Jeremia 10:16 - KITABU KITAKATIFU

¹⁶ Kidieli kya Yakobo si ki veye kuli yivi: kigira a veye mulombi wevindu vyosi na Israeli a veye ihiri yemiyandu gyigye: Yahova wa mahe ni lieta lilye.

Jeremia 10:16 ပူးပေါင်းရင်းမြစ်များ

Zaburi 119:57

Yahova a veye kidieli kyange: Mboye nda gumira makuva gogo

Zaburi 135:4

Kigira Yahova u tovoye Yakobo kuva wewe mwene Na Israeli kuva miyandu gyigye mwene.

Zaburi 142:5

Ndanira ku ive, O Yahova; Nda vola, Ive u veye kyokwivisa mu kyange, Kidieli kyange mu kivala kya yavo ava veye mwoyo.

Zaburi 33:6

Ligulu lya lombwa nelikuva lya Yahova, Na lihe lyalyo lyosi lya lombwa nomwika gwomunwa gwigwe.

Zaburi 73:26

Mubiri gwange na mwoyo gwange vi hereridza; Navutsura Nyasaye a veye tsingulu tsyomwoyo gwange na kidieli kyange mihiga nemihiga.

Zaburi 74:2

Widzulitse livugana lilyo lya wa gula kale, Lya wa nanula kuva ihiri yemiyamdu gyigyo; Widzulitse kigulu kya Zioni kya wa menya mu.

Kutwula 19:5

Kunangwa kalunu, ni mu va ni mu hulira mwoyo gwange ligali, nokugumira lilagana lyange, hene yaho mu la va ku inze, ihiri yange mwene yavukanywa ku vandu vosi: kigira lirova lyosi ni lyange:

Kutwula 34:9

Naye ya vola, Kalunu ni mba ni nyoye liverererwa imbiri wowo, O Mwami, nku goonya, Mwami, u gende hagati hetu; kigira va veye avamagoti madinyu; na u samehe mahyolo getu na ubwoni bwetu, na u ku vugule kuva miyandu gyigyo.

Tsing'ano 16:4

Yahova u koli vindu vyosi ku bulaliri bwibwe Yee, kali avadamano ku lidiku lyobudamano.

Isaya 19:25

kigira Yahova wa mahe u va gasidzi, na a vola, Va gasidzwe Egepeti avandu vange, na Asuria miyinzi gyamakono gange, na Israeli miyandu gyange.

Isaya 45:7

Inze nomba ubulavu, nokukola kisundi; nda leta mirembe, na nda lomba bubi inze mbeye Yahova, wa kola vindu yivi vyosi.

Isaya 47:4

Umu tungiri wetu, Yahova wa mahe ni lieta lilye, Mutakatifu wa Israeli.

Isaya 47:6

Nda vihirirwa avandu vange, nda vika ubudamano ku miyandu gyange, nda va vika mmu kono gugwo; ive wa vula kuvavererera; na wa vika inira yoyo ku vasakulu nobuliduhu ligali.

Isaya 51:15

Kigira inze mbeye Yahova Nyasaye wowo, u goyanyanga inyanza, kuduka viguvuli vyayo vi bume: lieta lilye li veye Yahova wa mahe.

Isaya 54:5

Kigira Mulombi wowo a veye musatsa wowo; Yahova wa mahe ni lieta lilye: Mutakatifu wa Israeli a veye Mutu ngiri wowo; a la langwa Nyasaye welirova lyosi.

Jeremia 10:12

Uyu ya lomba kivala nobunyali bwibwe, ya dinyeridza lirova nobugeeri bwibwe, na ya vambula ligulu nelimanya lilye.

Jeremia 10:6

Si ha veye nowundi kuli ive, O Yahova; u veye munene, na lieta lilyo li veye linene mu tsingulu.

Jeremia 31:35

Yahova, u hedzanga avandu liuva kuva ubulavu inyinga yombasu, namalago gomweli nagetsing'ering'ani kuva ubulavu inyinga yobudiku, u duvulanga inyanza, kuduka viguvuli vyayo vi luumanga: Yahova wa mahe ni lieta lilye: a vola ndi,

Jeremia 32:18

ive u verereranga tsielfu netsielfu, nokutungidza ubwoni bwavadada ku viritu vyavana vavo inyima wavo: u veye munene, Nyasaye Wanyala Vyosi, Yahova wa mahe nilyo lieta lilye;

Jeremia 33:2

Yahova u kolanga inkuva yiyi, uyu Yahova wa gi lomba, a duke kugidinyeridza; Yahova nilyo lieta lilye: a vola,

Jeremia 46:18

Kuli inze mbeye mwoyo, Mwami a vola, welieta lilye li veye Yahova wa mahe, ligali kuli liva lya Taboru mu vigulu, kandi kuli liva lya Karimeli himbi nenyanza, ni ndiyo uyu a lidza.

Jeremia 50:34

Mutungi wavo nowetsingulu; Ya hova wa mahe ni lieta lilye: uyu a la vera makuva gavo ligali, a duke kusosidza lirova, nokunyangidza yavo ava menyanga mu Babuloni.

Jeremia 51:19

Kidieli kya Yakobo si ki veye kuli kyavyo; kigira uyu a veye mulombi wevindu vyosi; Israeli i veye ihiri yemiyandu gyigye: Yahova wa mahe nilyo lieta lilye.

Lisyoma lya Jeremia 3:24

Yahova a veye kidieli kyange mwoyo gwange gu vola, kigira yaga nda suuvira kuye.

Amosi 4:13

Kigira, henza, uyu wa lomba vigulu, nokulomba imbuudza, nokutivulira mundu ga a ganagana: u kolanga mugamba kugwa kisundi, nokuduvaga ha diguluku helirova Yahova, Nyasaye wa mahe, li veye lieta lilye.

Zekaria 2:12

Na Yahova a la nyola Yuda kuva miyandu gyigye, kidieli kikye mu kivala kitakatifu, kandi a la tovola Yerusalemi.

Kwidzulitsa 32:9

Kigira kidieli kya Yahova ki veye avandu veve; Yakobo a veye kidieli kyemiyandu gyigye.