Jeremia 1:18 - KITABU KITAKATIFU

¹⁸ Kigira, henza, nkoli ive lero kuva lidala lyolugaga, na itiru yekivya, namadigi gomugasa, ku kivala kyosi, ku avami va Yuda, ku vanene vakyo, ku vasalisi vakyo, noku yavo avamenyi vekivala.

Jeremia 1:18 ပူးပေါင်းရင်းမြစ်များ

Isaya 50:7

Kigira Yahova Nyasaye a la nkonya; kigira yaga nda vula kuva isoni: kunangwa nda vika mmoni mwange kuli ligina lidinyu, na inze manya si nda nyola tsisoni.

Jeremia 1:17

Ku nangwa ive webohe kikenge kikyo, u vuke, na u va volere gosi aga nku laga: u ta henda mwoyo mmoni mwavo, gase nda ku hendidza mmoni mwavo.

Jeremia 1:19

Va la lwana nive; navutswa si va la ku guuta mba: kigira inze mbeye halala nive kukuhonnya, Yahova a vola.

Jeremia 15:10

Bayaye ku inze, O mama wange wa nzivula mundu wobutindi nomundu welihing'ana nelirova lyosi Inze si mbambidzanga kevete kunyola vyambeti, kandi avandu si va hambidzanga inze kunyola vyambeti; navulsua sa mulala kuvo va naamanga.

Jeremia 15:20

Nda kola ive u ve lidigi lyolugaga lwomugasa ku vandu yava; navo va la lwana nive, navutswa va la vula kukuguuta: kigira mbeye halala nive kukutungira nokukuhonnya, Yahova a vola.

Jeremia 20:11

Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

Jeremia 21:4

Yahova, Nyasaye wa Israeli, a ku volera, Henza, nda girunkannya vyuma vyobulwani vi veye mmakono genyu, vya mu lwaniranga nomwami wa Babuloni na Vakalidei ava mu kumbiridza kyova wa madigi getsingaga tsyenyu; nda va vungidza hagati helidala yili.

Jeremia 26:24

Navutswa mukono gwa Ahikam mwana wa Shafan gwa li halala na Jeremia, va vule kumbika mmakono gavandu kumwiita.

Jeremia 34:3

na ive si u la hona ku mukono gwigwe mba, navutswa u la gumirwa ligali, nokuvikwa mmukono gwigwe, na tsimoni tsitsye tsi la lola tsimoni tsyomwami wa Babuloni, naye a la volerana nive munwa nomunwa, na ive u la tsia Babuloni.

Jeremia 37:7

Yahova, Nyasaye wa Israeli a vola: Mwinye mu la volera mwami wa Yuda, wa mu tuma kuduka ku inze kuteva makuva yaga: Henza, lihe lya Farao, li twulanga li duka ku konya mwinye li lirana Egepeti mu kivala kyavo avene.

Jeremia 38:18

Naw tswa ive nu u va nu u sula kutwula kutsia ku vanene vomwami wa Babuloni, hene yaho lidala yili li la vikwa mmakono ga Vakalidei, navo va la li samba nomuliru, na ive si u la hona mmakono gavo mba.

Jeremia 38:2

Yahova a vola, Uyu u menyanga mu lidala yili a la kudza nekivavi, nenzala, nobulwaye; navutswa uyu u twulanga kutsia ku Vakalidei a la va mwoyo, na livamwoyo lilye li la va vilanye kuye, naye a la va mwoyo.

Jeremia 42:22

Kalunu kigira yaga mu manye ligali mu la kudza nekivavi, nenzala, nobulwaye, ha mwenya kutsia kumenya.

Jeremia 6:27

Inze nkoli ive u ve kitaradze na impinga hagati ha vandu vange; u duke kumanya nokugeridza inzira yavo.

Yohana 1:42

Ya mu hila ku Yesu. Yesu ya mu henza, na a vola, Ive Simoni mwana wa Yohana: u la gulikwa Kefa (litivula li veye Ligina).

Likunula 3:12

Uyu u guutanga nda mu kola itiru mu litempeli lya Nyasaye wange, kandi si a la tsia kyova kandi mba: kandi nda ng'oda kuye lieta lya Nyasaye wange, nelieta lyelidala lya Nyasaye wange, Yerusalemi lihya, liikanga kutwula migulu ku Nyasaye wange, kandi nda ng'oda kuye lieta lyange, inze mwene, lihya.