Isaya 9:4 - KITABU KITAKATIFU

⁴ Kigira ive u mali kuvu nannya inira yomusigo gwigwe, nomu digiru gwomivega lilye, nempimbo ya uyu u dambidzanga, kuli ku lidiku lya Midiani.

Isaya 9:4 ပူးပေါင်းရင်းမြစ်များ

Litanga 27:40

U la hindira nekivavi kikyo, na u la tumekira amwavo wowo; Na ga la duka, lwa u li twula kuye, U la vunanya inira yeye ku ligoti lilyo.

Zaburi 125:3

Kigira impimbo yobudamano si i la menya ku kidieli kyavalungi; Avalungi va vule kunyira makono gavo ku ubukyamu.

Zaburi 81:6

Nda twulidza livega lilye ku musigo: Makono gege ga twulidzwa ku kihinda.

Isaya 10:16

Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

Isaya 10:5

O ive Muasuria, u veye impimbo yobutima bwange, mundu wekivihiri kyange ki veye mukono gugwo

Isaya 14:25

nda vunannya Muasuria mu kivala kyange, nda mu duvagira isi wevirenge mu vigulu vyange: kunangwa inira yeye i la twula kuvo, nemisigo gyigye gyi la twula ku ma vega gavo.

Isaya 16:4

U leke avandu vange va kungwa va menye halala nive; ku makuva ga Moabu, u ve kyokwivisa mu kuye imbiri wetsimoni tsya uyu u dividzanga. Kigira uyu u tungidzanga budinyu u mali kudividzwa, lidividzwa li heri, avadambidzi va divi va twuli mu kivala.

Isaya 47:6

Nda vihirirwa avandu vange, nda vika ubudamano ku miyandu gyange, nda va vika mmu kono gugwo; ive wa vula kuvavererera; na wa vika inira yoyo ku vasakulu nobuliduhu ligali.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 51:13

nokwivirira Ya hova Mulombi wowo, uyu waala ligulu, nokutema lirova muse; na u tidzanga kazozo mbasu bei kigira ubululu bwomudambidzi, lwa yete geka kwononnya? Ubululu bwomuda mbidzi bu veye haliha?

Isaya 52:2

Weyeye ulugukyi; vuka, wikale, O Yerusalemi: weboholole viboheru vivyo migoti lilyo, O mwana wa Zioni, mukana wa li muhambe.

Isaya 54:14

U la dinyeridzwa mu bulungi: u la va ihale ku lidambidza, kigira si u la tia mba; na ihale ku litihidza, kigira li la vula kwisunda himbi ku ive.

Isaya 9:5

Kigira vyuma vyosi vyavasatsa veyavalanga vyuma mu muliviti, netsingubo tsiinwa mma sahi, vi la va vyelisambwa, nokuva tsinku tsyokuvikwa mnuliru.

Jeremia 30:8

Na ga la duka mu lidiku yilyo, Yahova wa mahe a vola, Nda wnannya inira i twule ku ligoti lilyo, nevibohero vyayo nda vi kalannya: navageni si va la mu kola kuva mutugwa wavo kandi mba;

Jeremia 48:17

Mwinye vosi ava mu kumbiridzanga, mu mu lirire, kandi mwinye vosi ava manyi lieta lilye; mu vola, O ya vunika kuli ndi impimbo yetsingulu, impimbo indahi

Kyavalevi 26:13

Inze mbeye Yahova Nyasaye wenyu, wa mu twulidza mu kivala kya Egepeti, mu vule kuva avatugwa vavo; na mmali kuvunanya misala gya inira yenyu, nokumusingeridza mu gende bulungi.

Nahum 1:13

Na kalunu nda vunannya inira yeye i twule ku ive, na nda kalannya vibohero vivyo.