Isaya 9:6 - KITABU KITAKATIFU

⁶ Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Isaya 9:6 ပူးပေါင်းရင်းမြစ်များ

2 Samweli 7:13

Uyu a lombakira lieta lyange inyumba, na nda dinyeridza intebe yobwami bwibwe mihiga nemihiga.

2 Samweli 7:16

Nenyumba yoyo nobwami bubwo vi la dinyeridzwa mihiga nemihiga imbiri wowo: nentebe yoyo yobwami i la dinye ridzwa mihiga nemihiga.

1 Avami 10:9

A gasidzwe Yahova Nyasaye wowo, wa ku yanza, na ya ku vika ku intebe yobwami ya Israeli: kigira Yahova ya yanza Israeli kazozo, kigira yaga ya kola ive u ve mwami, kukola likalaga nobulungi.

1 Avami 2:33

Na ndiyo amasahi gavo ga lirana ku Joabu, ku mutwe gwigwe noku mutwe Rwevisukululwi vivye mihiga nemihiga: navutswa ku Daudi nevisukululwi vivye, nenyumba yeye, noku intebe yobwami bwibwe, gyi la va mirembe mihiga nemihiga kutwula ku Yahova.

1 Avami 2:45

Navutswa mwami Solomoni a la gasidzwa, nentebe yobwami ya Daudi i la dinyeridzwa imbiri wa Yahova mihiga nemihiga.

Nehemia 9:32

Kunangwa kalunu, O Nyasaye wetu, munene, nowetsingulu, Nya saye wokutibidza, u gumiranga lila gana netsimbabasi, kivi kyosi kya gwira kuinye, navami vetu, navanene vetu, navasalisi vetu, navaprofeti vetu, navaguga vetu, navandu vovo vosi, kutwula ku tsinyinga tsyavami va Asuria, kuduka lero, ki ta loleka kuva kikekeke, kivi zana imbiri wowo.

Zaburi 45:3

Webohe kivavi kikyo ku kikenge kikyo, O ive wetsingulu, Na ubukumi bubwo na ubunene bubwo.

Zaburi 45:6

Intebe yoyo yobwami, O Nyasaye, i hindiraga mihiga nemihiga: Impimbo yobulungi i veye impimbo yobwami bubwo.

Zaburi 45:7

Ive u yanzi ubulungi, nokudunyira ubudamano: Kigira yaga, Nyasaye, Nyasaye wowo, u ku vaki Maguta gobuyanzi kuvita avakye vovo.

Zaburi 50:1

Nyasaye, Wanyala Vyosi, kah Yahova, u voye, Nokulanga lirova kutwula ku litonga lyeliuva nokuduka ku liyera lyalyo.

Zaburi 72:17

Lieta lilye li hindira mihiga nemihiga; Lieta lilye li la hongera kuva kuli liuva: Na avandu va la gasidzwa muye; Tsihiri tsyosi tsi la mu goha mugasu.

Zaburi 72:3

Vigulu vi la letera avandu mirembe, Kandi tugulu, mu bulungi.

Zaburi 72:7

Mu madiku gege avalungi va la gasidzwa, Na mirembe minyingi kuduka mweli gu fweye.

Zaburi 85:10

Tsimbabasi na ageligali vi vugani halala; Ubulungi na mirembe vi busani.

Zaburi 89:5

Magulu ga lidzominya vyokugenya vivyo, O Yahova; Na ubusuuvirifu buhwo mu livugana lyavatakatifu.

Tsing'ano 8:23

Inze nda singeridzwa kale, mu litanga, Lwa lirova li kikiri kuva ho.

Isaya 10:21

Avati gala va lirana, navo na vatigala va Yakobo, va lirana ku Nyasaye Wa nyala Vyosi.

Isaya 11:5

Musipi gwomulwena lwilwe gu la va ubulungi, nomusipi gwekikenge kikye gu la va ubusuuvirifu.

Isaya 16:5

Na intebe vobwami i la dinyeridzwa mu tsimba basi; nomulala a likala ku intebe yeyo mu geligali, mu lihema lya Daudi, kukola likalaga, nokwenya bulungi mwangu wokukola ubulungi.

Isaya 26:12

Yahova, ive u la laga mirembe ku kwinye; kigira ni ive wa ku kolera miyinzi gyetu gyosi.

Isaya 26:3

Ive u la mu linda a ve mu mirembe midukiru, wetsiganagani tsitsye tsya dinyeridzwa ku ive; kigira a suuviranga ku ive.

Isaya 28:29

Yaga kandi ga twula ku Yahova wa mahe, a veye wa makuva wobugenyi, nowobulahi mu ubugeeri.

Isaya 32:1

Henza, umwami a lameha mu bulungi, navanene va lameha nelikalaga.

Isaya 37:32

Kigira li la va ho litigala li twula Yerusalemi, na va hona kutwula kigulu kya Zioni: Lididikana lya Yahova wa mahe li la kola yaga.

Isaya 53:10

Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Isaya 53:2

Kigira ya viruka imbiri wewe kuli kya simikwa kidoto, na kuli imiri gi sibukanga mu kivala kyumu: si a veye neligondo kinga bulahi; na lwa ku mu lola, si a veye nobulahi kwinye ku duke kumukayirwa.

Isaya 53:5

Navutswa ya tumitwa kigira ubwoni bwetu, na ya kindukira budamano bwetu; nelikuywa lyemirembe gyetu lya gwa kuye, ku tsinkavaala tsitsye kwinye ku honnywa.

Isaya 63:16

Kigira ive u veye Dada wetu, kali Abrahamu na a vula kukumanya, na Israeli na a vula kukubugirira: ive, O Yahova, u veye Dada wetu; Mutungiri wetu kutwula mihiga nemi higa li veye lieta lilyo.

Isaya 66:12

Kigira Yahova a vola ndi, Henza, nda meda kuye mirembe kuli mugera, nobukumi bwa vetsihiri kuli mugera gwizuye: na mu la nuna kugwo; mu la hagatwa, nokukinywa ku magulu.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Isaya 8:18

Henza, inze navana va Yahova ya mba ku ve vilolekidza nevyokugenya mu Israeli vi twulanga ku Yahova wa mahe, u menyanga mkigulu kya Zioni.

Jeremia 31:22

U la voyavoya kuduka inyinga ki, O mukana wirana inyima? Kigira Yahova u lombi inkuva impya mu lirova: Mukali a kinga musatsa.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Haggai 2:9

Ubukumi bwe kiheri kyenyumba yiyi, bu la va ubunene kuvita bwokutanga, Yahova wa mahe a vola; na nda va ha mirembe ha zana, Yahova wa mahe a vola.

Matayo 1:1

Kitabu kya makula ga Yesu Kristo, mwana wa Daudi, mwana wa Abrahamu.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 2:11

kigira lero Muho nnyi wenyu naye a veye Kristo Mwami, wivuleywi mu lidala lya Daudi.

Luka 2:14

Ubukumi bu ve igulu migulu ku Nyasaye. Nemirembe ku kivala ku vandu ava ya yanza.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:16

Nu ku bwizuli bwibwe kwinye kwosi ku nyoye netsimbabasi ku tsimbabasi.

Yohana 14:27

Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Vikolwa 10:36

Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

Varumi 9:5

na vaguga va veye vavo, avn Kristo ya twula kuvo ku lugano lwomubiri, u veye igulu ku vyosi, Nyasaye u veye nobugasu mihiga nemihiga. Amini.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

1 Vakorintho 15:25

Kigira ga mu dukira yamehe a luhe a duke kuvika avasigu veve vosi isi wetsinduvatiru tsitsye.

2 Vakorintho 5:19

kuli Nyasaye ya li mu Kristo na a leta avomkivala kuhambana naye, si a validza lihyola lyavo kuvo, na a vika ku kwinye likuva lyokuhambannya.

Kwidzulitsa 10:17

Kigira Yahova Nyasaye wenyu, niye Nyasaye wa avanyasaye, nomwami wavami, Nyasaye munene, wetsingulu, nelitihidza, u vulanga kuhenza liloleka lyavandu, kinga kuvugula vikukula.

Vakolosai 2:3

wobutugi bwosi bwobugeeri nobwelimanya bu viseywi mu.

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Tito 2:13

ku henzerere lisuuviridzwa lyobugasu, nelilang'ama lyobukumi bwa Nyasaye munene no Muhonnyi wetu Yesu Kristo;

Vahebraina 1:8

Navutswa ku Mwana a vola, Intebe yoyo, O Nyasaye, i veye yemihiga nemihiga; Kandi impimbo yobulungi nempimbo yobwami bubwo.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

Likunula 19:16

Kandi a veye nelieta li ng'odeywi ku ingubo yeye nokwitango lilye, MWAMI WAVAMI NOMUNENE WAVANENE.

Vakalagi 13:18

Ingelosi wa Yahova ya mu volera, Kigira ki untevanga lieta lyange, kali li veye lyokugenya?