Isaya 9:3 - KITABU KITAKATIFU

³ Ive u medi tsihiri u medi ubusangali bwavo: va sangala imbiri wowo kuli lisangala lyeligesa, kuli lisangala lyavasatsa mu ligavula vilanye.

Isaya 9:3 ပူးပေါင်းရင်းမြစ်များ

Nehemia 9:23

Avana vavo wa va meda livalidzwa lyavo kuli tsing'ering'ana tsyomigulu, na wa va leta nokuvavika mu kivala yikyo, kya wa volera avaguga wavo amakuva gakyo, va lingira nokukyameha.

Ayubu 12:23

A medanga tsihiri, kandi a tsi dividza: A lagalaridzanga tsihiri, kandi a tsi hila mbuhambe.

Zaburi 107:38

A va gasidza kandi kuduka va medeka ligali; Kandi si a leka mitugu gyavo ku gehidzwa.

Zaburi 119:162

Nsangalira likuva lilyo Kuli uyu a nyola vilanye vinyingi.

Zaburi 4:7

U viki ubusangali mu mwoyo gwange, Ubu vita bwa yavo inyinga ubuswage bwavo na iwaini yavo vya medeka.

Isaya 10:26

Kandi Yahova wa mahe a la vukidza liduywa kuye, kuli ya kola mu liitwa lya Mi diani ha lwanda lwa Orebu: nempi mbo yeye i la va igulu ku inyanza, na a la gi gingira kuli miima gya Egepeti.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 14:5

Yahova ya vunannya midigiru gya vadamano, impimbo yobwami ya yavo avamehanga;

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 26:15

Ive wa meda ihiri, O Yahova, wa meda ihiri; ive u kuminywa; wa nenehidza tsinzako tsyosi tsyekivala.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 35:2

Ki la lavidza ubulavidzu bunyingi, ki la sangala kuduka litsantsalika nokwimba; ki la hebwa ubukumi bwa Lebanon, ubulahi bwa Karimeli na Sharon: va la lola ubukumi bwa Yahova, ubunene bwa Nyasaye wetu.

Isaya 54:1

Yimba, ive mugumba, na ive wa vula kuvereka; leta lwimbu, wimbe, kupa lwanga ligali, ive wa vula kuva nelilumwa lyelivula: kigira avana va uyu mugalang'atani va veye avanyingi kuvita avomukali wa hilwa, Yahova a vola.

Isaya 55:12

Kigira mu la twula nobuyanzi, nokwimirirwa nemirembe: vigulu notugulu vi laleta tsinyimbu nokwimba imbiri wenyu, nemisala gyosi gyommilimi gyi la kong'onda mikono.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 61:7

Mbugono bwetsisoni tsyenyu mu la nyola hali kaviri; na mbugono bwelidambidzwa va la sangala mu kidieli kyavo: kigira yaga mu kivala kyavo va la nyola hali kaviri; kuvo li la va lisangala lyemihiga nemihiga.

Isaya 65:14

henza avatumekiri vange va limba kigira ubuyanzi bwemyoyo, navutswa mwinye mu l la lira kigira liverera lyomwoyo muinye mu la kupa tsikwili kigira ubululu bwemyoyo gyenyu.

Isaya 65:18

Navutswa mu ve nobuyanzi mu sangale madiku gosi mu vya nombanga; kigira, henza, nombanga Yerusalemi li ve lisangala, navandu veve kuva ubuyanzi.

Isaya 66:10

Mu sangala halala na Yerusalemi, muyanzi kulyo, mwinye vosi va mu yanza: mu sangale nobuyanzi halala nalyo, mwosi ava syomanga kulyo;

Jeremia 31:7

Kigira Yahova a vola ndi, Mwimbire Yakobo nobusangali, mu gingire umunene wetsihiri tsyosi mwoyo: mu landidze makuva, mwidzominye, mu vole, O Yahova u honnye avandu vovo, litigala lya Israeli.

Hosea 4:7

Kuli limedeka lyavo, ni ndiyo kandi mahyolo gavo ku inze ga leng'ana nalyo: nda girunkannya ubukumi bwavo bu duke kuva tsisoni.

Kyavalevi 26:13

Inze mbeye Yahova Nyasaye wenyu, wa mu twulidza mu kivala kya Egepeti, mu vule kuva avatugwa vavo; na mmali kuvunanya misala gya inira yenyu, nokumusingeridza mu gende bulungi.

Zekaria 10:8

Nda va langira, nokuvavungidza; kigira mba tungiye; navo va la medeka kuli va medeki.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Zekaria 8:23

Yahova wa mahe a vola: Mu madiku yago ga la duka, avandu likumi va la gumira, mu vandu vetsinimi tsyosi tsyetsihiri, va la gumira ingubo ya uyu u veye Muyuda nokuvola, Ku la genda halala nive, kigira ku huliye kuli Nyasaye a veye halala na mwinye.

Luka 11:22

navutswa wundi wa mu sira tsingulu lwa a duka na a mu guuta, a mu nyaga vyuma vivye vyosi vya a lemera mwoyo, a la gavannya vilanye vivye.

Vikolwa 8:8

Ma bwa li ubuyanzi ubunene mu lidala yilyo.

Vafilipi 4:4

Mu sangale mu Mwami kazozo: kandi nda vola, Mu sangale.

1 Petro 1:8

Wa mu yanza kali ni mu ta mu lola; wa mu suuvira kalunu, kali ni mu ta mu lola, nokusangala nobusangali obu ta volwa, nobwizula ubukumi:

Vakalagi 5:3

Mu hulire, O mwinye avami; mu tegidze amatu, O mwinye avanene; Inze, yee inze, ndimbira Yahova; Inze ndimbira Yahova lidzominywa, Nyasaye wa Israeli.

Vakalagi 7:22

Va kupa visiliva tsimia tsivaka, na Yahova ya kola kivavi kyomundu sa mulala kuva ku wakye, noku lihe lyosi: nelihe liruka kuduka Beth-shita ku luvega lwa Zerera, kuduka ku lwako lwa Abelimehola, himbi Tabathu.

Vakalagi 8:12

Na Zeba na Zalimuna viruka; naye ya va londerera; na a gumira avami vaviri va Midiani, Zeba na Zalimuna, naye ya tihidza lihe yili lyosi.

1 Samweli 30:16

Na lwa ya mu sulugutidza henza, va salanywa ku kivala kyosi, ni va lia ni va nwa, nokukina, kigira vilanye vyosi vinene vya va vugula kutwula mu kivala kya Vafilisiti, nokutwula mu kivala kya Yuda.