Jeremia 11:6 - KITABU KITAKATIFU

⁶ Na Yahova ya mbolera, Wilwadze amakuva yaga gosi mu madala ga Yuda, nomu tsinzira tsya Yerusalemi, kuvola, Mu hulire makuva gelilagana yili kugakola.

Jeremia 11:6 ပူးပေါင်းရင်းမြစ်များ

Zaburi 15:5

Uyu si a vikanga vyambeti ku ifetha yeye Kandi si a vugula kikukula kwononnya uyu u ta li nekindu kuye. Uyu u kolanga makuva yaga si a dengeyanga mihiga nemihiga.

Isaya 58:1

Kupa lwanga, u ta gaya mba, hanzuka nomwoyo gugwo kuli kisiliva, wilwadzire avandu vange lihyolo lyavo, noku inyumba ya Yakobo, ubwoni bwavo.

Jeremia 19:2

u twule u tsie mwivona lyomwana wa Hinom, i veye ha bwingiriru bwekiribwa kya Harsithu, wilwadze ho makuva ga nku volera;

Jeremia 2:2

Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

Jeremia 3:12

Tsia, wilwadze makuva yaga ku luvega lwa kasikasini, u vole, Wirane, O Israeli yirani inyima, Yahova a vola; si nda henza mwinye nobutima mba; kigira mbeye netsimbabasi, Yahova a vola, si ntsitsagil'la nobutima madiku gosi mba.

Jeremia 7:2

Singira mu kiliango kyenyumba ya Yahova, u gambe yo likuva yili, u vole, Mu hulire likuva lya Yahova, mwinye vosi Avayuda, mwinye avi ngiranga mu viribwa yivi kutsia kusigamira Yahova.

Zekaria 7:7

Si ga mu dukira kuhulira makuva ga Yahova ya leta na makono ga avaprofeti vokutanga, inyinga avandu va menya mu Yerusalemi mu bugasu, nomu madala yago ga li kumbiridza, noluvega lwa Kusini na vivala vyekereremu vya li na vandu?

Yohana 13:17

Mwinye ni mu manya vindu yivi, mu veye nobugasu ni mu vi kola.

Varumi 2:13

kigira si va li ava huliranga lilaga ava veye nobulungi imbiri wa Nyasaye, navutswa yavo ava kolanga lilaga nivo ava li volwa va veye nobulungi;

Kwidzulitsa 4:1

Kalunu, O Israeli, hulira malago nelikalaga, lya nzegidzanga mwinye kugakola; mu duke kuva mwoyo, nokwingira nokugumira kivala kya Yahova, Nyasaye wavaguga venyu, a mu ha.

Kwidzulitsa 4:5

Henza, nda mwegidza amalago nelikalaga, kuli Yahova Nyasaye wange ya ndaga, mu ga kole hagati hekivala kya mwingira mu, kuva miyandu.

Yakobo 1:22

Navutswa mu ve avakoli velikuva, mu ta va avahuliri vutswa navigadi avene.