Jeremia 12:1 - KITABU KITAKATIFU

¹ Ive u veye mulungi, O Yahova, ni mba ni nku goonya; navutswa nkano mbolerane nive likuva yili: kigira ki inzira yomudamano i gasidzangwa? Kigira ki ava tumekiranga ubugadi vosi va veye mbwelemeridzi?

Jeremia 12:1 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Ezara 9:15

O Yahova, Nyasaye wa Israeli, ive u veye mulungi; kigira kwinye ku veye litigala li honi, kuli ga veye lero: henza, ku veye imbiri wowo mu mahyolo getu; kigira si ha veye nu u nyala kusingira imbiri wowo kigira inkuva yiyi.

Nehemia 9:33

Navutswa ive u veye wobulungi mu yaga gosi aga gwira kwi nye; kigira wa kola ageligali, navu tswa kwinye kwa kola agobudamano;

Ayubu 12:6

Mahema gavanuli ga gasidzangwa, Na va vihiriridzanga Nyasaye va veye mu mirembe Ava Nyasaye a letanga mmakono gavo vindu vinyingi.

Ayubu 13:3

Ligali nkano nda ka volerana no Wanyala Vyosi, Na nyenyanga kulohidzana na Nyasaye.

Ayubu 24:12

Avandu va kenyanga kutwula mu lidala li veye navandu vanyingi, Nomwoyo gwatumitwa gu kupanga lwanga: Halala na yaga Nyasaye si ya validza yaga kuva ubusiru.

Ayubu 24:23

Nyasaye a haana kuvo kuva mu mirembe na va sosanga mugyo; Netsimoni tsitsye tsi veye igulu wetsinzira tsyavo.

Ayubu 8:17

Nemiri gyigye gyi nazira kitumi kyamagina, Na a henza ha magina ga veye.

Zaburi 116:5

Yahova a veye netsimbabasi, na ubulungi; Yee, Nyasaye wetu a veye neliverera.

Zaburi 119:137

U veye mulungi, O Yahova, Na likalaga lilyo li veye lyobulungi.

Zaburi 119:75

Mmanya, O Yahova, likalaga lilyo li veye lilungi, Na u nsaliridzi mu busuuvirifu.

Zaburi 145:17

Yahova a veye mulungi ku tsinzira tsitsye tsyosi, Na a veye wetsimbabasi mu miyinzi gyigye gyosi.

Zaburi 37:1

Mwoyo gugwo gu ta ku samha kigira ava kola ubwoni, Kandi u ta kendekera ava kolanga ubukyamu.

Zaburi 37:35

Ndoli mudamano a veye netsingulu tsinene, Na a twulanga tsisya nokutavalala kuli musala muvisi gu veye mu marova malahi.

Zaburi 51:4

Ku ive, ive weng'ine, nkoli ubwoni, Nokukola ubudamano yibu imbiri wowo; Ive u veye nobulungi mu livola lilyo, Nokuva mutakatifu mu likalaga lilyo.

Zaburi 51:6

Henza, ive u yanzidzwa na ageligali mugati mwevivero vyange; Na mu vivero viviseywi u la nzegidza ubugeeri.

Zaburi 92:7

Lwa avsdamano va sebuka kuli bunyasi, Na lwa vosi avakolanga ubudamano velolekidza; Li veye ndi, va duke kudividzwa mihiga nemihiga.

Tsing'ano 1:32

Kigira lirana inyima lyavasiru li la viita, Na ligadahala lyavasiru li la va dividza.

Kohelethu 8:14

Li veye ho likuva lya vutswa li kolangwa ku lirova; va veye ho avobulungi ava nyolanga vindu vi leng'ana nevikolwa vyavadamano; kandi, va veye ho avadamano, ava nyolanga vindu vi leng'ana nevikolwa vyavalungi: nda vola yaga kandi ni ga vutswa.

Isaya 41:21

Mu sunde likuva lyenyu ahi mbi, Yahova a vola, mulete kivune kyenyu kyetsingulu, Mwami wa Yakobo a vola.

Isaya 48:8

Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Jeremia 11:20

Navutswa, O Yahova wa mahe, ive u kalaganga bulungi, ive u geridzanga kikenge nomwoyo, u mbe kulola kisalya kikyo kuvo: kigira nang'aminye likuva lyange ku ive.

Jeremia 12:6

Kigira kali avamwavo vovo, nenyumba ya dada wowo, kali avandu yavo va ku koleye ubugadi; va ku kupiye uluku inyima wowo: u ta suuvira avandu yavo kali ni va ku volera amakuva malahi.

Jeremia 3:20

Ligali kuli mukali a leka musatsa wewe nobugadi, ni ndiyo mwinye mu nkoleye nobugadi, O inyumba ya Israeli, Yahova a vola.

Jeremia 3:7

Na nda vola inyima wa va kola vindu yivi vyosi, Va lirana ku inze kandi; navutswa va vula kwirana: namwavo wewe Yuda wobugadi ya lola vindu yiyi.

Jeremia 32:16

Ma ga duka inyima wa inze nda ha Baruku mwana wa Neria ibaruwa yobuguli, nda saala Yahova, ni mbola,

Jeremia 5:11

Kigira inyumba ya Israeli nenyumba ya Yuda tsi kol ubugadi ligali ku inze, Yahova a vola.

Jeremia 9:2

Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

Lisyoma lya Jeremia 1:18

Yahova nowobulungi; kigira inze nzebaaye ku lilaga lilye: Mwadza, mu huliye mwinye ava ndu vosi, mu lole livererera lyange: Avakana vagima vange, na vayai vange va tsiye mu lyadikidzwa.

Ezekieli 18:25

Navutswa mwinye mu vola, Inzira ya Yahova si i veye inungi mba. Hulira kalunu, O inyumba ya Israeli: Inzira yange si i veye inungi? Tsinzira tsyenyu si tsi veye tsinkyamu?

Danyeli 9:14

Kigira yaga Yahova ya linda kivi, nokukileta ku kwinye; kigira Yahova Nyasaye wetu a veye wobulungi mu miyinzi gyigye gyosi gya a kolanga, na kwinye si ku huliye mwoyo gwigwe.

Danyeli 9:7

O Mwami, ubulungi bu veye bubwo, navutswa ubweluliri bwommoni bu veye bwetu, kuli ga veye lero; ku avandu ve Buyuda, noku avamenya mu Yerusalemi, noku Vaisraeli vosi, ava veye himbi na ava veye ihale, mu vivala vyosi ava ive wa ku kunga kuduka muvyo, kigira mahyolo gavo ga va hyola ku ive.

Hosea 6:7

Navutswa yavo va mali kwononnya lilagana kuli Adamu: va koli ubugeeri bwobugadi ku inze.

Habakuk 1:4

Kigira yaga lilaga li gehi, nelikalaga si li nyoleka mba; kigira avadamano va kumbiridza avalungi; kigira yaga likalaga lyobukyamu li loleka.

Zefania 3:5

Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba.

Malaki 2:17

Mu mali kuluhidza Yahova na makuva genyu. Navutswa mu volanga, Ku mu luhidza ku makuva ki? Ga veye ku livola lya mu volanga, Sa mulala u kolanga ubudamano a veye mulahi mu tsimoni tsya Yahova, naye a sangaliranga avandu yava; kinga Nyasaye welikalaga a veye haliha?

Malaki 3:15

Na kalunu ku vola avoluyai va veye nobuyanzi; yee, yavo ava kolanga miyinzi gyobudamano va gasidzangwa; yee, va geridzanga Nyasaye, na va hona.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.