Jeremia 1:13 - KITABU KITAKATIFU

¹³ Na likuva lya Yahova li duka ku inze hali kaviri, kuvola, U lola ki? Na inze nda vola, Ndolanga inyingu yamadzi ga tavagiranga; na mumoni mwayo mu henza ku luvega lwa kasikasini.

Jeremia 1:13 ပူးပေါင်းရင်းမြစ်များ

Litanga 41:32

Kandi ku maloto ga Farao ya lotidzwa hali kaviri, ga veye kigira inkuva yiyi Nyasaye u gi singeridzi, na Nyasaye a la gi leta bwangu.

Isaya 55:11

ni ndiyo likuva lyange li la va li twulanga munwa gwange: si li lirana ku inze lyere, navutswa li la dukidza aga nyenyanga, na li la gasidzwa mu inkuva ya nda li tuma ku.

Jeremia 24:3

Hene yaho Yahova ya nteva, U hla ki, Jeremia? Na inze nda vola, Ndolanga makuyu; makuyu malahi, malahi ligali; na madamano kandi madamano ligali, aga vula kulibwa ku liva lya ga veye amadamano ligali.

Ezekieli 11:3

ava volanga, Inyinga yelyombaka tsinyumba si i veye ahimbi mba: lidala yili li veye inyingu yokudeka, na kwinye ku veye inyama.

Ezekieli 11:7

Kigira yaga, Mwami Nyasaye a vola: Aviitwa venyu ava mwa vika hasi hagati halyo, yavo va veye inyama, nelidala yili li veye inyingu yokudeka; navutswa mwinye mu la letwa kyova kutwula hagati halyo.

Ezekieli 12:28

Kigira yaga u va volere, Mwami Nyasaye a vola ndi: Amakuva gange ga la vula kulindagira kandi, navutswa likuva lya ndi vola li la dukidzwa, Mwami Nyasaye a vola.

Amosi 8:2

Naye ya vola, Amosi, u lola ki? Na inze nda vola, Ndola kihinda kyamakuyu genyinga yoluya. Hene yaho Yahova ya mbolera, Avandu vange Israeli, kiheri kyavo ki duki kuvo; si nda va leka kandi mba.

Zekaria 4:2

Naye ya nteva, U lola ki? Na nda vola, Ndoli, henza, kinara kyetaya, kyosi kyethahabu, halala na ludavo ku isonga yakyo, na tsitaya tsitano na tsiviri kukyo; na tsitaya tsya li ne vidundu vitano na viviri vyokule ta maguta, vya li kukyo;