Jeremia 13:17 - KITABU KITAKATIFU

¹⁷ Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 13:17 ပူးပေါင်းရင်းမြစ်များ

Zaburi 119:136

Migera gyamadzi gyi gangulukanga mu tsimoni tsyange, Kigira va vula kubugirira itorati yoyo.

Zaburi 80:1

U hulire, O Mwayi wa Israeli, Ive wimiranga Yosefa kuli kyayo kva magondi; Ive wikalanga igulu wa vakerubi u ng'ereng'ane.

Isaya 63:11

Hene yaho lwa yidzulitsa madiku ga kale, Musa navandu veve, ya vola, A veye haliha uyu wa vanegeridza kutwula mu inyanza halala na avayi ve kyayo kikye? A veye haliha uyu wa vika Roho Mutakatifu wewe hagati havo?

Jeremia 14:17

Na ive u la va volera likuva yili, Tsimoni tsyange tsi ganguluke amaliga mbasu nobudiku, tsi vule kuleka; kigira mukana wa avandu vange mugima wononnyeywi lyoneka linene, nolugoma lwokusaliridza ligali.

Jeremia 15:17

Nda wla kwikala mu livugana lya yava ava syevanga, kandi nda vula kusangala; ndikala tsyeng'ine kigira mukono gugwo; kigira u nzizulitsi ubutima.

Jeremia 17:16

Ku makuva gange, si nkoli bwangu kuleka kulonda ive nokuleka miyinzi gyange gyomwayi; kandi si nkayirwa lidiku lyekivi; ive u manya: yaga ga twula mu minwa gyange, ga li imbiri wommoni mumwo.

Jeremia 22:5

Navutswa ni mu vula kuhulira amakuva yaga inze nzisuhanga ku mwoyo gwange Yahova a vola, inyumba yiyi i la va hatswa.

Jeremia 23:1

Bayaye ku avayi avononnya nokusalannya magondi gekyayo kyange Yahova a vola.

Jeremia 23:2

Kunangwa Yahova Nyasaye wa Israeli, a vola ndi, ku avayi avayanga avandu vange: Mu salannyi kyayo kwange, nokugakunga, na si mu tsiye kugo; henza, nda leta ku mwinye ubudamano bwevikolwa vyenyu, Yahova a vola.

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Lisyoma lya Jeremia 1:16

Inze ndiranga kigira vindu yivi; imoni yange, imoni yange, yidoolanga amadzi; Kigira wokuneminya mwoyo wa ga dukiranga kwirannya mwoyo gwange a veye ihale ku inze: Avana vange va lekeywi veng'ine, kigira musigu u nguuti.

Lisyoma lya Jeremia 1:2

A liranga ligali inyinga yobudiku, amaliga gege gi doolanga ku tsindama tsitsye; Mu vosi avayanze veve si va veye nomulala u mu leminya mwoyo: Avalina veve vosi va mu koleye agobugadi; va gwiye avasigu veve.

Lisyoma lya Jeremia 1:9

Ububi bwibwe bwa li mu kitweya kikye, si yidzulitsanga kiheri kikye mba; Kigira yaga lika lilye lya li neligenya; si a veye nowokulemi nya mwoyo: Henza, O Yahova, lidambidzwa lyange; kigira musigu yekuminyi.

Lisyoma lya Jeremia 2:18

Myoyo gyavo gyanira Yahova: Ive lidigi lyomukana wa Zioni, amaliga gi doole kuli mugera mbasu nobudiku; U tesosidza, u ta leka indolero yemoni yoyo i ta here mba.

Lisyoma lya Jeremia 3:48

Imoni yange yidoolanga migera gya madzi, kigira ubwoneku bwomukana wa avandu vange.

Ezekieli 24:16

Ive, mwana womundu, henza, inze ntwulidzanga ku ive ki veye ku ive kyetovole kyetsimoni tsitsyo neliduya lilala: navutswa kandi u la vula kusyoma kinga kulira, kinga kwidoola amaliga gogo.

Ezekieli 34:31

Na mwinye amagondi gange, amagondi gekyayiru kyange, mu veye avandu, na inze mbeye Nyasaye wenyu, Mwami Nyasaye a vola.

Ezekieli 36:38

Kuli kyayo kiitangwa kuva kihaanwa, kuli kyayo kya Yerusalemi mu madiku manene galyo aga lagwa, ni ndiyo amadala aga lekwa vyanyi ga lizulitswa vyayo vyavandu; na va la manya inze mbeye Yahova.

Ezekieli 9:4

Yahova ya mu volera, Vita hagati helidala, hagati ha Yerusalemi, nokuvika kilolero mu bweni bwavandu va kenyanga nokulira kigira kivihiri kyosi ki kolangwa hagati halyo.

Malaki 2:2

Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.

1 Samweli 15:35

Na Samweli si ya tsia kandi kulolana na Saulo kuduka ku lidiku lyelikudza lilye; kigira Samweli ya syomera Saulo: na Yahova yeganira kigira yamehidza Saulo a veye mwami wa Israeli.