Jeremia 12:2 - KITABU KITAKATIFU

² Ive wa va simika, yee, va hili imiri; va viruka, yee, vama makuyu: ive u veye himbi mu minwa gyavo, na u veye ihale mu vikenge vyavo.

Jeremia 12:2 ပူးပေါင်းရင်းမြစ်များ

Ayubu 24:12

Avandu va kenyanga kutwula mu lidala li veye navandu vanyingi, Nomwoyo gwatumitwa gu kupanga lwanga: Halala na yaga Nyasaye si ya validza yaga kuva ubusiru.

Ayubu 5:3

Ndoli avasiru va hilanga imiri hasi: Navutswa nonoho nda laama ubumenyo bwibwe.

Zaburi 37:35

Ndoli mudamano a veye netsingulu tsinene, Na a twulanga tsisya nokutavalala kuli musala muvisi gu veye mu marova malahi.

Isaya 29:13

Na Yahova ya vola, Kigira avandu yava visundi ku inze, na va nzidzominya nomunwa gwavo neminya gyavo, navutswa myoyo gyavo va gyi sundi ihale kutwula ku inze, nelitia lyavo lya va tidzanga inze li veye lilaga lyavandu lya vegidzwa:

Jeremia 11:17

Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

Jeremia 3:10

Kandi kali ku yaga gosi, amwavo wewe Yuda wobugadi si yirani ku inze nomwoyo gwigwe gwosi, navutswa nobubehi, Yahova a vola.

Jeremia 45:4

U mu volere likuva yili, Yahova a ku volera: Henza, vya nzombaki nda vi sambula, na vya nsimiki ndiha; uindu yivi vi la va mu kivala yikyo kyosi.

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Hosea 7:14

Na si vanira inze nemyoyo gyavo, navutswa va hanzuka nemyoyo gyobululu ku vitali vyavo: navutswa vevugannya avene kigira ubuswage newaini; na va tinguha inze.

Habakuk 1:13

Ive u veye netsimoni tsindahi, tsi ta nyala kulola ubudamano, na u ta nyala kulola ubukyamu, kigira ki u henzanga yavo ava kolanga ubu gadi, na ive u kiring'ananga inyinga mudamano a miranga mundu wobulungi bu vita bwo mwene uyu;

Matayo 15:8

Avandu yava va nzidzominya neminwa gyavo; Navutswa mwoyo gwavo gu veye ihale ninze.

Marko 7:6

Ya tivula na a va volera, Isaya ya profeta bulahi ku mwinye avagadi, kuli aga ng'odwa Avandu yava va nzidzominya neminwa gyavo, Navutswa myoyo gyavo gyi veye hale ninze.

Tito 1:16

Veyamanga va manya Nyasaye; navutswa ku miyinzi gyavo va mweyambakana, avokuvihiriridza, nava ta hulira kandi ava ta dukana ku miyinzi gyosi milahi.