Jeremia 1:8 - KITABU KITAKATIFU

⁸ U ta tia mba kigira yavo; kigira inze mbeye halala nive kukuhonnya, Yahova a vola.

Jeremia 1:8 ပူးပေါင်းရင်းမြစ်များ

Kutwula 3:12

Naye ya vola, Ligali nda va halala na ive; na yili li la va lilolekidza ku ive, nku tumi: lwa u li mala kutwulidza avandu mu Egepeti mu la tumekira Nyasaye mu kigulu yiki.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 51:7

Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

Jeremia 1:17

Ku nangwa ive webohe kikenge kikyo, u vuke, na u va volere gosi aga nku laga: u ta henda mwoyo mmoni mwavo, gase nda ku hendidza mmoni mwavo.

Jeremia 1:19

Va la lwana nive; navutswa si va la ku guuta mba: kigira inze mbeye halala nive kukuhonnya, Yahova a vola.

Jeremia 20:11

Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Jeremia 39:11

Ma Nebukadirezaru mwami wa Babuloni ya laga Nebuzaradan munyampara wavalindi ku makuva ga Jeremia, na a mu volera,

Jeremia 42:11

Mu ta tia mwami wa Babuloni mba, wa mu tidzanga; mu ta mu tia mba, Yahova a vola: kigira inze mbeye halala nemwi nye kumuhonnya, nokumutwulidza ku mukono gwigwe.

Danyeli 3:17

Ni ga va ni ga veye ndiyo, Nyasaye wetu wa ku tumekira a nyala kukuhonnya mu kisambiru kyaakanga muliru ligali; naye a la ku honnya mu mukona gugwo, O mwami.

Danyeli 3:25

Ya tivula na a vola, Henza, ndola avandu vane avaboholole, va vodonkana hagati ho muliru, muliru si gu va diye mba; na ligondo lya uyu wa kane li fwanana nelyomwana wa vanyasaye.

Matayo 10:26

Kigira yaga mu ta va tia: kigira si ha veye nekya kunikwa, ki li vula kukunulwa; kinga kya viswa, ki li vula kumannywa.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Vikolwa 18:10

kigira mbeye nive halala, si ha veye nomundu u lidza ku ive kukwononnya: kigira mbeye navandu vanyingi mu lidala yili.

Vikolwa 26:17

ni nku honnya ku vandu noku Tsihiri, ava nku tuma kuvo,

Vikolwa 4:13

Lwa va lola ubuluviriri bwa Petro na Yohana, ni va va manya va veye avandu vatamanyi kandi va ta li avegidzwa, va genya; ni va va manya va li halala na Yesu.

Vikolwa 4:29

Kandi kalunu, Mwami, henza litihidza lyavo: u he avatugwa vovo va vole likuva lilyo nobuluviriri bwosi,

Vafeso 6:20

ya mbeye mutumwa wayo mu libofwa neminyororo, nduke kuvola mu nobuluviriri kuli ga ndukira kuvola.

Kwidzulitsa 31:6

Mu ve avagulu navaluviriri, mu ta va nobutii, kandi mu ta va tia: kigira Yahova Nyasaye wowo, niye u tsitsanga halala nive; si a la ku gehera, kandi si a la ku leka mba.

Kwidzulitsa 31:8

Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.