Isaya 8:8 - KITABU KITAKATIFU

⁸ na ga la vita kwanegira nokwingira Buyuda na ga lizula nokuvita hagati; ga la duka kwigoti; na linyira lyetsimbaha tsitsye li lizula ubugalamu bwekivala kikyo, O Imanueli.

Isaya 8:8 ပူးပေါင်းရင်းမြစ်များ

2 Avami 17:3

Shalimanezeru mwami wa Asuria yanegira kulwana naye; na Hoshea ya gwa mutumekiri wewe, na ya mu hilira ubushutu.

2 Kyetsinyinga 12:4

Naye ya vugula madala getsingaga ga li ga Buyuda, na ya duka Yerusalemi.

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 30:28

mwika gwigwe gu yeye kuli mugera gwizuliranga, gu dukanga mwigoti, kusesa tsihiri nelisesa lyobudivi: nelijamu li kyaminyanga Ii la va mmunwa gyavandu.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Isaya 7:17

Yahova a la leta ku ive, noku avandu vovo, noku inyumba ya dada wowo, amadiku ga kikiri kuduka, kutwula ku lidiku lya Efiraim ya twula ku Yuda, kali mwami wa Asuria.

Isaya 8:10

Mu lomba makuva ha lala, na ga la kolwa kuva vutswa; mu vole likuva, na li la vula kusingira: kigira Nyasaye a veye halala ne kwinye.

Jeremia 47:2

Yahova a vola ndi: Henza, amadzi manyingi ga senukanga kutwula ku luvega lwa kasikasini, ga la gwa mugera gwokwizulira, na ga la kunika kivala nekindu sa kilala ki veye mu, lidala na vosi ava menya mulyo; avasatsa va la lira, na vosi ava menyanga mu kivala yikyo va la kupa tsikwili.

Jeremia 48:40

Kigira Yahova ya vola ndi: Henza, a la buluka kuli indidzu, na a nyira tsimbaha tsitsye ku Moabu.

Jeremia 51:42

Inyanza i duki ku Babuloni; u kunikeywi nobunyingi bweviguvuli vyayo.

Ezekieli 17:3

u vole, Mwami Nyasaye a vola ndi: Indidzu inene yetsimbaha tsinene na mabaha amatambi mu tsimbaha, yizula ama baha, agerangi lugano lugano, ya duka Lebanon, nokuvugula isonga yomutaragwa:

Ezekieli 26:19

Kigira Mwami Nyasaye a vola ndi: Lwa nda kola ive kuva lidala lya hatswa, kuli madala ga ta menyeywi navandu; lwa ndi leta ululiva ku ive, namadzi manene lwa ga ku kunika;

Danyeli 11:10

Na avana avayai veve va la lwana, kandi va la vugannya kiduma kinene kyamahe, aga li duka, nokusalama, nokuvita hagati; na va lirana nokulwana kuduka kali ku lugaga lwilwe.

Mika 1:9

Kigira tsing'oma tsitsye si tsi nyala kuhona; kigira ga duki kali Buyuda; ga duki ku kiribwa kyavandu vange, kali ku Yerusalemi.

Mika 5:5

Na mundu uyu a la va mirembe gyetu. Lwa Muasuria a lingira mu kivala kyetu, nokuduvaga mu tsinyumba tsyetu tsyobwami, hene yaho kulavukidza kuye avayi vatano na vaviri, navandu vanene vatano na vavaka.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.