Jeremia 13:11 - KITABU KITAKATIFU

¹¹ Kigira ga veye kuli musipi gu hambana nekikenge kyomundu, ni ndiyo inze ndehambannya inyumba yosi ya Israeli nenyumba yosi ya Yuda, Yahova a vola; va duke kuva ku inze avandu nelieta, nelidzominywa, nobukumi, navutswa si va bugirira kuhulira mba.

Jeremia 13:11 ပူးပေါင်းရင်းမြစ်များ

Zaburi 135:4

Kigira Yahova u tovoye Yakobo kuva wewe mwene Na Israeli kuva miyandu gyigye mwene.

Zaburi 147:20

Si ya kolera ihiri yindi kali indala kuli yaga mba; Na ku miima gyigye si va gyi manya mba. Mwidzominye Yahova.

Zaburi 81:11

Navutswa avandu vange si va hulira mwoyo gwange; Na Israeli si venya inze.

Isaya 43:21

avandu va ndelombera inze mwe ne, va duke kulandidza lidzominywa lyange.

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Jeremia 13:1

Yahova ya mbolera yaga, Tsia wegulire musipi gwa katani, u gu vike mu kikenge kikyo, u ta gu vika mu madzi.

Jeremia 13:10

Avandu vadamano yava, ava sula kuhulira makuva gange, ava gendanga mu bukyamu bwemyoyo gyavo, ava londa vanya saye vandi kuvatumekira, nokuva sigamira, va la va kuli musipi yigu, ugu ta veye kindu.

Jeremia 13:12

Kunangwa kigira yaga u va volere likuva yili: Yahova, Nyasaye wa Israeli, a vola ndi, khupa sa indala i lizulitswa iwaini: navo va la ku volera, Si ku manya tsichupa si indala tsi lizula ligali iwaini?

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 32:20

wa vika vilolekidzu na vyokugenya mu kivala kya Egepeti, kuduka ku lidiku lya lero, mu Israeli, na hagati na vandu vandi; nokwelombera lieta kuli ga veye lero;

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Jeremia 6:17

Nda singeridza ku mwinye avalindi, kurola, Mu hulire mwoyo gwekisiliva; navutswa va vola, Si ku la hulira mba.

Jeremia 7:13

Kalunu, kigira mu koli miyinzi yigyi gyosi, Yahova a vola, na nda mu volera, ni mbuka mabwebwe nokuvola, navutswa si mwa hulira; na nda mu langa, navutswa si mwa bugirira mba:

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Amosi 3:1

Huliri likuva yili lya Yahova a vola ku mwinye, O avana va Israeli, ku aviko vosi ava ndanegeridza mu kivala kya Egepeti, ni mbola

Luka 10:11

Kali lugukyi lwelidala lyenyu lu handi ku virenge vyetu ku mweyera: navutswa mu manye yaga, Ubwami bwa Nyasaye bwisundi himbi.

Kwidzulitsa 26:18

na Yahova weyami ive lero ndi kuva ihiri yeye mwene, kuli ya ku suuviridza, kandi ga ku dukira kugumira lilaga lilye lyosi;

Kwidzulitsa 26:19

na a la ku vika igulu ku tsihiri tsyosi tsya ya lomba, ku ubukumi, noku lieta, noku lidzominywa; u duke kuva ihiri intakatifu ku Yahova Nyasaye wowo, kuli ya vola.

Kwidzulitsa 4:7

Kigira ha veye nehiri ki yindi i veye inene, ava veye na Nyasaye u veye himbi navo, kuli Yahova Nyasaye wetu a veye lwa ku mwaniranga hosi?

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: