Isaya 8:7 - KITABU KITAKATIFU

⁷ kunangwa kalunu, henza, Yahova a letanga kuduka kuvo amadzi go Mugera yigwo, ga veye netsingulu kandi manyingi, nago gu veye mwami wa Asuria nobukumi bwibwe bwosi: nago ga lanegira mu migera gyigye gyosi nokwizula kuvita luginga lwosi:

Isaya 8:7 ပူးပေါင်းရင်းမြစ်များ

Litanga 6:17

Kandi inze, henza, inze ndesanga amadzi manene ku lirova kudividza vyemibiri vyosi vi veye nomwika gwelivamwoyo muvyo vi twule isi weligulu; vyosi vi veye ku lirova vi la kudza.

2 Avami 19:32

Kunangwa Yahova a vola ku mwami wa Asuria, Si a lingira mu lidala yili, kandi si a la lasa yo mbano, kandi si a lisunda ku lidala yili nengavo, kandi si a la ku kola kitumi imbiri walyo.

Ezara 4:10

na avetsihiri tsindi tsya Osinapari munene wobukumi, ya leta, nokuvavika mu lidala lya Samaria, nomu vivala vindi vya tigala engereka wo Mugera, mirembe.

Zaburi 46:4

Gu veye ho mugera gwemigera gyagwo gyi yanzidzanga lidala lya Nyasaye, Hatakatifu ha mahema ga U Veye Igulu Ligali.

Zaburi 72:8

A lameha kutwula ku inyanza yiyi nokuduka ku yiyi Kandi kutwula ku Mugera kuduka ku kiheri kyelirova.

Isaya 10:16

Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

Isaya 10:5

O ive Muasuria, u veye impimbo yobutima bwange, mundu wekivihiri kyange ki veye mukono gugwo

Isaya 11:15

Yahova a la dividza mukono gwe nyanza ya Egepeti; noku imbuudza yeye i sambanga a la sung'usira mu kono gwigwe ku Mugera, na a la gu kuya nokugwavukannya gu ve migera gyitano ne gyiviri, nokuvaha lya mbuka nevirenge vi ta nyola amadzi.

Isaya 28:15

Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

Isaya 28:17

Nda singeridza likalaga kuva ligera, nobulungi bu la singelidzua kuva iplum; na imbula vamagina i la hila kyokwivisa mu kyobubehi, namadzi ga lizulitsa kuvita hokwivisa.

Isaya 28:2

Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Isaya 7:17

Yahova a la leta ku ive, noku avandu vovo, noku inyumba ya dada wowo, amadiku ga kikiri kuduka, kutwula ku lidiku lya Efiraim ya twula ku Yuda, kali mwami wa Asuria.

Isaya 7:20

Mu lidiku yilyo Yahova a la vega mutwe namaswa gevirenge, nolugembe lwa nyolirwa na madanyi, ulu veye ku luvega lwengereka lwa Mugera halala nomwami wa Asuriana lu la dividza tsinderu kandi.

Jeremia 47:2

Yahova a vola ndi: Henza, amadzi manyingi ga senukanga kutwula ku luvega lwa kasikasini, ga la gwa mugera gwokwizulira, na ga la kunika kivala nekindu sa kilala ki veye mu, lidala na vosi ava menya mulyo; avasatsa va la lira, na vosi ava menyanga mu kivala yikyo va la kupa tsikwili.

Jeremia 51:42

Inyanza i duki ku Babuloni; u kunikeywi nobunyingi bweviguvuli vyayo.

Ezekieli 26:19

Kigira Mwami Nyasaye a vola ndi: Lwa nda kola ive kuva lidala lya hatswa, kuli madala ga ta menyeywi navandu; lwa ndi leta ululiva ku ive, namadzi manene lwa ga ku kunika;

Danyeli 11:10

Na avana avayai veve va la lwana, kandi va la vugannya kiduma kinene kyamahe, aga li duka, nokusalama, nokuvita hagati; na va lirana nokulwana kuduka kali ku lugaga lwilwe.

Danyeli 11:22

Kandi avetsingulu tsinyingi kuvita va la guutwa imbiri wewe, na va la vunanywa; yee, kandi munene welilagana.

Danyeli 9:26

Kandi inyima wa masidza makumi gatano nelilala na tsisuvi tsiviri, uyu u vakeywi a la temannywa, na a la va bugira kindu: na avandu vomunene u liidza va lononnya lidala na hatakatifu; na kiheri kyalyo ki la va halala na amadzi manene, na kuduka ku kiheri ha la va nelihe; likola hatswa li saavirwa.

Amosi 8:8

Kivala si ki la degera kigira yaga, noku vosi u menyanga mukyo si a la syoma? Yee, ki la vuka kvosi kuli Mugera; na ki la lola ubudinyu nokugehera kandi, kuli Mugera gwa Egepeti.

Amosi 9:5

Kigira Yahova, Nyasaye wa mahe, uyu niye u diranga lirova ma li salaluka, na vosi va menyi mulyo va la syoma; na ki la vuka kyosi kuli Mugera, na ki la kama kandi, kuli Mugera gwa Egepeti;

Mika 1:9

Kigira tsing'oma tsitsye si tsi nyala kuhona; kigira ga duki kali Buyuda; ga duki ku kiribwa kyavandu vange, kali ku Yerusalemi.

Mika 5:4

Na a la singira nokwaya kyayo kikye netsingulu tsya Yahova, nobunene bwelieta lya Yahova Nyasaye wewe: na va la menya; kigira kalunu a la va munene kuduka ku viheri vyelirova.

Mika 5:5

Na mundu uyu a la va mirembe gyetu. Lwa Muasuria a lingira mu kivala kyetu, nokuduvaga mu tsinyumba tsyetu tsyobwami, hene yaho kulavukidza kuye avayi vatano na vaviri, navandu vanene vatano na vavaka.

Nahum 1:8

Navutswa a la heridza hango hehe ligali nolugaga lwa madzi, na a la londerera avasigu veve kuduka mkisundi.

Luka 6:48

A veye kuli mundu wombaka inyumba yeye, na a yava, ni yikidza hasi, na a vika muse ku lwanda. Kandi amadzi lwa gazula nomugera gwa kupa induta ku inyumba yeyo, si ya nyala kugidengeyidza: kigira ya li ni yombakwa bulahi.

Likunula 17:15

Kandi ya mbolera, Amadzi aga wa lola, howamalaya yikala, ga veye avandu, neviduma, netsihiri, netsinimi.