Jeremia 10:10 - KITABU KITAKATIFU

¹⁰ Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 10:10 ပူးပေါင်းရင်းမြစ်များ

Litanga 21:33

Na Abrahamu ya simika muvinde mu Beer-sheba, na yanira lieta lya Yahova, Nyasaye Wemihiga nemihiga.

1 Avami 18:39

Na vandu yavo vosi lwa va lola yago, va gwa mammama: ni va vola, Yahova a veye Nyasaye; Yahova a veye Nyasaye.

1 Avami 8:60

avandu vosi velirova va duke kumanya Yahova a veye Nyasaye; si ha veye nowundi.

1 Kyetsinyinga 29:11

O Yahova, vi veye vivyo tsingulu, nobunyali, nobukumi, neliguuta, nobwami: kigira vyosi vi veye migulu nomu lirova ni vivyo; ubwami bu veye bubwo O Yahova, ive u kuminyeywi kuva mutwe ku vindu vyosi.

2 Kyetsinyinga 15:3

Kigira kuduka inyinga ntambi Israeli ya li vutswa bugira Nyasaye weligali, na bugira musalisi wokwegidza, na bu gira lilaga:

Ayubu 9:6

U sung'usanga lirova li twule ho bugono bwalyo, Tsitiru tsyalyo tsi degeranga

Zaburi 10:16

Yahova a veye Mwami mihiga nemihiga: Tsihiri tsyosi tsi fweye mu kivala kikye.

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Zaburi 100:5

Kigira Yahova a veye mulahitsimbabasi tsyobuyanzi tsitsye tsi veye tsyemihiga nemihiga, Nobusuuvirifu bwibwe bu dukanga ku makula gosi

Zaburi 104:32

U henza lirova na li degera; Ya dira vigulu na vi vuya mwoki.

Zaburi 114:7

U degere, ive lirova, mmoni mwo Mwami Imbiri wa Nyasaye wa Yakobo

Zaburi 145:13

Ubwami bubwo bu veye ubwami bwemihiga nemihiga, Na lyameha lilyo li dukanga ku makula gosi.

Zaburi 146:6

Uyu wa lomba liguhl na lirova, Inyanza, na vyosi vi veye muyo; Uyu u lindanga ageligali mihiga nemihiga;

Zaburi 18:7

Hene yaho lirova lya degera nokudengeya; Imise gyevigulu kandi gya degera Kya degera, kigira ya li nobutima.

Zaburi 29:10

Yahova yikala kuli Mwami ku lizulira lyamadzi; Yee, Yahova yikalanga kuli Mwami mihiga nemihiga.

Zaburi 31:5

Mbika mwoyo gwange mmukonogugwo: Ive u ntungiye, O Yahova, ive Nyasaye weligali.

Zaburi 42:2

Mwoyo gwange gu veye nobuluhu ku Nyasaye, ku Nyasaye u veye mwoyo: Nda duka kuloleka imbiri wa Nyasaye inyinga ki?

Zaburi 68:11

Mwami a haana makuva: Avakali ava ga landidza va veye kiduma kinene.

Zaburi 68:8

Lirova lya degera, Kandi ligulu lya tonyatonya imbula imbiri wa Nyasaye: Kali Sinai kila kya degera imbiri wa Nyasaye, Nyasaye wa Israeli.

Zaburi 74:12

Navutswa Nyasaye a veye Mwami wange wa kale, A kolanga ubuhonnyi hagati helirova.

Zaburi 76:7

Ive, na ive weng'ine, u veye we] itibwa; Na ibwaha u nyala kusingira imbiri wowo lwa u vihirirwa?

Zaburi 76:8

Kutwula migulu wa kola likalaga kuhulirwa; Lirova lya tia, na lya kiring'ana

Zaburi 77:18

Mwoyo gwenkupa yoyo gwa li mukihudzudzi; Tsimpeni tsya hemahema mu lirova: Lirova lya degera, nokudengeya.

Zaburi 84:2

Mwoyo gwange gu kayirwa, yee, kali gu kudza ku lyenya lihema lya Yahova; Mwoyo gwange na mubiri gwange gu liranga ku Nyasaye weli vamwoyo.

Zaburi 9:8

Naye a la kalagira avelirova mu bulungi, Na a la kalagira avandu mu bulungi.

Zaburi 90:11

Ibwaha u manya tsingulu tsyobutima bubwo Kandi ubutima bubwo kuli litibwa li dukana nive?

Zaburi 90:2

Lwa vigulu vi kikiri kulombwa, Kinga lwa u kikiri kulomba lirova na vyomulirova Kutwula mihiga nemihiga, kuduka mihiga nemihiga, ive u veye Nyasaye.

Zaburi 93:2

Intebe yoyo yobwami i singeridzeywi kutwula kale: Ive u veye ho mihiga nemihiga.

Zaburi 97:4

Luheni lwilwe lwa hema mu lirova: Lirova lya lola ni li degera.

Isaya 37:17

U tegidze gutu gugwo, O Yahova, u hulire; u kunule tsimoni tsitsyo, O Yahova, u lole; u hulire makuva yaga gosi aga Senakeribu, wa tuma avatumwa kunyega Nyasaye u veye mwoyo.

Isaya 37:4

Namusia Yahova Nyasaye wowo a la hulira makuva ga Rabi shake, womwami wa Asuria munene wewe ya tuma a duke kunyega Nyasaye u veye mwoyo, nokugondokira amakuva aga Yahova Nyasaye wowo u huliye: kunangwa, kigira yaga u gingire avatigaye lisaala lilyo.

Isaya 40:15

Henza, tsihiri tsi veye kuli ingerageridza yamadzi mu isiongo, na tsi validzangwa kuva kuli akagukyi ka huudzangwa ku tsiratili: henza, a ginganga visulu kuli akandu vutswa.

Isaya 40:28

U kikiri kumanya? U kikiri kuhulira? Nyasaye wemihiga nemihiga, Yahova, Mulombi wetsintulu tsyelirova, si a kudzanga mwoyo, kandi si a luhanga; limanya lilye si liderangwa.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 65:16

kuduka ga la va uyu wegasidza mwene mu lirova a legasidza mu Nyasaye wageligali; na uyu wesuha mu lirova, a lesuha ku Nyasaye wageligali; kigira vivi vya kale vi mali kwivirirwa, kandi kigira vi viseywi ku tsimoni tsyange.

Jeremia 23:36

Na musigo gwa Yahova si mu la gu volera kandi: kigira sa mulala likuva lilye mwene li la va musigo gwigwe; kigira mu mali kukyaminya amakuva ga Nyasaye u veye mwoyo, amakuva ga Yahova wa mahe, Nyasaye wetu.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Jeremia 4:24

Nda lola vigulu, henza, vya degera, notu gulu twosi twa tumatuma.

Jeremia 50:46

Kigira muliviti gweligumirwa lya Babuloni lirova li degera, nelilira lyalyo li hulirwa mu tsihiri yitsyo.

Jeremia 51:29

Kivala ki degeranga, na ki veye nelitsunwa; kigira lisaavira lya Yahova lya saavira ku Babuloni li singiranga, kukola kivala kya Babuloni kuva vutswa, ki ta li nomundu u menya mukyo.

Danyeli 4:3

Vilolekidzu vivye vi veye vinene ndi kandi ageligenya gege ga veye netsingulu ndi ubwami bwibwe bu veye bwemihiga nemihiga, kandi ubunene bwibwe bu lolekanga ku makula namakula.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Danyeli 6:27

a honyanga nokusola, na a kola vilolekidzu, nevyokugenya mu ligulu nomu lirova, wa honnya Danyeli mu tsingulu tsyeving'ang'a.

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Joeli 2:11

Na Yahova a vola nomwoyo gwigwe imbiri welihe lilye; kigira hokusosa hehe na hanene; kigira a veye netsingulu u kolanga likuva lilye; kigira lidiku lya Yahova li veye linene nelyokutihidza; ibwaha u nyala kwikudzera kulyo?

Mika 1:4

Kandi vigulu vi la yinguka isi wewe, na mavona ga latanywa, kuli masang'asa imbiri womuliru, kuli amadzi ga sundulwa ku yongovera ku kisulungutu.

Nahum 1:5

Vigulu vi degera imbiri wewe, na tugulu tu yenguka; na lirova li gingangwa igulu mbiri wewe, yee, lirova na vosi va menyanga mulyo.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Habakuk 3:10

Viguli vya ku lola, na vya tia; Kihi kyamadzi kya vita; Luliva lwa ginga mwoyo gwalwo, Nokuginga makono galwo igulu.

Habakuk 3:6

Ya singira, na a gera lirova; Ya henza, na a salannya tsihiri; Vigulu vyemihiga nemihiga va salannywa kandi; Tugulu twemihiga nemihiga twinaminya mitwe gyatwo; Tsing'endo tsitsye tsya li kuli tsya kale.

Malaki 3:2

Navutswa ni bwaha u nyala kumenya mu lidiku lyelidza lilye? Kandi ni bwaha u nyala kusingi ra lwa uyu a loleka? Kigira a veye kuli muliru gwo muhenzeridzi wefatha, ka ndi kuli isabuni yomwogidzi wetsingubu:

Matayo 16:16

Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

Matayo 26:63

Navutswa Yesu ya kiring'ana. Musalisi munene ya mu volera, Nkwisuhidza Nyasaye weliva mwoyo u ku volere ive niye Kristo, Mwana wa Nyasaye.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Kwidzulitsa 5:26

Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

Vahebraina 10:31

Li veye likuva lyokutihidza kugwa mu makono ga Nyasaye welivamwoyo.

Joshua 3:10

Na Joshua ya vola, Ku yaga mu la manya Nyasaye a veye mwoyo a veye hagati henyu, kandi uyu si a li vula kukunga nokutwulidza imbiri wenyu Vakanan, na Vahiti, na Vahivi, na Vaperizi, na Vagirigashi, na Vaamori, na Vajebusi.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.

Vakalagi 5:4

Yahova, lwa ive u twula mu Seiru, Lwa u genda kutwula mu mulimi gwa Edom Lirova lya degera, neligulu lya tonyatonya, Yee, malesi ga tonya amadzi.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:36

Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.