Isaya 9:15 - KITABU KITAKATIFU

¹⁵ Na mukulundu na mundu wolu yali, uyu a veye mutwe; nomuprofeti wegidzanga makuva gobubehi, uyu a veye mukira.

Isaya 9:15 ပူးပေါင်းရင်းမြစ်များ

1 Avami 13:18

Na ye ya mu volera, Inze kandi mbeye muprofeti kuli ive; nengelosi ya mbo lera ku likuva lya Yahova, na a vola, U mwiranye halala nive mu inyumba yoyo, a duke kulagira nokunwa madzi. Navutswa ya mu volera bubehi.

Ayubu 22:8

Navutswa ku makuva gomuluviriri, ya li nelirova Nomundu woluyali, uyu ya menyamulyo.

Isaya 19:15

Egepeti si i la va nemiyinzi kali mulala, gyi nyala kukolwa nomutwe kinga mukira, kinga litu lyamakindu, kinga mmberam.

Isaya 23:9

Yahova wa mahe ya saavira, kwononnya luyai lwobukumi bwosi, nokulegannya avandu vobukumi mu lirova lyosi.

Isaya 28:15

Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

Isaya 28:17

Nda singeridza likalaga kuva ligera, nobulungi bu la singelidzua kuva iplum; na imbula vamagina i la hila kyokwivisa mu kyobubehi, namadzi ga lizulitsa kuvita hokwivisa.

Isaya 28:7

Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Isaya 29:10

Kigira Yahova u tsuki ku mwinye roho gwetsindolo tsinene, na u vakulidzi tsimoni tsyenyu avaproieti; na mitwe gyenyu, avaioli, u gyi kuniki.

Isaya 3:12

Makuva gava ndu vange, avana va va dambidza, na vakali vameha kuvo. O avandu vange, yavo ava kwimiriranga va ku kyaminyanga, va dividzanga inzira yetsinzira tsitsyo.

Isaya 3:5

Navandu va la dambidzwa, sa mulala nowakye, na sa mulala nomutende wewe: mwana a legingira imbiri womukulundu, nomu nyaaviru a legingira imbiri womma nyekanu.

Isaya 43:27

Guga wowo wokutanga ya kola ubwoni, navegidzi vovo va hyola ku inze.

Isaya 5:13

Kigira yaga avandu vange va lanywa kigira va daka limanya; navandu vavo avelimanyikana va kudza nenzala, navanyingi kuvo va kudzanga nobuluhu.

Isaya 59:3

Kigira makono genyu gononnyeywi namasahi, na videte vyenyu nobudamano; minwa gyenyu gyi vola bubehi, netsinimi tsyenyu tsi monyanga budamano.

Isaya 59:4

Si ha veve nomulala wenyanga mu ubulungi, kinga mulala waniranga mu ageligali: va suuvira vya vutswa, ni va vola bubehi; va vereka inda yekivi, nokwivula ubudamano.

Jeremia 23:32

Henza mbeye nobusigu ku yavo ava profetanga amaloto gobubehi, Yahova a vola nokugavola, nokwikigitalidza avandu vange na makuva gavo gobubehi; nelyegingira lyavo lya vutswa: navutswa inze si nda va tuma mba, kandi si nda va laga; kandi si va konya avandu yavo kali hakuzu mba, Yahova a vola.

Jeremia 23:9

Ku makuva gavaprofeti. Mwoyo gwange gwoneki mu inze, vigumba vyange vyosi vi degeranga; mbeye kuli umuhambiki, kuli mundu wa guutwa newaini, ga veye kigira Yahova, kandi kigira makuva gege matakatifu.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Lisyoma lya Jeremia 2:14

Avaprofeti vovo va ku loleye amalola, amalola ga vutswa na gobusiru; Navo va vula kuvimbula ubwoni bubwo, kuduka ku girunkannya lyadikidzwa lilyo, Navutswa va ku loleye busigu bwobugadi, na vivuni vye lyadikidzwa.

Ezekieli 13:19

Na mwinye mu lononnya inze hagati ha vandu vange kigira tsimpi tsyeshairi kandi kigira amadonye gobukima, kwiita myoyo gya yava ava ga ta dukira likudza, nokuhonnya myoyo gya yavo ava ga ta dukira kuva mwoyo, ku livehera avandu vange ava huliranga bubehi bwenyu.

Ezekieli 13:22

Kigira mu vereridza myoyo gyavalungi namakuva genyu gobubehi, ava inze nda vula kuvereridza; nokudinyeridza amakono gomudamano, a vule kwirana nokuleka inzira yeye indamano, nokuhona a ve mwoyo;

Hosea 9:8

Efiraim ya li mulindi halala na Nyasaye wange: ku makuva gomuprofeti, mutego gwomutegi wamanyonyi gu veye mu tsinzira tsitsye tsyosi, na busigu mu inyumba ya Nyasaye wewe.

Amosi 2:4

Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

Mika 3:5

Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.

Malaki 2:9

Kigira yaga mmali kukolera mwinye avokulegwa na vahanzahanza imbiri wa avandu vosi, kuli mwinye mwa vula kulinda tsinzira tsyange, navutswa mwa li nelyelidza ku vandu mu malago.

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

1 Samweli 9:6

Naye ya mu volera, Henza, mundu wa Nyasaye a veye mu lidala yili, naye a veye mundu welidzominywa; gosi ga uyu a volanga, ligali ga kolekanga: kalunu ku tsie yo; mbula a nyala kukuvolera kindu kyolugendo lwetu lwa ku tsitsanga mu.