Jeremia 11:17 - KITABU KITAKATIFU

¹⁷ Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

Jeremia 11:17 ပူးပေါင်းရင်းမြစ်များ

2 Samweli 7:10

Na nda laga ubogono bwavandu vange Israeli, na nda va simika, va duke ku menya mbogono bwavo avene, na va la vula kusundwa kandi; kinga avana vobudamano si va la va nyangi dza kandi mba, kuli matsyambiri

2 Kyetsinyinga 28:25

Nomu madala gosi ga Yuda ya lomba hadiguluku kuvuyidza kimuli ku vanyasaye vandi, na ya vihiridza Yahova, Nyasaye wavaguga veve.

Zaburi 44:2

Wa kunga tsihiri nomukono gugwo; Navutswa wa va simika: Wa kupidza tsihiri kivi; Navutswa yava wa va landidza.

Zaburi 80:15

Musala gwomukono gugwo mulungi gwa simika Na lusya lwa wa lomba kuva netsingulu ku ive mwene.

Zaburi 80:8

Ive wa twulidza muzabibu Egepeti: Wa kunga avetsihiri, na u gu simika.

Isaya 5:2

naye ya ki lima, nokutwulidza magina gakyo, nokusimika mu muzabibu mulahi kuvita gyosi, nokwombaka kitaradzi hagati hakyo, nokuyava mu kiminiru kyewaini: na a henzerera gwame mazabibu, navutswa gwama mazabibu gomulitu.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Jeremia 1:14

Hene yaho Yahova ya mbolera, Kutwula kasikasini ubudamano bu la twulira kuduka ku vandu vosi ava menyanga mu kivala.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 11:13

Kigira kuli livalidza lyamadala gogo li veye, ni ndiyo livalidza lyavanyasaye vovo li veye, O Yuda; na kuli livalidza lyetsinzira tsya Yerusalemi ni ndiyo mu singeridzi ubwali ku kindu kyetsisoni, ubwali bwokuvuyidzira Baal kimuli.

Jeremia 12:2

Ive wa va simika, yee, va hili imiri; va viruka, yee, vama makuyu: ive u veye himbi mu minwa gyavo, na u veye ihale mu vikenge vyavo.

Jeremia 18:15

Kigira avandu vange va nziviriye, va vuyidzi vimuli ku vya vutswa; na vikigitalidzangwa mu tsinzira tsyavo, nokugenda mu tsinzira tsya haluvega, ku inzira ya vula kulombwa;

Jeremia 18:8

ni i va ihiri zana ya mbola ku makuva gayo, yeganira, nokuleka budamano bwavo, inze ndeganira ku budamano bwa nsaaviye kuvakolera.

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 2:21

Navutswa nda li ni nda simika ive muzabibu mula hi, bugutsa ubulahi bwere: kunangwa ga li ndi ive u girunkani kuva visibu vi ta konya kindu, kyomuzabibu mu geni ku inze?

Jeremia 24:6

Kigira nda vumika nobulahi, na nda va leta vingire mu kivala yiki kandi; na nda vombaka, si nda va sambula mba; nda va simika, si nda viha mba.

Jeremia 26:13

Kunangwa kalunu mu lombe tsing'endo tsyenyu nelikola lyenyu, na mu hulire mwoyo gwa Yahova Nyasaye wenyu; na Yahova a leganira ku budamano bwa ya li na a voye ku mwinye.

Jeremia 26:19

Hezekia mwami wa Yuda na Yuda vosi viita uyu Mika? Hezekia si ya tia Yahova, nokusaala tsimbabasi tsya Yahova na Yahova yeganira ku budamano bwa ya li na a voye kuvo? Na ndiyo ku va kuiiii Jeremia nkano ku koli ubudamano ubunene ku myoyo gyetu avene.

Jeremia 32:29

na Vakalidei, ava lwananga nelidala yili, va ladza nokuvika muliru ku lidala yili, nokulisamba, halala netsinyumba tsyalyo, tsya va vuyidzira Baal vimuli ku visegesi vyatsyo, nokutsuka vihaanwa vyevyokunwa ku vanyasaye vandi, kuduka ku mbihiriridza.

Jeremia 32:30

Kigira avana va Israeli navana va Yuda va koli vyobudamano vyere imbiri wetsimoni tsyange kutwula mu busoleli bwavo: kigira avana va Israeli va vika ku inze livihiriridza lyere nelikola lyamakono gavo, Yahova a vola.

Jeremia 35:17

kigira yaga Yahova Nyasaye wa mahe, Nyasaye wa Israeli, a vola: Henza, nda leta ku Yuda noku vosi avamenyi Yerusalemi ubudamano bwosi bwa nda vola kuvo; kigira mba voliye, navutswa navo si va huliye mba; mba langi navo si va bugiriye mba.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 40:2

Munyampara wavalindi ya vugula Jeremia, na a mu volera, Yahova Nyasaye wowo ya vola budamano yibu hano;

Jeremia 40:3

Yahova ya bu leta, na ya kola kuli ya vola; kigira mwa kola ubwoni ku Yahova, na si mwa hulira mwoyo gwigwe mba, kunangwa kigira yaga inkuva yiyi i duke ku mwinye.

Jeremia 42:10

Mwinye ni mu va ni mu kikiri kumenya mu kivala yiki, hene yaho nda mwombaka, si nda mu tsoma hasi mba, nda mu simika, si nda mwiha mba: kigira nzeganira ku budamano bwa nda mu kola.

Jeremia 44:5

Navutswa si va hulira mba, kinga kutegidza amatu gavo va duke kugirunkana nokuleka ubudamano bwavo, va vule kuvuyidza vimuli ku vanyasaye va ndi.

Jeremia 44:8

kigira mn a vihiriridza inze nevikolwa vyamakono genyu, ni mu vuyidzira avanyasaye vandi vimuli mu kivala kya Egepeti, kya mwa tsia kumenya mu avageni; mu duke kutwulidzwa, mu ve li laamwa na manyego mu tsihiri tsyosi tsyo mu lirova?

Jeremia 45:4

U mu volere likuva yili, Yahova a ku volera: Henza, vya nzombaki nda vi sambula, na vya nsimiki ndiha; uindu yivi vi la va mu kivala yikyo kyosi.

Jeremia 7:18

Avana ka tenyanga tsinku, na vadada vavo va fwananga muliru, navakali va luganga ubukima, va duke kulombera mwami wekikali womigulu mikati, nokutsuka vihaanwa vyokunwa ku vanyasaye vandi, va duke kumbihiriridza.

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Ezekieli 17:5

Kandi ya vugula bugutsa bwekivala, na ya bu midza mu marova gamanga; na ya bu vika ku luginga lwa madzi manene; na ya lu simika kuli musala gwoku mugera.

Hosea 10:1

Israeli a veye muzabibu munetu, gwamanga makuyu: kuli ubunyingi bwamakuyu gagwo ni ndiyo kandi a medanga ubwali bwibwe; kuli ubulahi bwekivala kyavo bu veye va lombi ndiyo tsitiru tsindahi.