Jeremia 1:16 - KITABU KITAKATIFU

¹⁶ Na inze nda vola likalaga lyange lyosi kuvo ku makuva gobukyamu bwavo bwosi, kigira va ndeki, na va vuyidza vimuli ku vanyasaye vandi, nokusigamira miyi nzi gyamakono gavo avene.

Jeremia 1:16 ပူးပေါင်းရင်းမြစ်များ

2 Avami 22:17

Kigira va leka inze, na va vuyidza vimuli ku vanyasaye vandi, va duke kumbihiriridza nemiyinzi gyosi gyamakono gavo; kigira yaga ubutima bwange bu laaka hano, nabwo si bu la siminywa mba.

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

2 Kyetsinyinga 28:2

navutswa ya genda mu tsinzira tsyavami va Israeli, ya lombera Vabaal vifwananyi vyokwelonga.

2 Kyetsinyinga 34:25

Kigira va ndeka, nokuvuyidza vimuli ku vanyasaye vandi, va duke kumbihiriridza nemi yinzi gyosi gyamakono gavo; kigira yaga ubutima bwange bu tsukwa hano, bu la vula kusiminywa.

2 Kyetsinyinga 7:19

Navutswa ni mu girunkana, nokuleka lilagana lyange na malago gange aga mbiki imbiri wenyu, ni mu tsia kutumekira avanyasaye ava ndi, nokuvasigamira;

Isaya 2:8

Kivala kyavo kizuye vifwananyi vyokusiga mirwa; va sigamiranga miyinzi gyamakono gavo avene, vindu vyevidete vyavo vi lombi avene.

Isaya 37:19

nokusyuva vanyasaye vavo mmuliru: kigira si va veye avanyasaye, navutswa va veye miyinzi gya makono gavandu, misala na magina; kigira yaga va va dividzi.

Isaya 44:15

Kunangwa gu la va ku mundu kuguvika mmuliru; na a vugula kugwo, noku gwota; yee, a gwaadukidzanga noku lugira ubukima; yee, a lomba munya saye, na a mu sigamira; a ki lomba kifwananyi kyokuvadzwa, nokugwa imbiri wakyo.

Isaya 65:3

va veye avandu mbihiridzanga kazozo imbiri wetsimoni tsyange, ava haananga vihaanwa mu milimi gyavo, nokuvuyidza vimuli ku matafali,

Jeremia 10:15

Vi veye vya vutswa, miyinzi gyobugotidzi: inyinga yelidukirwa lyavo vi la diva.

Jeremia 10:3

Kigira miima gyavandu ni gya vutswa: kigira mu lala a tema musala mu mulitu, gyi veye miyinzi gyamakono gomusidza nembadzi.

Jeremia 11:12

Hene yaho madala ga Yuda na ava menyanga Yerusalemi va la tsia nokwanira ku vanyasaye vavo ava va vuyidziranga vimuli: navutswa si va la va honnya mba ku inyinga yekivi kyavo.

Jeremia 11:17

Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 16:11

Hene yaho u la va volera, Yahova a vola, Kigira avaguga venyu va ndeki, nokulonda avanyasaye vandi, nokuvatumekira, nokuvasigamira, nokuleka inze, va vule kugumira lilaga lyange;

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Jeremia 18:15

Kigira avandu vange va nziviriye, va vuyidzi vimuli ku vya vutswa; na vikigitalidzangwa mu tsinzira tsyavo, nokugenda mu tsinzira tsya haluvega, ku inzira ya vula kulombwa;

Jeremia 19:4

Kigira va leka inze, nokukola hano ha vule kumanyakana, va vuyidza vimuli hano ku vanyasaye vandi, ava va ta manya, avene kinga vaguga vavo, kinga avami va Yuda, va mali kwizulitsa hano amasahi aga yava ava ta li nekindu kuvo,

Jeremia 2:13

Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 2:28

Navutswa avanyasaye vovo va wa lomba va veye haliha? Va vuke, ni va va ni va nyala kukuhonnya inyinga yekivi kikyo: kigira avanyasaye vovo livalidzwa lyavo li leng'ana nelivali dzwa lyamadala gogo, O Yuda.

Jeremia 4:12

imbuudza yizula i twulanga hadi guluku i ladza kigira inze: kalunu nda vola likalaga kuvo.

Jeremia 4:28

Kigira vindu yivi lirova li la syoma neligulu li la va limwamu; kigira mboye yaga, nsaaviye, si nzeganiye, si ndirana inyima ku inkuva yiyi.

Jeremia 44:17

Navutswa ligali kwinye ku la dukidza likuva sa lilala li twulanga mu minwa gyetu, kuvuyidzira mwami wekikali womi gulu vimuli, nokumutsukira vihaanwa vyevyokunwa, kuli kwa kola, kwinye na vaguga vetu, navami vetu, navane ne vetu, mu madala ga Yuda, nomu mahasi ga Yerusalemi; kigira inyinga yeyo kwa li nevyokulia vinyingi, kandi kwa li nobulamu bwetu, na si kwa lola budamano.

Jeremia 5:29

Si ga ndukira kuvanza kisalya ku vindu kuli yivi? Yahova a vola; mwoyo gwange si gu levanzira kisalya ku ihiri kuli yiyi?

Jeremia 5:9

Si ga ndukira kuvanza kisalya ku vindu kuli yivi? Yahova a vola; mwoyo gwange si ndevanzira kisalya ku ihiri i veye kuli yiyi?

Jeremia 51:17

Mundu sa mulala u gwiye kuli inyama bugira limanya; mutuuli wethahabu sa mulala u leganyewi nekiiwananyi kikye; kigira kifwananyi kikye kyokwelonga ki veye bubehi, si vi veye nomwika muvyo.

Jeremia 7:17

Ive si u lola aga va kolanga mmadala ga Yuda nokutsinzira tsya Yerusalemi?

Jeremia 7:18

Avana ka tenyanga tsinku, na vadada vavo va fwananga muliru, navakali va luganga ubukima, va duke kulombera mwami wekikali womigulu mikati, nokutsuka vihaanwa vyokunwa ku vanyasaye vandi, va duke kumbihiriridza.

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Ezekieli 16:18

na wa vugula tsingubo tsitsyo tsyobung'olang'ole nokufuma yavo, namaguta gange nevimuli vyange wa vika imbiri wavo

Ezekieli 24:14

Inze, Yahova, mmali kuvola: ga la va na inze nda ga kola; si ndirana inyima, kandi si nda vererera, kandi si ndeganira; kuli tsinzira tsitsyo, kuli vikolwa vivyo, ni ndiyo va la ku kalagira, Mwami Nyasaye a vola.

Hosea 11:2

Kuli vaprofeti va va langa, ni ndiyo va kira kutwula kuvo: ni va lomba vi haanwa vya Vabaal, ni va vuyidza vimuli ku vifwananyi vya vadzwa.

Hosea 8:6

Kigira kali mu Israeli inkuva yiyi i twulanga kuye; musidza ya ki lomba, si ki veye Nyasaye mba; yee, kimoli kya Samaria ki la vunannywa vidonye.

Joeli 2:11

Na Yahova a vola nomwoyo gwigwe imbiri welihe lilye; kigira hokusosa hehe na hanene; kigira a veye netsingulu u kolanga likuva lilye; kigira lidiku lya Yahova li veye linene nelyokutihidza; ibwaha u nyala kwikudzera kulyo?

Vikolwa 7:41

Kandi mu madiku yago va lomba kifwananywi kyekimoli, ni va leta isadaka ku musambwa, ni va sangala ku miyinzi gyemikono gyavo.

Kwidzulitsa 28:20

Yahova a la leta ku ive vilaamo, nekivi, nelihebwa mageli, mu vyosi vya u vika ku mukono gugwo kukola, u luhe u dive, nokugota bwangu; kigira ubudamano bwelikola lilyo, lyagira ni u ndeka.

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

Joshua 24:20

Ni mu va ni mu leka Yahova, nokutumekira avanyasaye avageni, hene yaho a la girunkana nokumukolera budamano, nokumudividza, inyima wa ya mu kolera ubulahi.

Likunula 9:20

Kandi avandu ava tigaye, ava vula kwiitwa namaduywa zana, si veganira ku miyinzi gyamakono gavo va vule kusigamira amademone nemisambwa gyethahabu, negyefetha, negyomugasa, negyeligina, negyemisala; gya vula kunyala kulola, nokuhulira, nokugenda: