Jeremia 11:10 - KITABU KITAKATIFU

¹⁰ Va girunkani nokwirana ku budamano bwavaguga vavo, ava sula kuhulira makuva gange; navo va tsia kulonda avanyasaye vandi kuvatumekira: inyumba ya Israeli nenyumba ya Yuda vononnyi lilagana lyange lya nda lomba na vaguga vavo.

Jeremia 11:10 ပူးပေါင်းရင်းမြစ်များ

Zaburi 78:57

Navutswa virana inyima, ni va kola nobugadi kuli avaguga vavo: Na va kyama kuli ubuta bu ta li nobusoga.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Jeremia 13:10

Avandu vadamano yava, ava sula kuhulira makuva gange, ava gendanga mu bukyamu bwemyoyo gyavo, ava londa vanya saye vandi kuvatumekira, nokuva sigamira, va la va kuli musipi yigu, ugu ta veye kindu.

Jeremia 17:23

Navutswa si va hulira mba, kinga kutegidza amatu gavo, navutswa va kola magoti gavo kuva madinyu, va vule kuhulira, va vule kugumira megidzo.

Jeremia 22:9

Hene yaho va la tivula, Ga veye kigira va leka lilagana lya Yahova Nyasaye wavo, nokusigamira avanyasaye vandi nokuvatumekira.

Jeremia 31:32

si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.

Jeremia 44:16

Ku likuva lya u ku voleye mu lieta lya Yahova, kwinye si ku la ku hulira ligali mba.

Jeremia 44:5

Navutswa si va hulira mba, kinga kutegidza amatu gavo va duke kugirunkana nokuleka ubudamano bwavo, va vule kuvuyidza vimuli ku vanyasaye va ndi.

Jeremia 7:28

Na u la va volera, Yiyi ni ihiri i vuli kuhulira mwoyo gwa Yahova Nyasaye wavo kandi si va bugirira kuhebwa megidzo: ageligali ga goti, na ga kalageywi kutwulidzwa ku munwa gwavo.

Jeremia 9:6

Ubumenyo bubwo bu veye hagati hobugadi; mu bugadi bwavo va sula kumanya inze, Yahova a vola.

Ezekieli 16:59

Kigira Mwami Nyasaye a vola ndi: Nda ku kolera kuli wa kola, wa lega lyesuha ku lyononnya lilagana.

Ezekieli 44:7

kigira mwinye mwa leta avageni, nokuvavika mugati, avasindi vemyoyo, navasindi vemibiri, va ve hango hange hatakatifu, kuduka kwononnya ho kali inyumba yange, lwa mu haana nga ubukima bwange, na maguta na masahi, navo vononnya lilagana lyange, kuduka kumeda kivihiri kyenyu kyosi.

Ezekieli 5:6

Naye yebaali ku likalaga lyange ku likola budamano kuvita tsihiri, noku amalago gange kuvita vivala vya li kumbiridza; kigira va sula likalaga lyange, noku makuva gamalago gange, si va genda mugo mba.

Hosea 6:4

O Efiraim, nda ku kolera ki? O Yuda, nda ku kolera ki? Kigira ububwenyu bu veye kuli lilesi lyomugamba, na kuli lime li kamanga mabwebwe.

Hosea 6:7

Navutswa yavo va mali kwononnya lilagana kuli Adamu: va koli ubugeeri bwobugadi ku inze.

Hosea 7:16

Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.

Kyavalevi 26:15

ni mu sula malago, na mwoyo gwenyu gu lega miima gyange, kuduka ni mu vula kukola amalago gange gosi, navutswa mwononva lilagana lyange;

Zefania 1:6

na yavo avirana inyima ava leka kulonda Yahova; na yavo ava vula kulonda Yahova, kinga kumwenya.

Zekaria 1:4

Mu ta va kuli avadada venyu va li, avaprofeti vokutanga va va gambira, ni va vola, Yahova wa mahe a vola yaga, Mwirane kalunu mu leke tsinzira tsyenyu tsindamano na vikolwa vyenyu vidamano, mu vi leke: navutswa si va hulira, kandi si va mbulira, Yahova a vola.

Zekaria 7:11

Navutswa va sula ku hulira, na vegirunkannya haluvega, va hannya amatu gavo, va vule ku hulira.

Zekaria 7:13

Kandi ga duka, lwa yanira, navo si va bugirira kuhulira mba; ni ndiyo yavo va lanira, na inze si ndi hulira mba, Yahova wa mahe a vola;

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

Kwidzulitsa 9:7

Widzulitse, u tivirira mba, kuli wa vihiriridza Yahova Nyasaye wowo mwigendanyama: kutwula ku lidiku lya wa twula mu kivala kya Egepeti, kuduka lwa mwingira hano, mwa tinguha ku Yahova.

Vahebraina 8:9

Si ga la va kuli lilagana lya nda kola halala navadada vavo Mu lidiku lya nda gumira amakono gavo kuvemirira va twule mu kivala kya Egepete; Kigira si va menya mu lilagana lyange, Na inze nda va lola si va veye kindu, Mwami a vola.

Vakalagi 2:11

Navana va Israeli va kola budamano imbiri wa Yahova, na va tumekira Vabaal;

Vakalagi 2:17

Halala na yaga si va hulira avakalagi vavo; kigira va londa inzira yobuheyi ku vanyasaye vandi nokwinama imbiri wavo: ni va girunkana bwangu nokuleka inzira ya vaguga vavo va londa ku, lwa va huliranga amalago ga Yahova; navutswa va vula kukola ndiyo.

Vakalagi 2:19

Navutswa ga duka, lwa mukalagi uyu ya kudza, va girunkana kutsia inyima, na va kola ubugadi kuvita vaguga vavo, mu lilonda avanyasaye vandi kuvatumekira, nokuvinamira: si va leka likola lyavo, nenzira yavo yobudinyu bwomwoyo.

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.