Jeremia 1:17 - KITABU KITAKATIFU

¹⁷ Ku nangwa ive webohe kikenge kikyo, u vuke, na u va volere gosi aga nku laga: u ta henda mwoyo mmoni mwavo, gase nda ku hendidza mmoni mwavo.

Jeremia 1:17 ပူးပေါင်းရင်းမြစ်များ

1 Avami 18:46

mukono gwa Yahova gwa li ku Elija; naye yeboha kikenge, ni yekolerera imbiri wa Ahabu kwingira mu Jezireeli.

2 Avami 1:15

Na ingelosi wa Yahova ya volera Elija, Sulunguta halala naye: u ta mu tia mba. Naye ya singira, na a sulunguta halala naye kuduka ku mwami.

2 Avami 4:29

Hene yaho ya volera Gehazi Webohe kikenge kikyo, u vugule impimbo yange mmukono gugwo, u tsie: nu u vugana nomundu ku inzira u ta mu chelidza mba; na a ku chelidza, u ta mu tivulira mba: u vike impimbo yange ku mumoni mwomwana.

2 Avami 9:1

Na Elisha muprofeti ya langa mulala ku avana vavaprofeti, na ya mu volera, Boha kikenge kikyo, u vugule kiseve kyamaguta mmukono gugwo, u tsie Ramothu-gileadi.

Ayubu 38:3

Webohe kikenge kikyo kuli mundu musatsa Kigira ndenya ku ive, na ive u mbolere.

Kutwula 3:12

Naye ya vola, Ligali nda va halala na ive; na yili li la va lilolekidza ku ive, nku tumi: lwa u li mala kutwulidza avandu mu Egepeti mu la tumekira Nyasaye mu kigulu yiki.

Kutwula 7:2

U la vola gosi aga nku laga; na Haruni amwavo wowo a ia volera Farao, a lakule avana va Israeli va twule mu kivala kikye.

Jeremia 1:18

Kigira, henza, nkoli ive lero kuva lidala lyolugaga, na itiru yekivya, namadigi gomugasa, ku kivala kyosi, ku avami va Yuda, ku vanene vakyo, ku vasalisi vakyo, noku yavo avamenyi vekivala.

Jeremia 17:18

Va ve isoni yavo ava dambidzanga inze, navutswa inze mbule kuva isoni; va timuke inkolo, navutswa inze mbule kutimuka inkolo; u lete kuvo lidiku lyobudamano, u va dividze lidividza hali kaviri.

Jeremia 23:28

Muprofeti u veye namaloto, a vole maloto gege; na uyu u veye nelikuva lyange, a vole likuva lyange nobusuuvirifu. Uluvuva lu veye ki kuvita ingano? Yahova a vola.

Jeremia 26:12

Ma Jeremia ya volera avanene navandu vosi, na a vola, Yahova ya ntuma nduke kuprofeta ku inyumba yiyi noku lidala yili makuva gosi ga mu huliye.

Jeremia 26:2

Yahova a vola: Singira mu mgidzi gwenyumba ya Yahova, na u volere amadala gosi ga Yuda, aga yavo avadza kusigamira mu inyumba ya Yahova, u va volere makuva yaga gosi aga nkulaganga; u tigalira likuva kali lilala.

Jeremia 36:8

Ma Baruku mwana wa Neria ya kola kuli gosi agomprofeti Jeremia ya mu laga, na a soma mu kitabu makuva ga Yahova mu inyumba ya Yahova.

Lisyoma lya Jeremia 3:57

Wesunda ku inze ku lidiku lya nda kwanira; na wa mbolera, U ta tia mba.

Jona 3:2

Vuka, u tsie Nineve, lidala yilyo linene, na wilwadze kulyo lilwadza lya nku laga.

Luka 12:35

Vikenge vyenyu vi bofwe, kandi tsitaya tsyenyu tsyaake;

Vikolwa 20:20

kuli wa nda vula kuvaasa amakuva kumuvolera gosi aga nyala kumukonya, ni mmwegidza imbiri wavandu vosi, kandi inyumba nenyumba,

Vikolwa 20:27

Kigira si nda vaasa amakuva kumuvolera ubusaaviri bwosi bwa Nyasaye.

1 Vakorintho 9:16

Kigira kali ni nzilwadza ivangeli, si mbeye nago kwiidzominya; kigira mbikeywi linigwa; kigira ubudamano bu veye ku inze ni mbula kwilwadza ivangeli.

1 Vatesalonike 2:2

navutswa lwekivi kya ku gwira ku matsyambiri nokukolerwa ubudamano mu Filipi, kuli wa mu manya, kwa luvirira mu Nyasaye wetu kumuvolera ivangeli ya Nyasaye mu buhandalali ubunene.

1 Petro 1:13

Kigira yaga mu bohe vikenge vyemyoyo gyenyu, mu ve nobugeeri, mu vike lisuuvira lyenyu ligali ku tsimbabasi tsya mu li leterwa mu lilang'aminywa lya Yesu Kristo;