Jeremia 13:16 - KITABU KITAKATIFU

¹⁶ Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 13:16 ပူးပေါင်းရင်းမြစ်များ

Ayubu 3:5

Li ve kisundi, ne kiriri kyelikudza ki li vugule li ve lyakyo; Lilesi li menye kulyo; Vyosi vi kolanga lidiku kuva kisundi vi li tihidze.

Zaburi 107:10

Ava menya mu kisundi nomu kiriri kyelikudza, Va bofwa mu lidambidzwa nomu kivya;

Zaburi 107:14

Naye ya va twulidza mu kisundi nomu kiriri kyelikudza, Na a kalannya libofwa lyavo.

Zaburi 29:2

Mu vole ku Yahova, ubukumi bwelieta lilye li dukana nabwo; Mu sigamire Yahova mu bulahi bwobutakatifu.

Zaburi 44:19

Kali ive u ku donyannya ligali ha visalang'ong'o, Na wa kukunika nekiriri kyeliku dza.

Kutwula 10:21

Na Yahova ya volera Musa, Nyira mukono gugwo kuhenidza migulu, ki duke kuva kisundi ku kivala kya Egepeti, kuduka va havatidze kisundi.

Tsing'ano 4:19

Inzira yomudamano i fwanananga nekisundi: Si va manya kya vikigitalidza.

Kohelethu 11:8

Yee, mundu na a va mwoyo mihiga minyingi, nobulahi a sangale mu gyosi; navutswa a ganagane madiku gekisundi, kigira ga la va manyingi. Vindu vyosi vidzanga vi veye vya vutswa.

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Isaya 59:10

Ku havatidzanga kwenya lidigi kuli mboku, yee, ku havatidzanga kuli yavo ava ta li netsimoni: kwikigitalanga inyinga yombasu hagati kuli inyinga ya isi ing'iring'ana; hagati ha yavo avalamu ku veye kuli avakudzu.

Isaya 59:9

Kigira yaga likalaga lyobulungi li veye ihale nekwinye, kandi ubulungi si bu ku nyola: kwenyanga bulavu, navutswa henza, ni kisundi; kwenyanga ubwaku, navutswa, ku gendanga mkisundi kinene.

Isaya 60:2

Kigira, henza, kisundi ki la kunika lirova, nekisundi kinene ki la kunika avetsihiri: navutswa Yahova a la kya ku ive, nobukumi bwibwe bu la loleka ku ive.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Jeremia 14:19

Ive u mali kusula Yuda ligali? Mwoyo gugwo gu dunyira Zioni? Kigira ki u ku kuyi, na si ku veye nobuhonnyi? Kwa li ni kwenya mirembe, navutswa bulahi si bwadza mba; ku enya inyinga yobuhonnyi, na, lya li litimuka enkolo

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Jeremia 23:12

Kunangwa kigira yaga inzira yavo i la va kuvo kuli ha va terera mu kisundi: va la komololwa va tsia imbiri nokugwa muyo; kigira inze nda leta ubudamano kuvo, li vola li veye, muhiga gwelidukirwa lyavo, Yahova a vola.

Jeremia 4:23

Nda lola lirova, na henza, li veye bugira bulolero na bugira kindu mulyo; nomu ligulu nda li henza, vya li bugira bulavu.

Jeremia 50:6

Avandu vange va li amagondi ga gota: avayi vago va ga gotidzi; ga tsie kugendagenda; va ga girunkannyi ga tsie mu vigulu: ga tsiye kutwula mkigulu kuduka mu kagulu; giviriye hango hago hokusosa.

Jeremia 6:21

Kigira yaga Yahova a vola ndi, Henza, nda vika kyokwikigitalidza imbiri wavandu yava; avadada halala navana vavo va likigitala kukyo, mutende nomulina wewe va la diva.

Jeremia 8:15

Kwa henza ku nyole mirembe, navutswa ubulahi si bwadza mba: kwa henza inyinga yeli honya, nayo ya li ligenya.

Lisyoma lya Jeremia 4:17

Tsimoni tsyetu tsi kuvuki kulihenza likonywa lyetu lya vutswa: Mu lilindirira lyetu ku lindiriranga ihiri i ta nyala kuhonya.

Ezekieli 21:15

Mmali kuvika isonga yekivavi imbiri weviribwa vyavo vyosi, myoyo gyavo gyi duke ku yenguka, lyekigitala lyavo li medeke: O ki koleywi kuva kuli uluheni, ki vikeywi isonga ki duke kwiita.

Ezekieli 34:12

Kuli mwayi yenyanga kyayo kikye mu lidiku lya ya li hagati ha magondi gege aga salannywa yiyi na yiyi, ni ndiyo ndenya amagondi gange; na nda ga honnya kutwula hosi ha ga salannywa mu lidiku lyamalesi nelyekisundi.

Ezekieli 36:15

kandi si nda leka ive kuhulira tsisoni tsyavetsihiri kandi mba, kandi si u la ginga amanyego gavandu kandi mba, kandi si u likigitalidza ihiri yoyo kandi mba, Mwami Nyasaye a vola.

Joeli 2:2

lidiku lyekisundi, na lya isi idunyi, lidiku lyamalesi na kisundi kiliduhu, kuli isi i tanga kwayuka ku vigulu; Ii leta avandu avanene na avetsingulu; va kikiri kuva ho kuli yavo madiku gosi, kandi si va la va ho avenyima, kuduka ku mihiga gyevisukululwi vinyingi.

Amosi 4:13

Kigira, henza, uyu wa lomba vigulu, nokulomba imbuudza, nokutivulira mundu ga a ganagana: u kolanga mugamba kugwa kisundi, nokuduvaga ha diguluku helirova Yahova, Nyasaye wa mahe, li veye lieta lilye.

Amosi 5:18

O Bayaye ku mwinye ava mwenyanga lidiku lya Yahova Kigira ki mwenyanga lidiku lya Yahova? Li veye kisundi, si li veye ubulavu mba.

Malaki 2:2

Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Joshua 7:19

Na Joshua ya teva Akan, Mwana wange, mwadza, u kuminye Yahova, Nyasaye wa Israeli, weyame kuye; na u volere inze ga wa kola; u ta ga vise ku inze.

1 Petro 2:8

Kandi, Ligina lyokwikigitalidza, nolwanda lwokwikigitalidza; Kigira vikigitala ku likuva kigira va vula kubugirira: ava vikwa va duke ku likuva yilyo.

1 Samweli 6:5

Kigira yaga mu la lomba kifwananyi kyamihi genyu, nekifwananyi kyevisie vyononyanga kivala kyenyu; na mu la kuminya Nyasaye wa Israeli: mbula a la gehidza ubuliduhu bwomukono gwigwe bu veye ku mwinye, noku vanyasaye venyu, noku kivala kyenyu.