Jeremia 10:5 - KITABU KITAKATIFU

⁵ Vi veye kuli likindu, vyemiyinzi gyomulweyi, na si vi molomanga: ga vi dukira kugingwa, kigira si vi nyala kugenda vyene. Mu ta vi tia mba; kigira si vi nyala kukola ubudamano, kandi likola bulahi si li veye muvyo mba.

Jeremia 10:5 ပူးပေါင်းရင်းမြစ်များ

1 Avami 18:26

Na va vugula igiriki ya va hebwa, ni va gi lomba, ni vanira lieta lya Baal kutwula mugamba kuduka mbasu hagati, ni va vola, O Baal, u ku hulire. Navutswa si ha li nomwoyo, kinga wa tivula. Navo va tumatuma yiyi neyiyi ku bwali bwa lombwa.

2 Kyetsinyinga 25:15

Hene yaho butima bwa Yahova bwaaka ku Amazia, na ya tuma kuye muprofeti, wa mu volera, Kigira ki wenya ava nyasaye vavandu, va ta nyala kutwu lidza avandu vavo mu mukono gugwo?

Isaya 16:12

Na ga la duka, lwa Moabu yevu ngidza mwene, lwa yeluhidza mu hadiguluku, nokutsia hatakatifu hehe kusaala, si a la nyola liguuta mba.

Isaya 45:20

Mu vunge halala mudze; mwisunde himbi halala, mwinye avahona avetsihiri: si va veye nelimanya ava ginga musala gwekifwananyi kyavo kya vadzwa, na ava saalanga munyasaye u ta nyala kuhonnya.

Isaya 46:1

Bel a sigama hasi, Nebo yina manga hasi; vifwananyi vyavo vi veye ku tsinyama, nokumitugu: vindu vya mwa hila yiyi na yiyi vi koleywi kuva musigo, musigo gwokumina inyima i luhi.

Isaya 46:7

Va mu gingira kwivega, va genda naye, nokumusingeridza ha bugono hehe, naye a singira; si a nyala kutwula mbugono bwibwe: yee, kali mulala a lanira kuye, naye si a nyala kumutivulira, kandi si a nyala kumuhonnya ku kivi kikye.

Jeremia 10:14

Mu ndu sa mulala u gwiye kuli inyama si a veye nelimanya; mutuuli wethahabu sa mulala u legannyeywi kigira kifwa nanyi kikye kya vadzwa; kigira kifwananyi kikye kyokulongwa ki veye bubehi, si ha veye nomwika mukyo.

Habakuk 2:19

O bayaye ku uyu u volera musala, Yuka; nokuvolera ligina li veye idimbidi, Singira Yiki ki nyala kwegidza? Henza, kya kunikwa ithahabu nefetha, si ha veye nomwika kali hakudzu mukyo.

1 Vakorintho 12:2

Mu manya kuli mwa li ave Tsihiri, mwa gotidzwa ni mu londa vifwananyi vi ta li nomwoyo, kuli mwimirirwa.

1 Vakorintho 8:4

Kunangwa amakuva yaga agokulia vindu vi salisirangwa misambwa, ku manya si ha veye nekifwananyi ki veye kindu mu lirova, kandi ku manya si ha veye na Nyasaye wundi, navutswa mulala yeng'ine.

Kwidzulitsa 4:28

Na ha zana mu la tumekira avanyasaye vandi, miyinzi gya makono gavandu, misala namagina, a va vula kulola, kinga kuhulira, kinga kulia, kinga kufunyeridza.