Jeremia 1:19 - KITABU KITAKATIFU

¹⁹ Va la lwana nive; navutswa si va la ku guuta mba: kigira inze mbeye halala nive kukuhonnya, Yahova a vola.

Jeremia 1:19 ပူးပေါင်းရင်းမြစ်များ

Zaburi 129:2

Hali kanyingi va nkupidzi kivi kutwula lwa nkikiri mwana: Navutswa si va nguuti ligali mba.

Jeremia 1:18

Kigira, henza, nkoli ive lero kuva lidala lyolugaga, na itiru yekivya, namadigi gomugasa, ku kivala kyosi, ku avami va Yuda, ku vanene vakyo, ku vasalisi vakyo, noku yavo avamenyi vekivala.

Jeremia 1:8

U ta tia mba kigira yavo; kigira inze mbeye halala nive kukuhonnya, Yahova a vola.

Jeremia 11:19

Navu tswa nda li kuli mwana weligondi muhoma ligali, u hilangwa kutsia kwiitwa; na si nda manya va li ni va saaviye lisaavira ku inze, ni va rola, Ku dividze musala yigu halala namakuyu gagwo, ku mu kalage a twule mu kivala kya va veye mwoyo, lieta lilye li vule kwidzulitswa kandi.

Jeremia 11:21

Kigira yaga Yahova a vola ku makuva gavandu va Anathothu, yavo ave nyanga livamwoyo lilyo, ni va vola, Ive si u la profeta ku lieta lya Yahova, u vule kwiitwa namakono getu;

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Jeremia 2:1

Kandi likuva lya Yahova lya duka ku inze, kuvola,

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Jeremia 20:11

Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

Jeremia 26:8

Na ga duka, lwa Jeremia ya mala kuvola yaga gosi aga Yahova ya mu laga a volere avandu vosi; ma avasalisi navaprofeti, navandu vosi va gumira Jeremia, nokumuvolera Ive ligali u la kudza.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Jeremia 39:17

Navutswa nda honnya ive ku lidiku yilyo, Yahova a vola; na ive u la vula kuvikwa mu makono gavandu va u tidzanga.

Jeremia 42:11

Mu ta tia mwami wa Babuloni mba, wa mu tidzanga; mu ta mu tia mba, Yahova a vola: kigira inze mbeye halala nemwi nye kumuhonnya, nokumutwulidza ku mukono gwigwe.

Jeremia 46:28

Ive u ta tia mba, O Yakobo mutumekiri wange, Yahova a vola; kigira inze mbeye halala nive: kigira inze nda heridza ligali tsihiri yitsyo tsyosi tsya nda ku kunga kutsia mutsyo, navutswa si nda heridza ive mba, navutswa nda ku gondokera nelikalaga, kandi si nda ku leka bugira kukuha mageli kali hakuzu.

Danyeli 3:25

Ya tivula na a vola, Henza, ndola avandu vane avaboholole, va vodonkana hagati ho muliru, muliru si gu va diye mba; na ligondo lya uyu wa kane li fwanana nelyomwana wa vanyasaye.

Livalidza 14:9

Navutswa mu ta hing'ana na Yahova, kandi mu ta tia avandu vekivala; kigira va veye ubukima bwetu: na kiriri kyokukinga kyavo kya twulidzwa kuvo, na Yahova a veye halala na kwinye: mu ta va tia mba.

Vikolwa 26:17

ni nku honnya ku vandu noku Tsihiri, ava nku tuma kuvo,

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.