Jeremia 13:14 - KITABU KITAKATIFU

¹⁴ Nda va duyannya, kali avadada navana halala, Yahova a vola: na si nda vererera kandi si nda lekera, kandi si nda va netsimbabasi, kuduka ndeke kuvadividza.

Jeremia 13:14 ပူးပေါင်းရင်းမြစ်များ

2 Kyetsinyinga 20:23

Kigira avana va Amon, na Moabu va vukira yavo ava menya mu kigulu kya Seiru, kuviita nokuvadividza ligali; na lwa va mala kudividza yavo avamenyi Seiru, va manya ni vekerukana avene sa mulala kudividza wakye.

Ayubu 27:22

Kigira Nyasatle a la sikisa kuye, na si a la mu vererera mba: Nkano a yanza kwiruka a twule mmukono gwigwe.

Zaburi 2:9

U la va shonolannya nempimbo yekivya; U la vononnya kuli isiongo yomulongi.

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Jeremia 15:5

Kigira ni bwaha u vererera ive, O Yerusalemi? Naho ni bwaha u lirira ive? Naho ni bwaha u girunkana haluvega kuteva liva lilyo?

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 16:5

Kigira Yahova a vola, U tingira mu inyumba ya magenga, kandi u ta tsia ku lilira, kinga kuvasyomera Yahova a vola, Kigira nyagi avandu yava mirembe gyange, kali tsimbabasi tsyange nelivererera.

Jeremia 21:7

Na inyima wa yaga, Yahova a vola, Zedekia mwami wa Yuda, navatumekiri veve, navandu vosi ava li tigala mu lidala yili inyima wobulwaye zana, nekivavi, nenzala, nda va vika vosi mmukono gwa Nebukadirezaru mwami wa Babuloni, nommakono gavasigu vavo, nommakono ga yavo avenyanga livamwoyo lyavo: naye a la viita nobwogi bwekivavi; si a la va leka mba, kandi si a la va vererera mba, kinga kuva vera tsimbabasi.

Jeremia 25:16

Navo va la nwa, na va la guyaguya, nokulaluka, kigira kivavi kya mbila hagati havo.

Jeremia 47:3

Kigira muliviti gweliduvaga lyetsimbagayu tsya avetsingulu veve, ku lihanga lya magari gege, ku muliviti gwetsingida tsyago, navadada si vekevuka kuhenza avana vovo kigira budedekere bwamakono gavo;

Jeremia 48:12

Kunangwa Yahova a vola, Henza, madiku gadza, mu madiku yago nda tuma kuye avatsuki, na va la mu tsuka; na va la tsukira viju vivye, nokwatannya tsichupa tsyavo vidonye.

Jeremia 6:21

Kigira yaga Yahova a vola ndi, Henza, nda vika kyokwikigitalidza imbiri wavandu yava; avadada halala navana vavo va likigitala kukyo, mutende nomulina wewe va la diva.

Lisyoma lya Jeremia 2:21

Muyai nomusakulu va gona hasi mu mahasi; Avakana vagima vange navasoleli vange va gwiye ku kivavi: U viiti ku lidiku lyobutima bu bwo; u viiti, na si u va vereye tsimbabasi mba.

Ezekieli 24:14

Inze, Yahova, mmali kuvola: ga la va na inze nda ga kola; si ndirana inyima, kandi si nda vererera, kandi si ndeganira; kuli tsinzira tsitsyo, kuli vikolwa vivyo, ni ndiyo va la ku kalagira, Mwami Nyasaye a vola.

Ezekieli 7:3

Kalunu kiheri ki duki ku ive na nda letera ubutima bwange ku ive, na nda ku kalagira kuli tsinzira tsitsyo; na nda leta kivihiri kikyo kyosi ku ive.

Ezekieli 7:4

Imoni yange si i la ku leka mba, Kandi si nda va netsimbabasi; navutswa nda leta tsinzira tsitsyo ku ive, na vivihiri vivyo vi la va hagati hoho: na mwinye mu la manya inze mbeye Yahova.

Ezekieli 7:9

Imoni yange si i la leka, kandi si nda va netsimbabasi: nda leta ku ive kuli tsinzira tsitsyo; na vivihiri vivyo vi la va hagati hoho; na mu la manya inze, Yahova, nkuyanga.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Ezekieli 9:10

Na inze, imoni yange i la vula kuleka, kandi si nda va netsimbabasi mba, navutswa nda leta inzira yavo ku mutwe gwavo.

Ezekieli 9:5

Navandi ya va volera ni mbuliranga, Viti hagati helidala inyima wa uyu, na mu kuye: tsimoni tsyenyu tsi ta leka mba, kandi mu ta va netsimbabasi mba:

Hosea 2:4

Yee, si nda va netsimbabasi ku avana veve; kigira va veye avana vobuheyi;

Zekaria 11:6

Kigira inze si nda vererera ava menyanga mu kivala yiki kandi mba, Yahova a vola: navutswa henza, nda va vika sa mulala mmukono gwomutende wewe, nommukono gwomwami wewe: na va la kuya kivala, na si nda va honnya kutwula mmakono gavo.

Matayo 10:21

Namwavo a la twulidza amwavo yiitwe, na ise a la twulidza mwana wewe: navana va la twulira avivuli, va kola viitwe.

Marko 13:12

Mundu a la zama amwavo wewe a kudze, kandi ise a la zama mwana wewe; kandi avana va la vuha avivuli va viite.

Kwidzulitsa 29:20

Yahova si a li msameha, navutswa inyinga yeyo ubutima bwa Yahova nelikendeka lilye vi la vuya mwoki ku mundu uyu, nevilaamo vyosi vya ng'odwa mu kitabu yiki vi la menya kuye, na Yahova a leya lieta lilye isi weligulu.

1 Samweli 14:16

Navalindi va Saulo mu Gibea ya Benjamini va lola; na, henza, kiduma kya kama, na va tsia yiyi na yiyi.