Jeremia 12:6 - KITABU KITAKATIFU

⁶ Kigira kali avamwavo vovo, nenyumba ya dada wowo, kali avandu yavo va ku koleye ubugadi; va ku kupiye uluku inyima wowo: u ta suuvira avandu yavo kali ni va ku volera amakuva malahi.

Jeremia 12:6 ပူးပေါင်းရင်းမြစ်များ

Ayubu 6:15

Avamwavo vange va koli ubugadi kuli mugera; Kuli luhongo lwemigera gyi vitanga.

Zaburi 12:2

Va volerananga ububehi sa mulala nowakye: Nolulimi ludoto, kandi nemyoyo gyiviri, va volanga.

Zaburi 12:3

Yahova a la kalaga minwa gyosi midoto, Kandi ululimi lu vola makuva manene;

Zaburi 69:8

Ngwiye mugeni ku avamwavo vange Na wekyova ku avana va mama wange.

Tsing'ano 23:8

Kitonge kya u liye u la ki luka kandi, Na makuva gogo manolu ga la gota.

Tsing'ano 26:25

Lwa a vola makuva malahi, u ta mu suuvira mba; Kigira a veye na gokuvihiriridza gatano na gaviri mmwoyo gwigwe:

Isaya 31:4

Kigira Yahova a mbolera likuva yili, Kuli king'ang'a neking'ang'a kisoleli vi fwumanga ku lihima lyavyo, ni va langwa avayi vanyingi kutsia kukikuya, si ki la tia myoyo gyavo, kandi si ki legehidza ku luku lwavo: ga la va ndiyo Yahova wa mahe a la sulunguta ku kigulu kya Zioni kulwana, nomu kagulu kakyo.

Jeremia 11:19

Navu tswa nda li kuli mwana weligondi muhoma ligali, u hilangwa kutsia kwiitwa; na si nda manya va li ni va saaviye lisaavira ku inze, ni va rola, Ku dividze musala yigu halala namakuyu gagwo, ku mu kalage a twule mu kivala kya va veye mwoyo, lieta lilye li vule kwidzulitswa kandi.

Jeremia 11:21

Kigira yaga Yahova a vola ku makuva gavandu va Anathothu, yavo ave nyanga livamwoyo lilyo, ni va vola, Ive si u la profeta ku lieta lya Yahova, u vule kwiitwa namakono getu;

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Jeremia 9:2

Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

Jeremia 9:3

Va hingiranga tsinimi tsyavo, kuli ubuta, va duke kuvola bubehi; va gwiye avetsingulu mu kivala, navutswa si ga li ku geligali mba: kigira va tsitsagil'langa kutwula ku budamano kuduka ku budamano, si va manya inze, Yahova a vola.

Jeremia 9:4

Mu gelihe sa mulala nowakye, kandi mu ta suuvira ku amwavo; kigira amwavo sa mulala a likigitalidza ligali, nomutende sa mulala a la tsia yiyi na yiyi nokulandidza tsimbemba.

Jeremia 9:5

Va la gadana sa mulala nowakye, si va la vola geligali mba: va mali kwegidza tsinimi tsyavo kuvola makuva gobubehi; veluhidze avene kuduka kukola ubudamano.

Matayo 10:21

Namwavo a la twulidza amwavo yiitwe, na ise a la twulidza mwana wewe: navana va la twulira avivuli, va kola viitwe.

Marko 12:12

Ni venya kumugumira; navutswa va tia kiduma; kigira va manya ya vola lugano yilu kuvo: ku, va mu leka ni va tsia.

Yohana 7:5

Kigira kali avamwavo veve si va mu suuvira mba.

Vikolwa 16:22

Kandi kiduma kya va twulira halala: kandi avanyampara va tandula tsingubo tsyavo tsi twula kuvo, ni va haana munwa va kuywe netsimpimbo.

Vikolwa 18:12

Navutswa lwa Galio ya li mwamehi wa Akaiya, Avayuda va twulira Paulo nomwoyo mulala ni va mu leta imbiri wekisako kyekyina,