Isaya 9:21 - KITABU KITAKATIFU

²¹ Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:21 ပူးပေါင်းရင်းမြစ်များ

2 Avami 15:30

Hoshea mwana wa Ela ya kola bwebaali ku Peka mwana wa Remalia, na ya mu kuya, na a mwiita, ni yameha mbugono bwibwe, mu muhiga gwa kola makumi gaviri gwelyameha lya Jotham mwana wa Uzia.

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 11:13

Imbodoka ya Efiraim i la twula, na yavo ava tindira Yuda va la twulidzwa: Efiraim si va la kendekera Yuda, na Yuda si va la tindira Efiraim.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 8:21

Va la vita hagati havyo, ni va tameywi, ni va veye nenzala, kandi ga la va, lwa va la va nenzala, va la vihirirwa, na va laama ku mwami wavo noku Nyasaye wavo, nokuginga tsimoni tsyavo ku henza igulu:

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 13:14

Nda va duyannya, kali avadada navana halala, Yahova a vola: na si nda vererera kandi si nda lekera, kandi si nda va netsimbabasi, kuduka ndeke kuvadividza.

Jeremia 4:8

Kigira yaga webohe ingubo yeli gunia, u syome, nokukupa tsikwili kigira ubutima bululu bwa Yahova bu vuli kwiranywa kutwula ku kwinye.

Zekaria 11:14

Ma nda vunannya vihiru viviri impimbo yange ya kaviri, ya langwa Viboheru, nduke kwononnya ubumitu bwa li hagati ha Yuda na israeli.

Matayo 24:10

Hene yaho vanyingi va likigitala, kandi va la zamana avene, nokudunyirana.

Vagalatia 5:15

Navutswa ni mu lumana nokulitsana avene navene, mwelinde gase mu la malirana avene navene.

Vakalagi 7:2

Na Yahova ya volera Gideon, Avandu va veye halala nive va veye vanyingi ligali, inze si nyala kuvika Vamidiani mmakono gavo, gase Israeli va legingira ku inze, nokuvola, Mukono gwange mwene gwa mbonnya.

1 Samweli 14:20

Na Saulo navandu vosi va li halala naye va vugana halala, kutsia ku lihe: na henza, kivavi kya mundu sa mulala kya li ku wakye, na ha li nekivihiri kinene ligali.