Jeremia 12:7 - KITABU KITAKATIFU

⁷ Inze mmali kuleka inyumba yange, nteye miyandu gyange; na mukali muyanze womwoyo gwange mmu viki mu makono gavasigu veve.

Jeremia 12:7 ပူးပေါင်းရင်းမြစ်များ

2 Avami 21:14

Na nda syuva ligali li tigala lyemiyandu gyange, nokuvavika mmakono gavasigu vavo; navo va la hilwa avahambe, na lilanye lyavasigu vavo;

Zaburi 106:40

Kunangwa ubutima bwa Yahova bwaaka ku avandu veve, Naye ya dunyira miyandu gyigye

Zaburi 78:62

Ya haana avandu veve ku kivavi, Kandi ya vihirirwa nemiyandu gyigye.

Isaya 2:6

Kigira ive u leki avandu vovo avenyumba ya Yakobo, kigira vizuye miima gyevugwe, navo va ng'oleranga ku malesi kuli Vafilisiti, na va huliri dzana navana vavageni.

Jeremia 11:15

Kunangwa mukali muyanze wange a i veye nekidieli ki mu inyumba yange, kigira ya londa amakuva madamano halala navanyingi, na inyama intakatifu i mali kutwula ku ive? Lwa u kolanga budamano, nilwo lwa u sangalanga.

Jeremia 14:19

Ive u mali kusula Yuda ligali? Mwoyo gugwo gu dunyira Zioni? Kigira ki u ku kuyi, na si ku veye nobuhonnyi? Kwa li ni kwenya mirembe, navutswa bulahi si bwadza mba; ku enya inyinga yobuhonnyi, na, lya li litimuka enkolo

Jeremia 17:4

Na ive, kali ive mwene, u la lekana nemiyandu gyigyo gya nda ku ha; nda niga ive u tumekire avasigu vovo mu kivala kya u ta manya: kigira mwa fwana muliru mu ubut ma bwange gu la dedima kazozo.

Jeremia 22:5

Navutswa ni mu vula kuhulira amakuva yaga inze nzisuhanga ku mwoyo gwange Yahova a vola, inyumba yiyi i la va hatswa.

Jeremia 23:33

Kandi avandu yava, kinga avaprofeti, kinga musalisi, lwa va ku teva, nokuvola, Musigo gwa Yahova gu veye ki? Hene yaho u la va volera, Musigo gu li ha? Nda mu ta ligali, Yahova a vola.

Jeremia 23:39

kigira yaga, henza, ndivirira mwinye ligali, na nda mu ta ihale, halala nelidala lya nda ha mwinye navaguga venyu, mu twule imbiri wommoni mwange:

Jeremia 51:5

Kigira Israeli si ya lekwa, kinga Yuda, na Nyasaye wewe, Yahova wa mahe; kali kivala kyavo kizuye ubwoni ku Mutakatifu wa Israeli.

Jeremia 7:14

kigira yaga nda kolera inyumba yiyi i langwa ku lieta lyange, ya mu suuvira ku, na hango hano ha nda ha mwinye navaguga venyu, kuli nda kolera Shilo.

Jeremia 7:29

U vege lisu lilyo, O Yerusalemi, nokuli ta, mu tange lisyoma hadiguluku; kigira Yahova u suye nokuleka likula lyobutima bwibwe.

Ezekieli 24:21

U volere inyumba ya Israeli, Mwami Nyasaye a vola ndi: Henza, nda vika ubudamano hatakatifu hange, ubunene bwobunyali bwenyu, kitovole kyetsimoni tsyenyu, kyemyoyo gyenyu kya vererera; navana venyu avayai navakana ava mwa leka inyima va la gwa ku kivavi.

Hosea 11:1

Lwa Israeli ya li mwana, nda mu yanza, na nda langa mwana wange kutwula Egepeti.

Hosea 9:15

Budamano bwavo bwosi bu veye mu Gilgali; kigira nda va dunyi'ra yo: kigira ubudamano bwelikola lyavo nda va kunga va twule mu inyumba yange: si nda va yanza kandi mba; avanene vavo vosi va veye avatingu.

Joeli 2:15

Mu kupe kisiliva mu Zioni mu takase lihonga lilia, mu lange iivu gana litakatifu:

Joeli 3:2

nda vungidza tsihiri tsyosi, na nda va sulungutidza kuduka mwivona lya Jehoshafatu, na nda va kalagira ha zana kigira avandu vange, na kigira miyandu gyange Israeli, ava va salannyi hagati hetsihiri: na va gavannyi kivala kyange,

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Kwidzulitsa 33:12

Ku Benjamini ya vola Umuyanze wa Yahova a la menya nemirembe kuye; A mu kinganga mbasu bei Na a menyanga hagati ha mavega gege.