Jeremia 11:7 - KITABU KITAKATIFU

⁷ Kigira nda lolekidza ligali ku vaguga venyu ku lidiku lya nda va leta kutwula mu kivala kya Egepeti, kali kuduka lero, nda vuka mabwebwe nokuvalolekidzira, kuvola, Mu hulire mwoyo gwange.

Jeremia 11:7 ပူးပေါင်းရင်းမြစ်များ

2 Avami 17:13

Halala na yaga Yahova ya lolekidzira Israeli, na Yuda, na a va volera nomunwa gwomuprofeti sa mulala, na valoli sa mulala, na a vola, Mu girunkane mu leke tsinzira tsyenyu tsindamano, mu gumire malago ganga nemiima gyange, kuli lilaga ya nda laga vaguga venyu, nalya nda leta ku mwinye nomukono gwavatumekiri vange avaprofeti.

2 Kyetsinyinga 36:15

Na Yahova, Nyasaye wavaguga vavo, ya hila kuvo avatumwa veve, ya wka mmabwebwe kuvatuma, kigira ya vererera avandu veve, na ha bume nyo hehe:

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Jeremia 25:3

Kutwula ku muhiga gwelikumi negyivaka gwelyameha lya Josia mwana wa Amoni, mwana wa Yuda, kuduka lero, mihiga makumi gaviri na gyivaka, likuva lya Yahova li duki ku inze, na nda volera mwinye, ni mbuka mabwebwe nokuvola; navutswa mwinye si mu huliye.

Jeremia 25:4

Yahova ya tuma ku mwinye ava tumwa veve vosi avaprofeti, na a vuka mabwebwe na a va tuma (navutswa mwinye si mu huliye, si mu tegidzi amatu genyu kuhulira),

Jeremia 31:32

si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.

Jeremia 32:23

na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

Jeremia 34:14

Ku kiheri kyemihiga gyi kola gyitano negyiviri, mundu sa mulala u veye namwavo wewe Muhebraina wa gulidzwa ku ive, na u ku tumikiye mihiga gyitano na mulala, u mleke a twule ku ive: navutswa avaguga venyu si va hulira mba, kandi si va tegidza amatu gavo mba.

Jeremia 35:14

Makuva ga Jonadabu mwana wa Rekabu, aga ya laga avans veve, va vule kunwa iwaini, ga dukidzeywi; nokuduka lero si va nwedzanga mba, kigira va hulira lilaga lya guga wavo. Navutswa mboleye mwinye, ni mbuka mabwebwe nokuvola; na si mu mbuliye mba.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 7:13

Kalunu, kigira mu koli miyinzi yigyi gyosi, Yahova a vola, na nda mu volera, ni mbuka mabwebwe nokuvola, navutswa si mwa hulira; na nda mu langa, navutswa si mwa bugirira mba:

Hosea 4:1

Mu hulire likuva lya Yahova, mwinye avana va Israeli; kigira Yahova a veye nelihing'ana ku vamenyanga mkivala yikyo, kigira si ha veye na geligali, kinga tsimbabasi, kinga limanya Nyasaye mu kivala.

Hosea 5:1

Mu hulire yaga, O mwinye avasalisi, mu huliridze, O mwinye avenyumba ya Israeli, na mu tegidze amatu, O mwinye avenyumba yomwami; kigira likalaga li veye ku mwinye; kigira mwinye mwa li mutego ha Mizipa, nomuluvu gwa vikwa ha Taboru.

Zekaria 1:4

Mu ta va kuli avadada venyu va li, avaprofeti vokutanga va va gambira, ni va vola, Yahova wa mahe a vola yaga, Mwirane kalunu mu leke tsinzira tsyenyu tsindamano na vikolwa vyenyu vidamano, mu vi leke: navutswa si va hulira, kandi si va mbulira, Yahova a vola.

Vafeso 4:17

Kunangwa mbola yaga, kandi ndolekidza mu Mwami, mwinye mu ta genda kandi kuli Avetsihiri va gendanga, mu tsiganagani tsyavo tsya vutswa,

Kwidzulitsa 12:32

Ku gosi ga mmu laga, mu henze ku nokugakola: u ta meda ku, kinga u ta gehidza ku.

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Kwidzulitsa 4:6

Kunangwa mu ga gumire nokugakola; kigira yaga ga la va ubugeeri bwenyu nelimanya lyenyu mu tsimoni tsyavandu, va hulira malago yago gosi, va la vola, Ligali ihiri inene yiyi va veye avandu vobugeeri nelimanya.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Kwidzulitsa 6:2

u duke kutia Yahova Nyasaye wowo, kugumira miima gyigye gyosi, namakalago gege, ga nku laga, ive, namwana wowo, nomisukulu wowo, madiku gosi gelimenya lilyo; madiku gogo ga kolwe manyingi.

Kwidzulitsa 8:6

Na u gumire amalago ga Yahova Nyasaye wowo, u gende mu tsinzira tsitsye, nokumutia.

2 Vatesalonike 3:12

Kalunu ku laga yavo ava veye ndivo nokuvatsuva mu Mwami Yesu Kristo, va kole miyinzi gyavo nobwehodzeridzi, va lie vyokulia vyavo avene.

1 Samweli 8:9

Kunangwa kalunu u hulire mwoyo gwavo: navutswa u la va volera amakuva maliduhu, nokuvamannya lugano lwomwami wenya kwameha kuvo.