Jeremia 11:14 - KITABU KITAKATIFU

¹⁴ Kigira yaga u ta saalira avandu yava mba, kandi u ta ginga lilira kinga lisaala kigira yavo mba; kigira inze si nda va hulira inyinga vanira ku inze kigira kivi kyavo.

Jeremia 11:14 ပူးပေါင်းရင်းမြစ်များ

Zaburi 66:18

Ni mba ni nyanza ubudamano mu mwoyo gwange, Mwami si a la mbulira mba:

Kutwula 32:10

kalunu u ndeke ubutima bwange bwaake ligali kuvo, na mba dividze: ma nda kola ive kuva ihiri inene.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 14:11

Kandi Yahova ya mbolera, U ta saalira avandu yava ubulahi bwavo mba.

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 15:1

Hene yaho Yahova ya mbolera; Kali Musa na Samweli ni va singira imbiri wange, mwoyo gwange si gwa ka va gu yeke ku avandu yava mba: u va te va twule imbiri wetsimoni tsyange, va tsie.

Jeremia 7:16

Kunangwa u ta saalira avandu yava mba, kandi u ta va gingira lilira kinga lisaala, kandi u ta va saalira ku inze; kigira si nda ku hulira mba.

Hosea 5:6

Va la tsia halala nevyayo vyavo vyamagondi netsing'ombe kwenya Yahova; navutswa si va la mu nyola mba: wivisi mwene kuvo.

Zekaria 7:13

Kandi ga duka, lwa yanira, navo si va bugirira kuhulira mba; ni ndiyo yavo va lanira, na inze si ndi hulira mba, Yahova wa mahe a vola;

Malaki 2:13

Kandi mu kolanga yaga: mu tonya maliga ku bwali bwa Yahova, halala nokulira, nokukenya, a luhe a vule kuhenza vihaanangwa kinga kuvibugirira mmakono genyu nomwoyo gwokuyanza.

1 Yohana 5:16

Mundu na a lola amwavo wewe na a kola ubwoni bu ta li bwelikudza, a la saala, na Nyasaye a la mu heera livamwoyo kigira yava ava kola ubwoni bu ta li bwelikudza. Ubwoni bu veyo bwelikudza: si mbola a saale kubwo.