Jeremia 11:11 - KITABU KITAKATIFU

¹¹ Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 11:11 ပူးပေါင်းရင်းမြစ်များ

2 Avami 22:16

Yahova a vola, Henza, nda leta ubudamano hano, noku ava menyanga hano, yee makuva yaga gosi agekitabu kyomwami wa Yuda u somi.

2 Kyetsinyinga 34:24

Yahova a vola ndi, Henza, nda leta budamano yibu hano noku va menyanga ho, nabwo ni vilaamo vyosi vya ng'odwa mu kitabu kya va soma imbiri womwami wa Yuda.

Ayubu 35:13

Nyasaye, ligali si a la hulira aga vutswa Kandi Wanyala Vyosi si a la ga henza mba.

Zaburi 18:41

Vanira, navutswa si ha li nowokuvahonnya; Kali ku Yahova, navutswa si ya va tivulira mba.

Zaburi 66:18

Ni mba ni nyanza ubudamano mu mwoyo gwange, Mwami si a la mbulira mba:

Tsing'ano 1:28

Hene yaho va lanira inze, navutswa si nda va tivulira; Va la nyenya ligali, navutswa si va la nyola:

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Isaya 1:15

Lwa mu nyira makono genyu, nda visa tsimoni tsyange mbule kumulola; yee, lwa mu saala lisaala linyingi, si nda li hulira mba; makono genyu gizuye masahi.

Isaya 24:17

Ubutii, na ubogo, na mutego, vi veye ku ive, O mmenye ku lirova.

Jeremia 11:14

Kigira yaga u ta saalira avandu yava mba, kandi u ta ginga lilira kinga lisaala kigira yavo mba; kigira inze si nda va hulira inyinga vanira ku inze kigira kivi kyavo.

Jeremia 11:17

Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 14:2

Yuda a syomanga, kandi viribwa vi syomanga, vikaye hasi viviki tsingubo tsimwamu; lilira lya Yerusalemi lyanegiye igulu.

Jeremia 15:2

Na ga la duka, lwa va ku volera, Ku la twula kutsia haliha? Hene yaho u la va volera, Yahova a vola: Ava ng'odwa ku likudza, va la tsia kukudza; na va ng'odwa ku kivavi, va la tsia ku kivavi; na va ng'odwa ku inzala, va la tsia ku inzala, na va ng'odwa ku lilanywa, va la va lilanya.

Jeremia 18:11

Kunangwa kalunu, u volere avandu va Yuda, na va menya mu Yerusalemi, u vole, Yahova a vola: Henza, nombanga ubudamano ku mwinye, nokusaavira lisaava ku mwinye: mwirane kalunu sa mulala a leke inzira yeye indamano, mu lombe tsinzira tsyenyu, nevikolwa vyenyu.

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 19:3

u vole, Mu hulire likuva lya Yahova, mwinye avami va Yuda, na va menyanga mu Yerusalemi: Yahova wa mahe, Nyasaye wa lsraeli a vola, Henza, nda leta budamano hano, ubwa uyu u hulira kubwo, amatu gege ga la mu tsuna.

Jeremia 23:12

Kunangwa kigira yaga inzira yavo i la va kuvo kuli ha va terera mu kisundi: va la komololwa va tsia imbiri nokugwa muyo; kigira inze nda leta ubudamano kuvo, li vola li veye, muhiga gwelidukirwa lyavo, Yahova a vola.

Jeremia 25:35

Navayi va la vula kuva nenzira yokwiruka, kandi avobunyali vekyayo va la vula kuva nenzira yokuhonera.

Jeremia 35:17

kigira yaga Yahova Nyasaye wa mahe, Nyasaye wa Israeli, a vola: Henza, nda leta ku Yuda noku vosi avamenyi Yerusalemi ubudamano bwosi bwa nda vola kuvo; kigira mba voliye, navutswa navo si va huliye mba; mba langi navo si va bugiriye mba.

Jeremia 36:31

Na inze nda mu ha mageli, uyu nekisukululwi kikye navatumekiri veve kigira bu damano bwavo; na nda leta kuvo, noku vamenyanga Yerusalemi, noku avandu va Yuda, ubudamano yibwo bwosi bwa nda vola kuvo; navutswa si va bugirira kumbulira mba.

Jeremia 6:19

U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

Lisyoma lya Jeremia 2:22

U langi, kuli mu lidiku lyelivugana, vyokutihidza vyange vi veye tsimbega tsyosi; Si ha veye kali mulala wa hona, kinga wa tigala mu lidiku lyobutima bwa Yahova: Yavo ava nda lera nokuvirukidza, musigu wange u mali ku va heridza.

Ezekieli 14:3

Ive mwana womundu, avandu yava va viki vifwananyi vyavo mu myoyo gyavo, va viki kyokwikigitala kyobudamano bwavo imbiri wommoni mwavo: ga ndukira yavo va nteve ku makuva gosi?

Ezekieli 7:5

Mwami Nyasaye a vola ndi: Ubudamano, ubudamano bwere; henza, budzanga.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Amosi 5:19

Kuli mundu yiruka king'ang'a, na ya vugana na iduba; kinga yingira mu inyumba na a dira mukono kwidigi, na inzoka ya mu luma.

Mika 3:4

Inyinga yeyo va lanira Yahova, navutswa a la vula kuvativulira; yee, a la visa mmoni mwimwe va vule kumulola inyinga yeyo, kuli va koli budamano mu likola lyavo.

Zekaria 7:13

Kandi ga duka, lwa yanira, navo si va bugirira kuhulira mba; ni ndiyo yavo va lanira, na inze si ndi hulira mba, Yahova wa mahe a vola;

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;