Jeremia 1:9 - KITABU KITAKATIFU

⁹ Hene yaho nonoho Yahova ya nyira mukono gwigwe nokudira munwa gwange; Yahova ya mbolera, Henza, mbikanga makuva gange mrnunwa gugwo:

Jeremia 1:9 ပူးပေါင်းရင်းမြစ်များ

Isaya 49:2

na ya kola munwa gwange kuva kuli kivavi kyogi; ya mbisa mu kiriri kyomukono gwigwe, u nkoli kuva kivu kya siywa; u mbisi ligali mu imodia yeye:

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Isaya 51:16

Na mbiki makuva gange mu munwa gugwo, na nku kingi nekiriri kyomukono gwange, nduke kusi mika ligulu, nokutema muse gweli rova yili, nokuvolera Zioni, Ive u veye avandu vange.

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Jeremia 15:19

Kigira yaga Yahova a vola, Nu u va ni wirana, hene yaho inze nda ku leta kandi, u duke kusingira imbiri wange; nu u va nu u twulidza kyobuguli budinyu mu ki veye kidamano, u la va kuli munwa gwange: va lirana ku ive, navutswa ive u la vula kwirana kuvo.

Jeremia 34:6

Hene yaho muprofeti Jeremia ya volera Zedekia mwami wa Yuda makuva yaga gosi ha Yerusalemi,

Jeremia 36:2

Vugula lilinga lyekitabu, na u ng'ode mukyo makuva yaga gosi aga nda ku volera ku Israeli, noku Yuda, noku tsihiri tsyosi, kutwula ku lidiku lya nda ku volera, kutwula ku madiku ga Josia, kali kuduka lero.

Jeremia 5:14

Kunangwa kigira yaga Yahova, Nyasaye wa mahe, a vola ndi, Kigira mu vola likuva yili, henza, nda kola makuva gange mu munwa gugwo kuva muliru, navandu yava va la va tsinku, na muliru zana gu la va samba.

Ezekieli 3:10

Kandi ya mbolera, Ive mwana womundu, makuva gange yaga gosi aga nku volera u ga vike mu mwoyo gugwo, nokugahulira namatu gogo.

Danyeli 10:10

Na henza, mukono gwa ndira, nokunsingeridza ku malu gange noku vigalo vya makono gange.

Danyeli 10:16

Na henza mulala wa fwana avana va avandu ya dira minwa gyange: ma nda kunula munwa gwange, nokuvolera uyu wa singira imbiri wange, O mwami wange, kigira lilola, liverera lyange lirani ku inze, na si mbeye netsingulu kandi mba.

Livalidza 23:5

Na Yahova ya vika likuva mu munwa gwa Balaam, na vola, Wirane ku Balaki, na u vole makuva yaga na yaga.

Matayo 10:19

Navutswa lwa va li mu gumira, mu ta henda myoyo mba aga mu li tivula kinga aga mu li vola: kigira ku isaa yeyo mu la ka hebwe aga mu li vola.

Marko 7:33

Ya mu twulidza mu vandu na a mu hila ha luvega galaha, na a vika videte vivye mu matu gege na a tudza amate na a dira ku luiimi lulwe;

Luka 12:12

kigira Roho Mutakatifu a la mwegidza mu isaa zana aga li mu dukira kuvola.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Kwidzulitsa 18:16

kuli ku gosi aga wenya ku Yahova Nyasaye wowo lidiku lyelivugana mu Horebu, lwa wa vola, Nta hulira kandi mwoyo ti gwa Yahova Nyasaye wange, kandi nta lola kandi muliru munene yigu, gase nda kudza.

Kwidzulitsa 18:17

Yahova ya mbolera, aka va volanga yaga va volanga bulahi.

Kwidzulitsa 18:18

Nda va singeridzira mprofeti hagati ha vamwavo vavo, a veye kuli ive; na nda vika amakuva gange mmunwa gwigwe, na a la va volera gosi aga nda mu laga.