Jeremia 11:4 - KITABU KITAKATIFU

⁴ lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Jeremia 11:4 ပူးပေါင်းရင်းမြစ်များ

Litanga 17:8

Kandi nda ha ive na visukululwi vivyo inyima wowo, kivala kya limenya lilyo, kivala kyosi kya Kanani, ki ve miyandu gyemihiga nemihiga; na nda va Nyasaye wavo.

1 Avami 8:51

(kigira va veye avandu vovo, nemiyandu gyigyo, kya wa leta kutwula mu kivala kya Egepeti, kutwula hagati hekisambiru kyekivya);

2 Avami 18:6

Kigira uyu ya hambana na Yahova; si ya leka kumulonda mba, navutswa ya gumira malago gege, ga Yahova ya laga Musa.

Kutwula 20:6

kandi mba vera tsimbabasi ava yanza inze ni va gumira malago gange, kuduka tsielfu.

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Isaya 48:10

Henza, mmali kukusiyira mmuliru, navutswa si ga veye kuli ifetha isiyangwa; nku tovoye mu kisambiru kye kivi.

Jeremia 11:7

Kigira nda lolekidza ligali ku vaguga venyu ku lidiku lya nda va leta kutwula mu kivala kya Egepeti, kali kuduka lero, nda vuka mabwebwe nokuvalolekidzira, kuvola, Mu hulire mwoyo gwange.

Jeremia 24:7

Nda va ha myoyo gyokumanya inze, mbeye Yahova: va la va avandu vange, na inze nda va Nyasaye wavo; kigira va lirana ku inze nemyoyo gyavo gyosi.

Jeremia 26:13

Kunangwa kalunu mu lombe tsing'endo tsyenyu nelikola lyenyu, na mu hulire mwoyo gwa Yahova Nyasaye wenyu; na Yahova a leganira ku budamano bwa ya li na a voye ku mwinye.

Jeremia 30:22

Na mu la va avandu vange, na inze nda va Nyasaye wenyu.

Jeremia 32:28

Kunangwa Yahova a vola ndi: Henza, nda vika lidala yili mmukono gwa Vakalidei, nommukono gwa Nebukadirezaru mwami wa Babuloni, naye a la li vugula:

Jeremia 38:20

Navutswa Jeremia ya mu volera, Si va la ku haana mba. Nku goonya, mwadza, u hulire mwoyo gwa Yahova, mu yaga aga nku voleranga: ni ndiyo ga li va ubulahi ku ive, nomwoyo gugwo gu la hindira.

Ezekieli 11:20

va duke kugenda mu malago gange, nokugumira miima gyange nokugyikola: na va la va avandu vange, na inze nda va Nyasaye wavo

Ezekieli 14:11

inyumba ya Israeli i vule kuvoyavoya ihale ku inze kandi, kinga va vule kwivika mu bubi kandi ku mahyolo gavo gosi; navutswa va ve avandu vange, na inze mbe Nyasaye wavo, Mwami Nyasaye a vola.

Ezekieli 36:28

Na mu la menya mu kivala kya nda ha avaguga venyu; na mu la va avandu vange, na inze nda va Nyasaye we nyu.

Ezekieli 37:23

kandi si va livika mu bubi ku vifwananyi vyavo kandi mba, kinga ku vindu vyavo vyekivihiri, kinga ku mahyolo gavo lilala kugo; navutswa nda va honnya va twule mu bumenyo bwavo bwosi, bwa va kolera mu ubwoni, na nda vogidza: ma va la va avandu vange, na inze nda va Nyasaye wavo.

Ezekieli 37:27

Lihema lyange li la va halala navo; na nda va Nyasaye wavo, navo va la va avandu vange.

Danyeli 3:26

Hene yaho Nebukadinezaru yesunda ha kiliango kyekisambiru kyaakanga muliru ligali: na a gamba, na a vola, Shadaraka, Meshaka, na Abedinego, mwinye avatumekiri va Nyasaye U Veye Igulu Ligali, mu twule, mudze yino. Ma Shadaraka, Meshaka, na Abedinego va twula hagati ho muliru.

Kyavalevi 26:12

Na nda genda halala na mwinye, na nda va Nyasaye wenyu, na mwinye mu la avandu vange.

Kyavalevi 26:3

Ni mu genda mu miima gyange, nokugumira malago gange, nokugakola;

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Zekaria 6:15

Na yavo va veye ihali va ladza nokwombaka mu litempeli lya Yahova; na mu la manya ni Yahova wa mahe wa ntuma ku mwinye. Na yaga ga la kolwa ni mu va ni mu hulira ligali mwoyo gwa Yahova Nyasaye wenyu.

Zekaria 8:8

nda va leta, na va la menya hagati ha Yerusalemi; va la va avandu vange, na inze nda va Nyasaye wavo, mu geligali nomu bulungi.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Kwidzulitsa 11:27

ubugasu bu ve ho, ni mu va ni mu hulira malago ga Yahova Nyasaye wenyu, ga mmu laganga lero;

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Kwidzulitsa 5:6

Inze mbeye Yahova Nvasaye wowo, wa ku twulidza mu kivala kya Egepeti, mu inyumba yobutugwa.

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

1 Samweli 15:22

Na Samweli ya vola, Yahova a veye neliyanza vihaanwa vyokusambwa nevisyuviriru, kuli a yanza lihulira umwoyo gwa Yahova? Henza, lihulira li veye lilahi kuvita vihaanwa, nelihuliridza li veye lilahi kuvita itinya yamagondi makole.