Isaya 9:17 - KITABU KITAKATIFU

¹⁷ Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:17 ပူးပေါင်းရင်းမြစ်များ

Ayubu 15:34

Kigira kiduma kya ava ta tia Nyasaye ki la va kigumba, Na muliru gu la samba mahema gevikukula.

Zaburi 109:12

Ha ta va nomundu kumbererera; Kandi ha ta va navokuvererera avabisandu veve.

Zaburi 147:10

Si a yanzidzwa netsingulu tsyeparasi: Si a sangala ne virenge vyomundu.

Isaya 1:4

O ihiri yobwoni, avandu vedwika budamano, visukululwi vyavakoli vobudamano, avana ava kolanga agobwoneku va leki Yahova, va legi uyu Mutakatifu wa Israeli, veyahuye nokwirana inyima.

Isaya 10:2

kuduka kugiru nkanya mudaka a vule kunyola ubulungi bwibwe, nokutwulidza ubulungi bwavadaka va veye mu vandu vange, avakunzakali va duke kuva avaha mbe na va duke kukolaa vabisandu va ve vilanye

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 13:18

Buta buavo bu la vunannya avasoleli; na si va la vererera lwivulu lwenda; tsimoni tsyavo tsi la vula kuvererera avana.

Isaya 14:20

Ive si u la hambana navo mu litebwa mba, kigira wononnya kivala kikyo, wiiti avandu vovo; kisukululwi kya yavo ava kolanga ubudamano ki la vula kutalwa mihiga nemihiga.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Isaya 3:8

Kigira Yerusalemi li sambuywe, ne Buyuda bu gwiye; kigira tsinimi tsyavo nevikolwa vyavo vi hing'ana na Yahova, kuvihiriridza tsimoni tsyobukumi bwibwe.

Isaya 31:2

Navutswa uyu kandi a veye nobugeeri, na a la leta ubudamano, na a la vula kwirannya makuva gege, navutswa a la singira kuhing'ana nenyumba ya yavo ava kolanga buda mano, nokuhing'ana nelikonywa lyayavo ava kolanga budamano.

Isaya 31:3

Avaegepeti va veye avandu, si va veye Nyasaye; netsiparasi tsyavo tsi veye tsinyama, si tsi veye roho: Yahova lwa a nyira mukono gwigwe, uyu u konyanga a likigitala, na uyu u konyangwa a la gwa, va la heridzwa vombi halala.

Isaya 33:11

Mu la vereka mukudzi, mu livula luvuva; mwika gwenyu gu veye muliru gu la mu samba.

Isaya 33:12

Navandu va la va avahyu kuli choka, kuli amafwa ga temwa, ga sambangwa mmuliru.

Isaya 40:30

Kali avayai va la kudza myoyo, nokuluha, navasoleli va la gwa ligali:

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 62:5

K gira kuli musoleli a kwedzanga mukana, ni ndiyo avayai vovo va la kwa ive; na kuli woserereywi a sangaliranga umwiha, ni ndiyo Nyasaye wowo a la sangalira ive.

Isaya 65:19

Nda sangalira Yerusalemi, nda yanza mu avandu vange; mwoyo gwelisyoma si gu la hulirwa kandi mulyo mba, kinga mwoyo gwelilira.

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 18:21

Kunangwa kigira yaga haana avana yavo va lola inzala, u va haane va ve isi wetsingulu tsyekivavi; navakali vavo, avana va gote kuvo, navo va ve avakunzakali; na avasatsa vavo viitwe nelikudza, na vasoleli vavo vayai viitwe nekivavi mbulwani.

Jeremia 5:1

Mu nyagule yiyi na yiyi mu tsinzira tsya Yerusalemi, mu lole kalunu, nokumanya, nokwenya mu migidze gyalyo migalamu, nu u va nu u nyala kunyola musatsa mulala, na a va na a veye ho mulala u kolanga agobulungi, wenyanga ageligali; na inze nda sameha lidala yilyo.

Ezekieli 20:33

Kuli mbeye mwoyo, Mwami Nyasaye a vola, ligali inze nomukono gwobunyali, nomukono gwa nyirwa, nobutima bwa tsukwa, nda va mwami ku mwinye.

Amosi 4:10

Nda leta hagati henyu iplegi ku lugano lwa Egepeti: ndiita avasoleli venyu nekivavi, netsiparasi tsyenyu ntsi twulidzeywi ku mwinye; na nda kola lifunya lya hokusosa henyu kwa negira igulu nokwingira mu amolo ge nyu: navutswa si mu galuki ku inze, Yahova a vola.

Amosi 8:13

Mu lidiku yilyo avakana vagima avalahi na vavai va la kudza mwoyo kigira ubuluhu.

Mika 7:2

U veye mulungi u divi kutwula ku lirova, si ha veye nomulala u veye mulungi mu avandu: vosi va gonekanga ku tahidza masahi; sa mulala a himanga amwavo wewe nomuluvo.

Zekaria 9:17

Bu duka kuli ndi ubunene bwobugasu bwibwe na bu duka kuli ndi ubulahi bwibwe ubuswage bu la gasidza avayai, na iwaini impya i la gasidza avakana.

Matayo 12:34

Mwinye lwivulo lwetsinzoka avadamano mu nyala ndi kuvola bulahi? Kigira aga veye mmwoyo munwa gu la vola.

Matayo 16:3

Na mugamba, Isi i la dunya lero: kigira ligulu ni limugi nembula i mwaminya. Mu nyala kumanya weligulu li fwana; navutswa si mu nyala kumanya kyokulolekidzira kyetsinyinga.