13 Hene yaho nda vola, Ai, Mwami Nyasaye henza, avaprofeti va va volera, Mwinye si mu la lola kivavi, kandi si mu la va nenzala mba; navutswa nda mu ha mirembe gya dinyeridzwa hano.
Avalindi veve va veye avoboku, vosi va gehi ubugeeri; vosi va veye tsimbwa tsidimbidi, si va nyala kuloka; va lola maloto, va gona hasi, vayanza tsindolo.
Na ive, Pashuri, na vosi ava menya mu inyumba yoyo mu la tsia mu butugwa; na u la duka Babuloni, na u la kudzira yo, nokutebwa yo, ive navalina vovo vosi, ava wa profeta kuvo agobubehi.
Va voleranga kazozo yavo ava leganga inze, va vola, Yahova a voye, Mu la nyola mirembe; nomundu sa mulala u gendanga nobudinyu bwomwoyo gwigwe va mu volera, Ubudamano kali bulala si bu la mu nyola mba.
Hene yaho nda vola, Ai, Mwami Nyasaye ligali ive u gadi avandu yavo ligali na Yerusalemi, lwa wa vola, Mwinye mu la va nemirembe; navutswa kivavi ki duki kali mu myoyo.
avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?
Kigira mu vereridza myoyo gyavalungi namakuva genyu gobubehi, ava inze nda vula kuvereridza; nokudinyeridza amakono gomudamano, a vule kwirana nokuleka inzira yeye indamano, nokuhona a ve mwoyo;
Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.
Navutswa kandi va singira avaprofeti avobubehi va twula mu vandu, kuli ndiyo va la va ho mu mwinye avegidzi vobubehi, ava li leta kalaha lyekala vidieli vyobugotidzi ni vambakana Mwami wa va gula nokweletera avene ubudivi bwa bwangu.