Jeremia 11:20 - KITABU KITAKATIFU

²⁰ Navutswa, O Yahova wa mahe, ive u kalaganga bulungi, ive u geridzanga kikenge nomwoyo, u mbe kulola kisalya kikyo kuvo: kigira nang'aminye likuva lyange ku ive.

Jeremia 11:20 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

2 Avami 19:14

Na Hezekia ya nyola ibaruwa mmukono gwavatumwa, na a gi soma; na Hezekia yanegira nokwingira mu inyumba ya Yahova, nokuvambula ibaruwa zana imbiri wa Yahova.

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

Ayubu 5:8

Navutswa nkano nda kenya Nyasaye Nokuvika ku Nyasaye likuva lyange;

Zaburi 139:23

U nzidere, O Nyasaye, u manye mwoyo gwange: U ngeridze, u manye tsiganagani tsyange;

Zaburi 35:2

U vugule ikuti na ingavo, U singire kumbera.

Zaburi 43:1

U nkalagire, O Nyasaye, na u mbere ku ihiri i ta tia Nyasaye: U mbonnye ku mundu mugadi nomukyamu.

Zaburi 57:1

U mbere tsimbabasi, O Nyasaye, u mbere tsimbabasi; Kigira mwoyo gwange gwivisa mu ive: Yee, mu kiriri kyetsimbaha tsitsyo ndivisa, Kuduka kivi yiki ki heri.

Zaburi 58:10

Wobulungi a la sangala lwa a lola livanza kisalya: A la singa virenge vivye mmasahi ga vadamano.

Zaburi 7:10

Ingavo yange i veye ku Nyasaye, U honnyanga avemyoyo milungi.

Zaburi 7:8

Yahova a la kalagira avandu: U nkalagire, O Yahova, kuli bulungi bwange, na kuli ubudukanu bu veye ku inze.

Zaburi 7:9

Ubudamano bwa avadamano bu heridzwe, navutswa u dinyeridze avalungi: Kigira Nyasaye mulungi a geridza tsiganagani na myoyo.

Zaburi 98:9

Imbiri wa Yahova; kigira yadzanga kukalagira lirova: A la kalagira lirova nobulungi, Na avetsihiri nelikalaga lilahi.

Jeremia 12:1

Ive u veye mulungi, O Yahova, ni mba ni nku goonya; navutswa nkano mbolerane nive likuva yili: kigira ki inzira yomudamano i gasidzangwa? Kigira ki ava tumekiranga ubugadi vosi va veye mbwelemeridzi?

Jeremia 12:3

Navutswa ive, O Yahova, u manya inze; u ndolanga, na u geridzanga mwoyo gwange kuli gu yeka ku ive: u va kwese kuli amagondi ga tsitsanga mu liitwa, u va tegeke ku lidiku lyokwiitwa.

Jeremia 15:15

O Yahova, u manya; u nzidzulitse, udze ku inze, u mbanzire kisalya ku yavo ava dambidzanga inze; u ta ntwulidza mu lyekudzira lilyo mba: u manye nyola amanyego kigira ive.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 17:18

Va ve isoni yavo ava dambidzanga inze, navutswa inze mbule kuva isoni; va timuke inkolo, navutswa inze mbule kutimuka inkolo; u lete kuvo lidiku lyobudamano, u va dividze lidividza hali kaviri.

Jeremia 20:12

Navutswa, O Yahova wa mahe, u geridzanga avalungi, u lolanga kikenge nomwoyo, u mbe ndole kisalya kikyo kuvo; kigira nda vuulira ive makuva gange.

Lisyoma lya Jeremia 3:58

O Yahova, u veri amakuva gomwoyo gwange; u tungiye livamwoyo lyange.

Lisyoma lya Jeremia 3:59

O Yahova, u loli likolerwa lidamano lyange; kalaga likuva lyange.

Lisyoma lya Jeremia 3:64

U la va tunga litunga, O Yahova, kuli miyinzi gya makono gavo.

Ezekieli 11:5

Na Roho wa Yahova ya gwa ku inze, na a mbolera, U vole, Yahova a volanga ndi: Ni ndiyo mwa vola, Mwinye avenyumba ya Israeli; kigira inze mmanya vindu vingira mu myoyo gyenyu.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

Vafilipi 4:6

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

2 Timoteo 4:14

Alekisandero mutuli womu gasa ya nkola ubudamano bunyingi: Mwami a la mu tunga kuli miyinzi gyigye.

1 Petro 2:23

inyinga ya nyegwa si yirannya linyega; inyinga ya saliridzwa ya vula kwihalavannya; navutswa yihaana ku uyu u kala ganga bulungi.

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.

1 Samweli 24:15

Kunangwa Yahova a ve mukalagi, a kalage hagati hange nive, na a lole, na a vere makuva gange, na a mbonnye ku mukono gugwo.