Isaya 9:12 - KITABU KITAKATIFU

¹² Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Isaya 9:12 ပူးပေါင်းရင်းမြစ်များ

2 Avami 16:6

Inyinga yeyo Rezin mwami wa Siria ya galukidza lidala lya Elathu ku Siria, nokukunga Avayuda vosi va twula Elathu; na Vasiria va tsia Elathu, ni va menya yo kuduka lero.

2 Kyetsinyinga 28:18

Na Vafili siti kandi va twulira madala gekivala kyekireremu, na ga Yuda ku luvega lwa Kusini, na va vugula Beth shemeshi, na Aijalon, na Gederothu na Soko halala na tudala twalyo, na Timna halala na tudala twalyo, na Gimizo halala na tudala twalyo: na yavo ava menya mu.

Zaburi 79:7

Kigira va mali kumira Yakobo, Na va koli ubumenyo bwibwo kuva vutswa

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 11:14

Na va la buluka hasi nokuduka ku mavega ga Vafilisiti ku luvega lwemadioli; navo halala va lononnya avana vevugwe: va la nyira mukono gwavo ku Edom na Moabu; na vana va Amon va la va hulira.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 10:25

U tsuke ubutima bubwo ku tsihiri ava ta manya ive, noku bwiko ava vula kwanira lieta lilyo; kigira va lia Yakobo, yee, va mu lia nokumudividza ligali, na ubumenyo bwibwe va bu koli hatswa.

Jeremia 15:7

Mba sesi nekisesero mu viribwa vyekivala; mba nyagi avana vavo, nzononnyi avandu vange; navo va vuli kwirana nokuleka tsinzira tsyavo.

Jeremia 35:11

Navutswa ga duka, lwa Nebukadirezaru mwami wa Babuloni, lwa yanegira nokwingira mu kivala yiki kwa vola, Hamba, ku tsie Yerusalemi kigira ubutii bwelihe lya Vakalidei na kigira ubutii bwelihe lya Vasiria, ni ndiyo ku menya Yerusalemi.

Jeremia 4:8

Kigira yaga webohe ingubo yeli gunia, u syome, nokukupa tsikwili kigira ubutima bululu bwa Yahova bu vuli kwiranywa kutwula ku kwinye.

Ezekieli 16:27

Henza kigira yaga, mmali kunyira mukono gwange ku ive, na mmali kugehidza vyokulia vivyo vya madiku gosi, nokukuvika ku ubulaliri bwa yavo ava ku dunyira, avakana va Vafilisiti, ava veye netsisoni ku inzira yoyo yetsiganagani tsindamano.

Ezekieli 6:14

Na nda nyira mukono gwange kuvo, na nda kola kivala hatswa na kyanyi, kutwula mwigendanyama ku luvega lwa Dibila, nokuvita hokumenya havo hosi; na va la manya inze mbeye Yahova.

Hosea 7:10

Na uluyai lwa Israeli lu lolekidzanga imbiri wetsimoni tsitsye: navutswa va kikiri kwirana ku Yahova Nyasaye wavo, kandi si va mwenyanga, ku yaga gosi.

Amosi 4:10

Nda leta hagati henyu iplegi ku lugano lwa Egepeti: ndiita avasoleli venyu nekivavi, netsiparasi tsyenyu ntsi twulidzeywi ku mwinye; na nda kola lifunya lya hokusosa henyu kwa negira igulu nokwingira mu amolo ge nyu: navutswa si mu galuki ku inze, Yahova a vola.

Amosi 4:11

Avalala ku mwinye nda va tung'aminya, kuli lwa Nyasaye ya tung'aminya Sodoma na Gomora, na mwa duka kuva kuli isese ya vugulwa kutwulidzwa mmuliru gwaakanga: navutswa si mu galuki ku inze, Yahova a vola.

Amosi 4:6

Inze mmu heye ubusiye bwa amino mu madala genyu gosi, na ligeha lyobukima mu tsingo tsyenyu tsyosi; navutswa si mwirani ku inze, Yahova a vola.

Amosi 4:8

Kunangwa madala gaviri kinga gavaka ga tsia mu ligendagenda kutsia ku lidala lilala va duke kunwa amadzi, na si ga va duka mba: navutswa si mu galuki ku inze, Yahova a vola.

Amosi 4:9

Nda mu kuya nekimeyu noluguku: nobunyingi bwemilimi gyenyu na malimiru genyu gemizabibu nemisala genyu gyamakuyu na mizeituni ge nyu, ubutsiriri bwa lia: navutswa si mu galuki ku inze, Yahova a vola.

Zefania 1:6

na yavo avirana inyima ava leka kulonda Yahova; na yavo ava vula kulonda Yahova, kinga kumwenya.

Zefania 3:2

Si ya hulira mwoyo yigu; si ya bugirira kwegidzwa; si ya suuvira ku Yahova; si yisunda himbi ku Nyasaye wewe.

Kwidzulitsa 31:17

Hene yaho ubutima bwange bu laaka kuvo lidiku yilyo, na nda va leka, na nda visa mmoni mwange kuvo, va duke kumirwa, nobudamano bunyingi nekivi vi la duka kuvo, kuduka va vole lidiku yilyo, Ubudamano bunyingi yibu bu duki ku kwinye si ga veye kigira Nyasaye wetu si a veye hagati hetu?