Isaya 9:20 - KITABU KITAKATIFU

²⁰ Na mulala a la nuula ku luvega lwomukono mulungi, na a la va nenzala; a la lia ku luvega lwomukono mmosi, na a la vula kwiguta: mundu sa mulala a la lia inyama yomukono gwigwe mwene:

Isaya 9:20 ပူးပေါင်းရင်းမြစ်များ

Kohelethu 4:5

Musiru yeku mbereranga, na yelitsanga mwene.

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 14:30

Na wokutanga kwivulwa womudaka a la lia vyokulia, nomudambi a la gona hasi nemirembe; na ndiita kitinya kikyo nenzala, nelitigala lilyo li liitwa.

Isaya 3:1

Kigira, henza, Yahova, Yahova wamahe, a twulidzanga mudigiru nempimbo mu Yerusalemi nomu Buyuda, mudigiru gwosi gwobukima, nempimbo yosi yamadzi;

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 51:19

Vindu yivi vyombi vi ku gwiye; ni bwaha u li vererera ive? Lyeseganwa nobwo neku, nenzala, nekivavi; nda ku lemi nya mwoyo kuli ndi?

Isaya 8:21

Va la vita hagati havyo, ni va tameywi, ni va veye nenzala, kandi ga la va, lwa va la va nenzala, va la vihirirwa, na va laama ku mwami wavo noku Nyasaye wavo, nokuginga tsimoni tsyavo ku henza igulu:

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Jeremia 13:14

Nda va duyannya, kali avadada navana halala, Yahova a vola: na si nda vererera kandi si nda lekera, kandi si nda va netsimbabasi, kuduka ndeke kuvadividza.

Jeremia 19:9

Nda va niga va lie inyama yavana vavo vayai navakana; navo va la lia sa mulala inyama yomulina wewe, mu likumbiridzwa nomu lidambidzwa lyavasigu vavo va la kola, na lya yavo avenyanga liva mwoyo lyavo, va la va dambi dza.

Lisyoma lya Jeremia 4:10

Makono ga vakali avetsimbabasi ga deki avana vavo avene; Va li vyokulia vyavo mu budivi bwomukana wa avandu vange.

Mika 6:14

U la lia, navutswa u la vula kwiguta, noluhongo lu la va muunda mumwo: na u la vikwa haluvega na si u la hona; na kya u ginga nda ki haana ki ve ku kivavi.

Zekaria 11:9

Ma nda vola, Si ndaya mwinye kandi: u kudzanga, a kudze; na u twulidzangwa a twulidzwe; na va tigala va lie sa mulala inyama yomubiri gwa wakye.

Marko 3:24

Ubwami ni bwavukani bwene, ubwami yibwo si bu nyala kusingira.