Isaya 9:18 - KITABU KITAKATIFU

¹⁸ Kigira ubudamano bu sambanga kuli muliru; bu sambanga luta vati namafwa; yee, bu sambanga maginga gommulitu, nabwo bu dumanga igulu mu malesi maliduhu go mwoki.

Isaya 9:18 ပူးပေါင်းရင်းမြစ်များ

1 Avami 16:21

Inyinga yeyo avandu va Israeli vavukana vidieli viviri: avoluvega lulala va londa Tibini mwana wa Ginathu, va duke kumukola mwami, na voluvega lundi va londa Omri.

Zaburi 37:20

Navutswa avadamano va la diva, Na avasigu va Yahova va la va kuli ubunolu bwelisaluluka no musembe: Va la hera, va la kamira mu mwoki.

Zaburi 68:2

Kuli mwoki gu hudzangwa, va hudzwe ndiyo: Kuli amasang'asa ga salulukanga ku muliru Na ndiyo avadamano va dive imbiri wa Nyasaye.

Zaburi 83:14

Kuli muliru gu sambanga mulitu Na kuli ulumemo lwaakidza vigulu,

Isaya 1:31

Navetsingulu va la va kuli livudze, nemiyinzi gyigye gyi la va kuli isese yomuliru; na vyombi vi laaka halala, na si ha la va na u nyala kuvisiminya.

Isaya 1:7

Kivala kyenyu ki veye king'anye; madala genyu ga sambeywi nomuliru; kivala kyenyu, avamenyi va ki lia imbiri wetsimoni tsyenyu, nakyo ki veye king'anye, kuli kya vamenyi va tung'aminya.

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 27:4

Ubutima bululu si bu veye mu inze: nkano lutavati na mafwa vya li ku inze mubulwani nkano nda ka salama kuvo, nokuvasambahalala.

Isaya 3:5

Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 33:12

Navandu va la va avahyu kuli choka, kuli amafwa ga temwa, ga sambangwa mmuliru.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 50:11

Henza, mwosi ava fwananga muliru, mwinye avebohanga netsimuli tsyomuliru; mu gende mu lumemo lwomuliru gwenyu, na hagati hetsimuli tsyomuliru gwa mwa fwana. Mu la nyola yivi ku mukono gwange; na mu la gona hasi nobuverereri.

Jeremia 9:3

Va hingiranga tsinimi tsyavo, kuli ubuta, va duke kuvola bubehi; va gwiye avetsingulu mu kivala, navutswa si ga li ku geligali mba: kigira va tsitsagil'langa kutwula ku budamano kuduka ku budamano, si va manya inze, Yahova a vola.

Hosea 13:3

Kigira yaga va la va kuli lilesi lyomugamba, na kuli lime li ka manga mabwebwe, kuli mukuudzi gwekihudzudzi ki hilanga ku lodze lwokuhuula ubuswage, na kuli mwoki mu butwuliru bwagwo.

Joeli 2:20

navutswa lihe yili lyoluvega lwa kasikasini, nda li kunga ihale ku mwinye, li la duke mu kivala kyumu ki veye kyere, kidieli kye imbiri kyalyo ki lingira mu inyanza yevugwe, na kidieli kye inyima ki lingira mu inyanza yemadioli; na ubugundu bwalyo bu la senuka, na lifunya lidamano lilyo li la senuka, kigira li koli miyinzi minene.

Joeli 2:3

Muliru gu sambanga imbiri wavo; na inyima wavo ulumemo lwomuliru lwaakanga: imbiri wavo kivala ki veye kuli mulimi gwa Edeni, na inyima wavo ki veye kyangalangwi; yee, si ha veye nowahona kuvo kali mulala.

Amosi 7:4

Mwami Nyasaye ya mbuulira yili: na, henza, Mwami Nyasaye ya langa kuhing'ana nomuliru; nagwo gwa samba luliva lunene, kandi gwenya kusamba kivala kyumu.

Obadia 1:18

Inyumba ya Yakobo i la va muliru, na inyumba ya Yosefa i la va lumemo, na inyumba ya Esau i la va luvuva, na va laaka hagati havo, nokuvasamba; si va la tigala mundu kali mulala mu inyumba ya Esau; kigira Yahova u mali kuvola likuva yili.

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Kwidzulitsa 32:22

Kigira muliru gu fwaneywi mbutima bwange, Gwakanga kuduka mu Kihadisi kyoluliva, Nagwo gu liye lirova halala nelimedeka lyalyo, Nokwadukidza muliru ku mise gyevigulu.

Vahebraina 6:8

navutswa ni li leta amafwa nolung'ereng'ani, li sulangwa kandi li veye himbi kulaamwa, lyekiheri kyalyo ki veye lisambwa.

Likunula 14:11

kandi mwoki gwekivi kyavo gu vuya kuduka mihiga nemihiga; kandi si va veye nelisosa mbasu nobudiku, ava sigamira inyama nekifwananyi kyayo, kandi ku vosi u bugirira kyokumanyirwa kyelieta lyayo.