Jeremia 12:15 - KITABU KITAKATIFU

¹⁵ Na ga la duka, inyima wokuviha, ndirana nokuva vererera; nda va leta kandi, mundu sa mulala yingire mu miyandu gyigye, sa mulala yingire mu kivala kikye.

Jeremia 12:15 ပူးပေါင်းရင်းမြစ်များ

Jeremia 16:15

navutswa, likuva yili li la volua, Kuli Yahova a veye mwoyo wa leta avana va Israeli kutwula ku kivala kya kasikasini, nokutwula mu vivala vyosi vya ya vadikidzira mu. Na nda va leta kandi mu kivala kyavo avene, kivala kya nda ha avaguga vavo.

Jeremia 24:6

Kigira nda vumika nobulahi, na nda va leta vingire mu kivala yiki kandi; na nda vombaka, si nda va sambula mba; nda va simika, si nda viha mba.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 3:12

Tsia, wilwadze makuva yaga ku luvega lwa kasikasini, u vole, Wirane, O Israeli yirani inyima, Yahova a vola; si nda henza mwinye nobutima mba; kigira mbeye netsimbabasi, Yahova a vola, si ntsitsagil'la nobutima madiku gosi mba.

Jeremia 3:17

Inyinga yeyo va la gulika Yerusalemi intebe yobwami ya Yahova; netsihiri tsyosi tsi la vugana ha Yerusalemi ku lieta lya Yahova: kandi si va la genda kandi kulonda budinyu bwomwoyo gwavo mudamano.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Jeremia 48:47

Kandi ndirannya lyadikidzwa lya Moabu mu madiku gekiheri, Yahova a vola. Likalagirwa lya Moabu li duki hano.

Jeremia 49:39

Navutswa ga la va mmadiku gekiheri, ndirannya kandi lyadikidzwa lya Elam, Yahova a vola.

Jeremia 49:6

Navutswa lwenyima nda girunkannya kandi lyadikidzwa lyavana va Amoni, Yahova a vola.

Danyeli 11:4

Kandi inyinga a li singira, ubwami bwibwe bu la vunannywa, kandi bu la gavulwa ku tsimbuudza tsine tsyomigulu, navutswa si bu la va ku visukululwi vivye, kandi si bu la leng'ana nobwami bwibwe bwa yameha; kigira ubwami bwibwe bu lifwa, kali ku avandi ava ta li ku yava.

Amosi 9:14

Na nda galukidza kandi lyadikidzwa lyavandu vange Israeli, navo va lombaka madala aga ng'anywa, nokumenya mugo; na va la taga milimi gyemizabibu, na va la nwa iwaini yagyo; na va la lomba milimi, na va la lia makuyu gagyo.

Livalidza 32:18

Kwinve si ku la hunzuka tsinyumba tsyetu, avana va Israeli va luhe va duke kuvugula sa mulala miyandu gyigye.

Vikolwa 15:16

Inyima wa vindu yivi nda hunzuka, Na ndombaka kandi inyumba ya Daudi, va li ya gwa; Kandi ndombaka ing'anye yeye, Kandi nda gi lomba:

Kwidzulitsa 3:20

kuduka Yahova a sosidze avamwavo venyu, kuli mwinye, navo kandi va la gumira kivala kya Yahova Nyasaye wenyu a va ha engereka wa Yordani: kunangwa mu iirana sa mulala ku miyandu gyigye, gya nda mu ha.

Kwidzulitsa 30:3

hene yaho Yahova Nyasaye wowo a la girunkanya lilanywa lilyo, na a la ku vera tsimbabasi, kandi a lirana kukuvungidza mu tsihiri tsyosi, ha Yahova Nyasaye wowo ya ku salanya.