Jeremia 14:10 - KITABU KITAKATIFU

¹⁰ Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

Jeremia 14:10 ပူးပေါင်းရင်းမြစ်များ

1 Avami 17:18

Naye ya volera Elija, Nda ku kolera ki, O ive mundu wa Nyasaye? U duki hano ku inze kwidzulitsa ubwoni bwange, nokwiita mwana wange

Zaburi 119:101

Ngayidzi virenge vyange ku tsinzira tsyosi tsindamano, Nduke kugumira likuva lilyo.

Zaburi 95:10

Mihiga makumi gane nda verereridzwa nelikula yilyo, Na mbola, Va veye ihiri ya avandu va gota mu myoyo gyavo Na va vuli kumanya tsinzira tsyange:

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Jeremia 2:36

Ki gira ki u voyovoyanga kuli ndiyo u duke kugirunkannya lugendo lulwo? U la va isoni kigira Egepeti kandi, kuli wa li isoni kigira Asuria.

Jeremia 3:13

Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Jeremia 6:20

Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

Jeremia 8:5

Kigira ki avandu va Yerusalemi yava va tererekanga ndi kutsia inyima nokuterereka madiku gosi? Na va gumira ubugadi, va sula kwirana.

Ezekieli 29:16

Na si bu la va kisuuviri kyenyumba ya Israeli kandi, kwidzulitss vyobudamano, lwa va henzera kuvo: va la manya inze mbeye Mwami Nyasaye.

Hosea 11:7

Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya.

Hosea 11:9

Si nda tumekira ubululu bwobutima bwange, si ndirana kudividza Efiraim: kigira mbeye Nyasaye, si mbeye mundu mba; Mutakatifu hagati hoho; na si ndingira mu butima.

Hosea 7:13

O bayaye ku yavo kigira va leka inze ni va tsia kugendagenda; ubudivi bu ve kuvo kigira va hyola ku inze: kali inze ni nda yanza kuvahonnya, navutswa va vola bubehi ku inze.

Hosea 7:2

Na va vula kuganagana mmyoyo gyavo inze nzidzulitsanga ubudamano bwavo bwosi: kalunu likola lyavo avene li va kumbiridza tsimbega tsyosi; li veye imbiri wetsimoni tsyange.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Hosea 9:9

Va mali kweyononnya ligali, kuli mmadiku ga Gibea: uyu a lidzulitsa ubudamano bwavo, naye a la vika ubwoni bwavo kuvo.

Amosi 3:2

Mwinye veng'ine va nda manya ku bwiko bwosi bwomu lirova: kuna ngwa nda galukidza ku mwinye ubudamano bwenyu bwosi.

Amosi 5:22

Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu.

Vahebraina 8:12

Kigira nda va netsimbabasi ku budamano bwavo, Kandi si ndidzulira ubwoni bwavo mba.

1 Samweli 15:2

Yahova wamahe a vola ndi, Inze mbiki mu mwoyo gwange vya Vaamaleki ya kolera Israeli, kuli yesingeridza mwene kuye ku inzira, lwa yanegira kutwula mu kivala kya Egepeti.