Isaya 8:6 - KITABU KITAKATIFU

⁶ Kigira avandu yava va suye amadzi ga Shiloa aga genda galaha, na va sangalira Rezin nomwana wa Remalia;

Isaya 8:6 ပူးပေါင်းရင်းမြစ်များ

1 Avami 7:16

Na a lomba mitwe gyomugasa gwa salulwa, gyokuvikwa ku tsisonga igulu tsye tsitiru: ubutambi bwomutwe mulala bwa li neligera lyamakono gatano, nobutambi bwomutwe gundi bwa li neligera lyamakono gatano.

Nehemia 3:15

Na Shalun mwana wa Kolihoze, wa li mwamehi wa Mizipa, ya digu lula kiribwa kyekidaho; ya kyo mbaka, nokukikunika, nokusingeridza miliango gyakyo, nemiluguyu gyakyo, nevibohero vyakyo, nelidigi lyelida valia lya Shela ahimbi nomulimi gwomwami, kuduka ku vikaa vyoku sulunguta kutwula mu lidala lya Daudi.

Zaburi 46:4

Gu veye ho mugera gwemigera gyagwo gyi yanzidzanga lidala lya Nyasaye, Hatakatifu ha mahema ga U Veye Igulu Ligali.

Isaya 1:20

navutswa ni i va mu sula nokwebaala, kivavi ki la mu lia; kigira munwa gwa Yahova gu vola yaga.

Isaya 28:2

Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono.

Isaya 30:12

Kunangwa kigira yaga Uyu Mutakatifu wa Israeli a vola, Kigira mu lega likuva yili, nokusuuvira lidambidza nobukyamu, nokwidira ku yivi;

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 7:4

u mu volere, Welinde, wehodzeridze; u ta tia mba, kandi u ta kudza mwoyo, kigira mikira gyiviri yigyi gyetsisese tsi vuyanga mwoki, na kigira ubutima ubululu bwa Rezin na Siria, nomwana wa Remalia.

Isaya 7:6

Gendi, kwanegire kulwana na Yuda, ku va kupidze kivi, nokusasugula ha ku nyala kwingira, nokuvika mwami mulyo, mwanawa Tabeeli;

Isaya 7:9

na mutwe gwa Efiraim ni Samaria, na mutwe gwa Samaria, ni uyu mwana wa Remalia. Ni mu va ni mu sula kusuuvira, ligali si mu la dinyeridzwa.

Isaya 8:5

Na Yahova ya mbolera kandi, ni ya mbolera,

Jeremia 18:14

Likonza lya Lebanon li Ia kama ku ligina lyommulimi? Kinga amadzi makindu aga gwidzanga hasi kutwula ihale ga luminywa?

Jeremia 2:13

Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

Jeremia 2:18

Kalunu u veye na ki kya u kola ku inzira i tsitsanga Egepeti, kunwa amadzi ga Shihoru? Naho u veye na ki kya u kola ku inzira i tsitsanga Asuria kunwa amadzi go Mugera?

Luka 13:4

Naho yavo likumi na vatanu na vavaka avomnara gwa gwira mu Siloam ni gu viita, mu ganagana va li avekivihiri kuvita avandi vosi ava menya Yerusalemi?

Yohana 9:7

kandi ya mu volera, Tsia, wisaave mu lidavalia lya Siloam (litivula li veye kuvola, Wa tumwa). Ya tsia ni yisava ni yadza na a lola.