Jeremia 12:4 - KITABU KITAKATIFU

⁴ Kivala ki la syoma ku duka inyinga ki, netsingutsa tsyekivala kyosi tsi niala? Kigira ubudamano bwa yavo ava menyanga mukyo, tsinyama tsi divi, na manyonyi; kigira va vola, Uyu si a la lola kiheri kyetu mba.

Jeremia 12:4 ပူးပေါင်းရင်းမြစ်များ

Zaburi 107:34

A girunkannya kivala kyamakuyu kuva kyangalangwi kyomu nyu, Kigira ubudamano bwa yavo ava menya mukyo.

Zaburi 50:21

Vindu yivi u koli, navutswa nda kiring'ana; Ive wa ganagana inze mbeye kuli ive: Navutswa nda ku ha amageli, na nda ku lohidzira imbiri wetsimoni tsitsyo.

Isaya 24:4

Lirova li syomanga nokuniala, lirova li dengeyanga nokuniala, avenenehidzanga ku lirova va dengeyi.

Isaya 24:6

Kigira yaga kilaamo ki liye lirova, na yavo avamenyanga kulyo va loleki kuva ne lihyolo: kigira yaga avamenyi mu lirova yili va hiye, ava tigaye va veye avakekeke

Jeremia 12:11

Va ki koli kuva hatswa; ki liranga ku inze kigira ki veye hatswa; kivala kyosi ki kolwa hatswa, kigira si ha veye nomundu u ganagana likuva yili mu mwoyo gwigwe.

Jeremia 14:2

Yuda a syomanga, kandi viribwa vi syomanga, vikaye hasi viviki tsingubo tsimwamu; lilira lya Yerusalemi lyanegiye igulu.

Jeremia 23:10

Kigira kivala yiki kizuye avaheyi; na kigira linyega, kivala ki vereranga; bwayiru bwomwigendanyama bwumi. Lugendo lwavo lu veye ludamano, nobunyali bwavo si bu veye bwobulungi;

Jeremia 4:25

Nda lola, henza, si ha li nomundu, na manyonyi gosi gombwerefu giruka.

Jeremia 4:28

Kigira vindu yivi lirova li la syoma neligulu li la va limwamu; kigira mboye yaga, nsaaviye, si nzeganiye, si ndirana inyima ku inkuva yiyi.

Jeremia 5:13

avaprofeti va la gwa imbuudza, nelikuva si li la va muvo mba; ni ndiyo va li kolwa.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Jeremia 9:10

Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

Jeremia 9:9

Mbule kuvavanza kisalya ku inkuva yiyi? Yahova a vola; mwoyo gwange gu vule kuvanza kisalya ku ihiri kuli yiyi?

Hosea 4:3

Kigira yaga kivala ki la syoma, na sa mulala u menyanga mukyo a la ng'aha, halala netsinyama tsyombulimu na manyonyi gombwerefu; yee, tsisudzi tsyomu inyanza kandi tsi la twulidzwa.

Joeli 1:18

Tsinyama tsi kenya ndi? Vyayo vyetsing'ombe vi genya, kigira si vi veye ne kyayiru, yee, vyayo vyamagondi vi lekeywi vutswa,

Amosi 1:2

Na ya vola, Yahova a la fwuma mu Zioni, na a la kupa lwanga mu Yerusalemi; na vyayiru vyavayi vi la syoma, na isonga ya Karimeli i la niala.

Habakuk 3:17

Kigira kali mukuyu ni gu vuli kulavidza kimuli, Kandi makuyu ni ga ta li mu mizabibu; Na miyinzi gyemizeituni gyi la diva Na milimi si gyi la leta vyokulia; Kyayo ki la twulidzwa mu kego, Kandi si ha la va ne kyayo kyetsing'ombe mu kego:

Zekaria 1:12

Hene yaho ingelosi wa Yahova ya tivula na a vola, O Yahova wa mahe, kuduka inyinga ki ive u la sula kuvererera Yerusalemi na madala ga Yuda, aga u veye nobutima kugo mihiga yigyi makumi gatano na gaviri?

Varumi 8:22

Kigira ku manya vilombe vyosi vi kenyanga nokulola busaliri kuduka kali kalunu.