veye haliha kalunu, ava profetera ive, kuvola, Mwami wa Babuloni si a ladza ku ive mba, kinga ku kivala yiki?

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Jeremia 8:11

Va honnyi ulugoma lwomukana wavandu vange hakekeke, nokuvola, Mirembe, mirembe; lwa mirembe gvi ta veye ho.

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Lisyoma lya Jeremia 2:9

Viribwa vivye vya sikira hasi; ya dividza nokuvunannya miluguyu gyavyo; Mwami wewe na vanene veve va veye mu tsihiri tsyelilaga li ta veye mutsyo; Yee, avaprofeti veve si va lolanga malola ga twulanga ku Yahova.

Ezekieli 12:24

Kigira amalola ga vutswa si ga la va ho kandi, kinga ubusegetiri bweligoha mu inyumba ya Israeli.

Ezekieli 13:2

Ive mwana womundu, u profete ku vaprofeti va Israeli ava profetanga, u va volere yavo ava nyolanga buprofeti ku myo yo gyavo avene, Mu hulire likuva lya Yahova;

Ezekieli 13:23

kigira yaga si mu la lola aga vutswa yago kandi mba, kinga kusege tera ubusegetiri: na nda honnya avandu vange ku makono genyu: na mu la manya inze mbeye Yahova.

Ezekieli 21:29

hali kanyingi va mu lolera malola ga vutswa, hali kanyingi va segitiranga ku ive ububehi, kukwalira mmagoti gavadamano avatwa tsing'oma tsyokuviita, avelidiku lyavo li duki ku inyinga yobudamano bwekiheri.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Zekaria 10:2

Kigira vifwananyi vi volanga vutswa, na vagimba va lolanga bubehi; na va volanga vya maloto gobubehi, lileminya mwoyo lyavo li veye lya vutswa: kigira yaga va tsitsanga kuli magondi, va dambidzwa, kigira si ha veye nomwayi.

Zekaria 13:3

Kandi ga la duka ku vosi u profeta, hene yaho dada wewe na mama wewe ava mwivula va la mu volera, Ive si u la va mwoyo mba; kigira u voye makuva gobubehi ku lieta lya Yahova: na dada wewe na mama wewe va mwi vula va la mu tumita lwa a profeta.

Kwidzulitsa 18:20

Navutswa mprofeti, u vola kindu ku lihindageridza ku lieta lyange, vya nda vula kumulaga kuvola, kinga u vola ku lyeta lya vanyasaye vandi, muprofeti uyu a kudze.

1 Timoteo 4:2

ku bugadi bwavandu ava volanga ububehi, ava sambwa mu myoyo gyavo avene kuli lisamba lyekivya ki twula mu muliru;

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.