Jeremia 13:10 - KITABU KITAKATIFU

¹⁰ Avandu vadamano yava, ava sula kuhulira makuva gange, ava gendanga mu bukyamu bwemyoyo gyavo, ava londa vanya saye vandi kuvatumekira, nokuva sigamira, va la va kuli musipi yigu, ugu ta veye kindu.

Jeremia 13:10 ပူးပေါင်းရင်းမြစ်များ

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Kohelethu 11:9

O musoleli, sangala, mu busoleli bubwo, nomwoyo gugwo gu ku sangalidze mu madiku gobusoleli bubwo, na u gende mu tsinzira tsyomwoyo gugwo, nomu lilola lyetsimoni tsitsyo: navutswa u manye Nyasaye a la ku vika mu likalagirwa kigira vindu yivi vyosi.

Isaya 3:24

Na ga la duka, mu bugono bwe vifunyanga mwayu gu la funya ubugundu; nombugono bwobutsiiri, ha la va na lufuno, nobugono bwelisu lya navwa, ha la va ne kyavusu; nombu gono bwekisibao, ha la va netsingu; bo tsyamagunia; na maballanda ga la va mbugono bweligondo lilahi.

Jeremia 11:10

Va girunkani nokwirana ku budamano bwavaguga vavo, ava sula kuhulira makuva gange; navo va tsia kulonda avanyasaye vandi kuvatumekira: inyumba ya Israeli nenyumba ya Yuda vononnyi lilagana lyange lya nda lomba na vaguga vavo.

Jeremia 11:18

Na Yahova ya mmanya, na inze nda manya yaga: hene yaho wa mmanya vikolwa vyavo.

Jeremia 13:7

Ma nda tsia ku mugera gwa Farati, nokuyava, na nda vugula musipi ha nda gu visa; henza, musipi gwa li ni gwoneka, si gwa li kindu kandi.

Jeremia 16:12

Na mwinye mu koli budamano kuvita vaguga venyu; kigira mwinye, henzi, mu gendanga sa mulala kulonda bukyamu bwomwoyo gwigwe mudamano, kuduka mu vule kuhulira inze:

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 20:4

Kigira Yahova ya vola yaga, Henza, nda kola ive u ve kyokutihidza ku ive mwene, noku valina vovo vosi; na va la gwa ku kivavi kyavasigli vavo netsimoni tsitsyo tsi la ga lola; na nda haana Yuda yosi nokuvavika mu mukono gwomwami wa Babuloni, naye a la va lanya kuduka Babuloni, na a la viita nekivavi.

Jeremia 22:21

Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

Jeremia 23:17

Va voleranga kazozo yavo ava leganga inze, va vola, Yahova a voye, Mu la nyola mirembe; nomundu sa mulala u gendanga nobudinyu bwomwoyo gwigwe va mu volera, Ubudamano kali bulala si bu la mu nyola mba.

Jeremia 3:17

Inyinga yeyo va la gulika Yerusalemi intebe yobwami ya Yahova; netsihiri tsyosi tsi la vugana ha Yerusalemi ku lieta lya Yahova: kandi si va la genda kandi kulonda budinyu bwomwoyo gwavo mudamano.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 44:16

Ku likuva lya u ku voleye mu lieta lya Yahova, kwinye si ku la ku hulira ligali mba.

Jeremia 44:5

Navutswa si va hulira mba, kinga kutegidza amatu gavo va duke kugirunkana nokuleka ubudamano bwavo, va vule kuvuyidza vimuli ku vanyasaye va ndi.

Jeremia 5:23

Navutswa yavo va veve nemyoyo gyokugirunkana nokwebaala; va girunkani va tsii.

Jeremia 7:13

Kalunu, kigira mu koli miyinzi yigyi gyosi, Yahova a vola, na nda mu volera, ni mbuka mabwebwe nokuvola, navutswa si mwa hulira; na nda mu langa, navutswa si mwa bugirira mba:

Jeremia 7:6

mu vule kudambidza umugeni, nomubisandu, nomukunzakali, kinga kutahidza masahi ga ta li nekindu hang'o hano, kinga kulonda vanyasaye vandi ku busaliri bwenyu avene:

Jeremia 8:5

Kigira ki avandu va Yerusalemi yava va tererekanga ndi kutsia inyima nokuterereka madiku gosi? Na va gumira ubugadi, va sula kwirana.

Jeremia 9:13

Na Yahova a vola, Ga veye kigira va leki lilaga lyange lya nda vika imbiri wavo na si va huliye mwoyo gwange, kinga kugenda mulyo,

Jeremia 9:14

navutswa va tsia imbiri ku lilonda ubukyamu bwe myoyo gyavo avene, nokulonda Va baal, kuli wa vaguga vavo va vegidza;

Jeremia 9:6

Ubumenyo bubwo bu veye hagati hobugadi; mu bugadi bwavo va sula kumanya inze, Yahova a vola.

Livalidza 14:11

Na Yahova ya teva Musa, Avandu yava va la ndega kuduka inyinga ki? Na va la vula kusuuvira inze kuduka inyinga ki, kali ni nkoli vilolekidzu vyosi hagati havo?

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu: