Isaya 8:22 - KITABU KITAKATIFU

²² na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Isaya 8:22 ပူးပေါင်းရင်းမြစ်များ

Ayubu 18:18

A la kungwa kutwula mbulavu a tsie mkisundi Nokukungwa a twule mu lirova.

Kutwula 10:21

Na Yahova ya volera Musa, Nyira mukono gugwo kuhenidza migulu, ki duke kuva kisundi ku kivala kya Egepeti, kuduka va havatidze kisundi.

Kutwula 10:22

Na Musa ya nyira mukono gwigwe kuhenza migulu, na kya duka kisundi kinene mu kivala kyosi kya Egepeti kuduka madiku gavaka;

Tsing'ano 14:32

Mudamano u minirangwa hasi mu likola ubudamano bwibwe; Navutswa mulungi a veye nelisuu viridzwa mu likudza lilye.

Isaya 30:6

Ubuliduhu bwe tsinyama tsya Kusini. Kuvita hagati hekivala kyekivi nelisaliridzwa, he king'ang'a kikali ki twula, neking'ang'a, kihirigoma nenzoka yokubuluka i sambanga, yavo va leta ubutugi bwavo ku migongo gyetsisukiri tsisoleli, na akiba yavo ku tsinatwumbi tsyetsing'amia, va tsia ku avandu va ta va konya kindu.

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Isaya 50:11

Henza, mwosi ava fwananga muliru, mwinye avebohanga netsimuli tsyomuliru; mu gende mu lumemo lwomuliru gwenyu, na hagati hetsimuli tsyomuliru gwa mwa fwana. Mu la nyola yivi ku mukono gwange; na mu la gona hasi nobuverereri.

Isaya 50:3

Inze nda vika ligu lu nekisundi, na nda lomba kikuniko kyalyo kuva tsingubo tsyamagunia.

Isaya 59:9

Kigira yaga likalaga lyobulungi li veye ihale nekwinye, kandi ubulungi si bu ku nyola: kwenyanga bulavu, navutswa henza, ni kisundi; kwenyanga ubwaku, navutswa, ku gendanga mkisundi kinene.

Isaya 60:2

Kigira, henza, kisundi ki la kunika lirova, nekisundi kinene ki la kunika avetsihiri: navutswa Yahova a la kya ku ive, nobukumi bwibwe bu la loleka ku ive.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Isaya 9:1

Navutswa ubulavu si bu la geha mba ku mukali u veye mu litsunwa. Mu madiku ga matsyambiri ya kola kivala kya Zebuloni kulegwa nekivala kya Nafitali; navutswa mmadiku gekiheri ya vi kuminya, ku inzira yenyanza, ingereka wa Yordani Galilaya kyetsihiri.

Isaya 9:20

Na mulala a la nuula ku luvega lwomukono mulungi, na a la va nenzala; a la lia ku luvega lwomukono mmosi, na a la vula kwiguta: mundu sa mulala a la lia inyama yomukono gwigwe mwene:

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Jeremia 23:12

Kunangwa kigira yaga inzira yavo i la va kuvo kuli ha va terera mu kisundi: va la komololwa va tsia imbiri nokugwa muyo; kigira inze nda leta ubudamano kuvo, li vola li veye, muhiga gwelidukirwa lyavo, Yahova a vola.

Matayo 22:13

Hene yaho mwami ya volera ava tumekiri veve, Mu mu bohe mikono nevirenge, mu mu te mu kisundi kyekyova; ha la va nelilira nokudyedyeidza amino.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Matayo 8:12

navutswa avana vobwami va la tebwa mkisundi kyekyova: li la ka ve lilira nokudyedyeidza amino.

Yudasi 1:13

kandi va veye viguvuli vyenyanza vitigali rangwa, nokutwula tsisoni tsyavo kuli lufwulu; kandi va veye tsing'ereng'ani tsi vodonkana, kigira yavo ubumwamu bwekisundi bu vikeywi mihiga nemihiga.

Likunula 16:10

Kandi wa katano yagulula kituva kikye ku intebe ya uyu inyama; kandi ubwami bwibwe bwa kolwa kisundi; kandi va nyanya tsinimi tsyavo kigira ubusaliri,