Isaya 9:19 - KITABU KITAKATIFU

¹⁹ Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Isaya 9:19 ပူးပေါင်းရင်းမြစ်များ

Isaya 1:31

Navetsingulu va la va kuli livudze, nemiyinzi gyigye gyi la va kuli isese yomuliru; na vyombi vi laaka halala, na si ha la va na u nyala kuvisiminya.

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 13:13

Kigira yaga nda degeridza ligulu, nelirova yili li la sung'uswa li twule ha li vedzanga, mu ubutima bwa Yahova mu amahe, mu lidiku lyobutima bwibwe bululu.

Isaya 13:18

Buta buavo bu la vunannya avasoleli; na si va la vererera lwivulu lwenda; tsimoni tsyavo tsi la vula kuvererera avana.

Isaya 13:9

Henza, lidiku lya Yahova lidzanga, li la va nobululu, halala nobutima nevihi rirwa vilulu; kukola kivala kuva hatswa, nokwononnya avobwoni ava kyo va twule ku.

Isaya 24:6

Kigira yaga kilaamo ki liye lirova, na yavo avamenyanga kulyo va loleki kuva ne lihyolo: kigira yaga avamenyi mu lirova yili va hiye, ava tigaye va veye avakekeke

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 3:5

Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 4:4

lwa Yahova a mali kwogidza ubudamano bwavakana va Zioni, nokutwulidza amasahi ga Yerusalemi hagati halyo, na roho gwelikalaga bulungi, na roho gwelisamba.

Isaya 42:25

Kigira yaga ya tsuka kuye ubululu bwobu tima bwibwe, netsingulu tsyobulwani; navyo vya mu vikirira muliru tsi mbega tsyosi, navutswa si ya manya; na gwa mu samba, naye si ya vika ku mwoyo.

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Isaya 60:2

Kigira, henza, kisundi ki la kunika lirova, nekisundi kinene ki la kunika avetsihiri: navutswa Yahova a la kya ku ive, nobukumi bwibwe bu la loleka ku ive.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Ezekieli 20:47

u volere mulitu gwa Ku sini, Hulira likuva lya Yahova: Mwami Nyasaye a vola ndi, Henza, nda fwana muliru mu ive, na gu la samba misala gyosi mivisi mu ive na misala gyosi myumu: lumemo iwomuliru gwaakanga gu la vula ku siminywa, nommoni mwosi kutwula kusini kuduka kasikasini mu la sambwa nomuliru zana.

Ezekieli 9:5

Navandi ya va volera ni mbuliranga, Viti hagati helidala inyima wa uyu, na mu kuye: tsimoni tsyenyu tsi ta leka mba, kandi mu ta va netsimbabasi mba:

Joeli 2:2

lidiku lyekisundi, na lya isi idunyi, lidiku lyamalesi na kisundi kiliduhu, kuli isi i tanga kwayuka ku vigulu; Ii leta avandu avanene na avetsingulu; va kikiri kuva ho kuli yavo madiku gosi, kandi si va la va ho avenyima, kuduka ku mihiga gyevisukululwi vinyingi.

Joeli 2:3

Muliru gu sambanga imbiri wavo; na inyima wavo ulumemo lwomuliru lwaakanga: imbiri wavo kivala ki veye kuli mulimi gwa Edeni, na inyima wavo ki veye kyangalangwi; yee, si ha veye nowahona kuvo kali mulala.

Kyavalevi 26:26

Lwa ndi yononya vyokulia vyenyu, avakali likumi va la lugira ubukima bwenyu mu mahiga malala, na va la mu ha ubukima bwenyu ne ligera ku tsiratili: na mu la lagira, navutswa si mu liguta mba.

Amosi 5:18

O Bayaye ku mwinye ava mwenyanga lidiku lya Yahova Kigira ki mwenyanga lidiku lya Yahova? Li veye kisundi, si li veye ubulavu mba.

Obadia 1:18

Inyumba ya Yakobo i la va muliru, na inyumba ya Yosefa i la va lumemo, na inyumba ya Esau i la va luvuva, na va laaka hagati havo, nokuvasamba; si va la tigala mundu kali mulala mu inyumba ya Esau; kigira Yahova u mali kuvola likuva yili.

Mika 7:2

U veye mulungi u divi kutwula ku lirova, si ha veye nomulala u veye mulungi mu avandu: vosi va gonekanga ku tahidza masahi; sa mulala a himanga amwavo wewe nomuluvo.

Mika 7:6

Kigira mwana a legannyanga dada wewe, nomukana a singiranga kuhing'ana na mama wewe, nomwiha a hing'ananga na navizala wewe; avasigu vomundu va veye yavo avenyumba yeye mwene.

Zekaria 11:6

Kigira inze si nda vererera ava menyanga mu kivala yiki kandi mba, Yahova a vola: navutswa henza, nda va vika sa mulala mmukono gwomutende wewe, nommukono gwomwami wewe: na va la kuya kivala, na si nda va honnya kutwula mmakono gavo.

Zekaria 11:9

Ma nda vola, Si ndaya mwinye kandi: u kudzanga, a kudze; na u twulidzangwa a twulidzwe; na va tigala va lie sa mulala inyama yomubiri gwa wakye.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Matayo 27:45

Ma kutwula ku isaa yetsitanu nendala kya li kisundi mu kivala kyosi kuduka isaa yetsitanu na tsine.

Vikolwa 2:20

Liuva li la girunkanywa li gwe kisundi, Kandi mweli gu la girunkanywa gu gwe masahi Li kikiri kuduka lidiku lyo Mwami, Li veye linene nokumanyekana:

2 Petro 2:4

Kigira Nyasaye na a va ni ya vula kuvererera tsingelosi lwa vona, navutswa ya va ta mu gehena, nokuvavika mu bogo bwekisundi, va lindwe kuduke likalagirwa;